🩸متمردتي المطلقة🩸
بقلمي: اريا ستارك
😷الحلقة الرابعة عشر: بين الشوق والنسيان 😷
متمردتي: 2
جري احنان جري هادو ما معاهمش لمفاكة
حنان هزات صبعها كتنعت موراهم خرجات ونقطات بصوت عالي: بولييييس
عادل شد يدها وبدا كيجري مولف بهاد لأحياء بقا كيخرج من زنقة ودخل فوحدة حتى عرف بلا ماتابعهم تاحد عاد طلق منها وشاف فيها كيسترجع فأنفاسو بزز: واش نتي مسطية؟؟ اغلبية عوازة نيويورك لي فهاد منطقة كينتاميو لعصابات
حنان ماحاسة بوالو من غير سخفة بجري: مكان لا بوليس لا والو غير بغيت نشتت انتباههم وصدقات
عادل وقف بقا كيشوف فيها: اشنو وقع؟ باينة فك منفوخة بكا
حنان: احم ممكن نبقا عندك شوية ولا نشوفو لوطيلات لي باقين حالين
فهمها مابغاش تهضر شاف فيها مهازاش حوايج: تسنايني ندخل لداك سطور (محل) نتقدى ونجي
حنان وقفات كتفكر محاساش بدنيا ودغيا رجع بالنسبة ليها عادل لي نص ساعة عاد باش رجع، مفهوم لوقت بالنسبة ليها منعدم احاسيسها مخربقة بزاف وفبالها حاجة وحدة هي ضرب يدها ولكن حنان جديدة لي تلات بسباب رائد غاتضارب مع راسها وتحاول تحيد دوك لعادات، عادل كينعت ليها منين غايمشيو واش كاين فهاد النواحي كيهضر غير باش يحاول ينسيها وتهضر ولا غير تسمع...
وصلو قدام عمارة لي فيه برطمة ديالو صغيرة حلها على صالة صغيرة محلولة على لكوزينة محطوط فلرضية كوزينة صنادق ديال لما حيت ماكيشربوش من روبيني، دخلات كاينين زوج بيوت صغار وحمام: انجيب لك شي مانطات فرشيهم فوق داك لفوطاي راه واكل ضق وماغترتاحيش فيه ولكن عل اقل غاتي علك بابك وخودي راحتك انعطك شي حاجة تبدلي وتانشريوهم لك من أنتيرنيت
حنان جبدات تيليفونها: ماباغاش نشعل هادا
عادل رجع صالة وجاب ليها طابليط:عندي بيسي لداخل وتيليفون خلي عندك هادي...شوفي كنت بارك غير بوحدي غايهرب لي لاهوما لوناسة دار دارك ووقتما بغيتي تهضري باب بيتي غير لهيه
حنان بقات كتشكر فيه شحال عاد فرشات وحاولات تنعس واخة غير سويعات قلال مهم رتاحت شوية...
**********************
راجع للدار تحت عينيه كحل بقلة نعاس من لي خرجات وهو كيدير فالزنقة كيقلب ليوم نهار تالت مكلاش ومشافش نعاس هاد لأيام هبط لتحت لفين دوزو وقتهم من لي كان ضو مقطوع غادي حاقد فاتجاه باب صغير حلو بساروت دخلو لبلاصة محطوط فيها ألات رياضية مدفوعين جيهة لحيط ومحطوط سرير صغير وحداه بواطات لماكلة فكل بلاصة...
كارمن عينيها حمرين: رائد عفاك خرجني انا حاملة عفاك
رائد بكل عصبية: زمي فمك انا لي كنهضر وتجاوبي من لي نسولك!! ياك باقة حية واكلة شاربة راني داير معاك موووت مزيان..
عرفتي حنان فين؟؟ تاحد ماعارف وحتى بوليس ديكلاريت ولا بغيتي نرجع نديكلاري بيك؟؟ تولدي فلحبس؟
كارمن تخلعات من سيرة لحبس: لالا عفاك عفاك أنجيب لك معاذ تال عندك عفاك تيق فيا
رائد بتاسم وراها تيليفونو فيه صورة مرة كبيرة باركة فوق سرير: تجيبي معاذ نرجع لك لبنكة ديالك
كارمن عاد حسات بأفعالها فين وصلوها: إلا ماما عفاك!! نجيبو تال عندك بليييز والله
رائد وقف وبقا كيشوف فيها: نتي لي قلبتي عليه؟؟
كارمن خرجات عينيها مترددة ولكن صوتو زعزعها: ماغتقوليش غاندوز أبيل دابة ترحمي على مك
كارمن: جميلة جميلة هي لي عطاتو نمراتي
وقفات دنيا قدام عينيه بقا غير كيشوف فيها مامتأكدش من كلامها عرقو غايطرطقو بالأعصاب، نقزات دغيا كارمن هضرات قبل ما يبدا هو ومايسمعش ليها..
كارمن: باه كاين فنفس مركز إعادة تأهيل لي فيه ماماك دخل على قبلك هادشي لي قاليا معاذ مؤخرا باغين ينتاقمو ولا ترجع ليهم عشرين مليون ومن لي عرف حنان معاك قاليا نفارقكم وعطيني فلوس وانا بغيتك غير ترجع ليا..
هنا رائد شاف فكرشها وبخطوات سريعة جا قدامها وهز ليها تيشورط بجهد لقاها كرش اصطناعية هز يدو تال لفوق وصرفقها...
رائد عينيه كلهم شر: أول مرة كنحط يدي على مرا وماندمتش شوفي من لخر شروطي واضحين وهوما لي يقدرو خرجوك من هنا (معاذ مقابل حرية ديالك وديال ماماك)
كارمن عينيها ولاو كيبريو بلفرحة: وماما عفاك
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
