🩸متمردتي المطلقة🩸
بقلمي: أريا ستارك
🍁الحلقة الخامسة: بين ثنايا الحاضر وألغاز الماضي🍁
متمردتي: 8
معاذ فنفس وقت طلق من امينة ودفعها لي خلاها تخنزر فيه كيفاش فلبلاصة معقلش عليها وغادي لجهة حنان وهو باقي مصدوم
معاذ: حنان؟!! إمتى جيتي
حنان دورات راسها من جهة امينة لفين وقف معاذ وعينيها كلهم حقد: لباب!!
معاذ: أشنو؟
حنان تنهدات بنفاذ صبر: قلت لك لباب بزوجكم (نعتات فأمينة بصبعها)
امينة حطات يدها على خصرها: أش كتخربقي نتي مالو لباب؟
نورة: براااا وسدو باب موراكم فهمتي دابا؟؟
معاذ خنزر يالاه غايمشي حداها سمعو دقان فلباب مشا يحل لقا زوج ديال عساسة واقفين شافو فيه ودخلو: آنسة حنان أش حب لخاطر؟
حنان عيطات ليهم ملي دخلو للدوش باش يعونوها تخرجهم من غير خسائر مادية وحتى بشرية وهي عارفة معاذ من نوع لي كيضرب...
حنان بابتسامة: خالد! نور دين!! شكرا حيت طلعتو بغيتكم تعاونو معاذ وأمينة يخرجو من لعمارة ومن ليوم راهم ممنوعين يعتبو هنا...
معاذ عروقو خرجو تعصب زاد خطوة: أش هاد ل**** اش كتخربقي
زاد خطوات اخرى لعندها وقف ليه فطريقو خالد لعساس: سي معاذ تفضل معانا انت ولآنسة
معاذ: طلق مني ولا نهرس ديمك راه داري هادي داري شاريها بفلوسي
حنان طلقات ضحكة بزز غير من فوق قلبها كتبان قوية قدامهم مابغاتهمش يشوفوها مهرسة: تو توتو بيبي هادي داري شريتها بفلوسي ومكتوبة بسميتي...
معاذ: تانا عاونت فيها اش كتخربقي
حنان: مممم عندك شي دليل على هاد لهضرة لي كتقول؟؟ انا معقلتش والو
معاذ: من أحسن متلعبيش معايا كون تعرفي مصلاحتك
حنان وقفات وهاد لمرة بينات شوية لغضب لي لداخل: خرجو عليا برا أخر مرة نشوف كمامركم برااا يالاه سالينا...
امينة كتكرز بينوار على جسمها: بلاتي نبدل حوايجي
حنان وقفات ليها فطريقها: نونو كبيدة برا هي برا...اصلا هادوك حوايجي متخلينيش نعري ديمك ونعيط لك بوليس
امينة كتغوت: واش تسطيتي بغيتيني نخرج هاكا؟؟
حنان: بلاتي نتفكر علاش غادي نتسوق ولا تبقاي فيا ونحن؟؟.. ممممم والو ماكاينش سبب واحد يخليني نفكر فمصلحتك وأصلا ماتخافيش المغرب كامل تلقايه شاف لحمك
امينة بحقد: غاندمك على هاد نهار!!
حنان قربات ليها حتا وجهها كان مقاد مع وجه أمينة: غاتحاولي ديري شي حاجة غاندمك على نهار لي قررتي تبروفيتي فيا ولا حتى تعرفيني كااااع....براااااا
خرجو وهوما كيعيرو ومحيحين اما حنان خلاتهم حتى خرجو وعرفاتهم مشاو ديك ساعة طلقات لعنان لدموعها ولي جات فطريقها تهرسها ماعرفاتش واش بدقايق وهي كتبكي وتهرس ولا سوايع لوقت ماحساتش بيه حتى حسات بلعيا طاحت لرض ومن كترة لعيا نعسات فلأرض تالصباح عاد فاقت.
من بعد داك نهار أيام وأسابيع وشهور دازت دغيا حنان قدرات تطلق واخا حاولو يشوهو ليها صمعة ديالها مشاو دارو قناة يوتوب وبداو بيها هي لولة قالو عليها نصابة وشفراتهم وياريتهم ماداروها، من مورا داك فيديو حنان ورات ليهم فيديو لي سجلات وحيت هي بنت ناس درقات جسمهم وخلات صوت ووجههم مكشوف وحتى فلمحكمة كان هداك فيديو هو تذكرة ديالها للحرية حيت فعلا معاذ نكر كلشي مفراسوش بلا خدات ليهم سوفونير...
شحال لحياة صعيبة بالنسبة لأي وحدة كتطلق؛ اسم مطلقة بحال نقطة كحلة وسط مجتمعنا لي ماكيرحمش ناس يطعنو فشرفك وناس يجمعو بيك وناس يلوموك واخا يعرفو سبب حيت فعقلهم ابغض حاجة هي طلاق، ماعاشوش فبلاصتها ماشافوش معاناتها ليومية قبل من خيانة زوجية كان تعذيب نفسي ديما مقابلها "شحال ضعيفة ماعندكش مؤهلات ماعندكش فين نشد" هادو كلماتو ليها لي كانت ديما كتحسسها بنقص حتى ولات كتشك فراسها... حتى من لي جاها عرض تكون عارضة لماركة مغربية ماكانش كيشجعها بلعكس (فك غير لعضام اش جابك لشي عارضة ازياء غير حيت وجهك زوين اما مايعزلوكش)...
كان كيبزز عليها راسو يوميا وهو كيحاول ياخد حقوقو زوجية لي كان كيخلي لأمور تسالي بيها كتبكي ولا هو صرفقها ولا شتمها بكلام نابي ماكانتش كتوقع تسمعو منو.
لخوف كان حابسها وماكتقدرش تلبي ليه رغباتو طلبها لوحيد يتسناها تقوي راسها كانت كتوقع من حب حياتها يكون متفهم، ماشي يلبي رغباتو بطريقة قذرة قدامها ...
#نهاية_فلاش
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
