متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:6

حنان شافت فيها وقرنات حجبانها: تفكرت نتي لي قاليا عادل بلي دوا مع علياء على قبلك
علياء: اه تلاقيتي بيه؟؟ ماتبدلش باقي الله يعمرها دار ضحوكي وناشط
نكافة: اه هو لي لقا ليا هاد لخدمة فحقيقة معنديش كليان بزاف يالاه خرجت من لقراية وتبعت هادشي..
حنان عرفات كاينة قصة ولكن مبغاتش تسول كتر هزات تيليفونها صورات نقش رجليها ورجلين علياء وعاد صورت يدها حيت نقشات غير وحدة باش تقدر تهز تيلي متقدرش تعيش بلا بيه وصورات نقش علياء: عطيني كارط فيزيت ديالك نحطها مع تصاور وتشوفي لكليان شحال يجيوك
نكافة عينيها خرجو بلفرحة: بصح بصح؟!؟؟ (شوية حدرات راسها) معنديش كارط
حنان: عندك إنسطا؟؟
نكافة عندي ولكن غير ديالي
حنان: لكان عندك فتيليفونك تصاور لحنة لي كديري لبنادم سيفطيهم ليا نصايب لك واحد جديد بروفيسيونيل
نكافة: الله يكتر خيرك
حنان: مابيناتناش وأصلا كيعجبني نعاون لبنات لي كيكافحو ويشقو طريقهم بوحدهم (ضارت عند علياء) يالاه قولي ليا علاش نجيب شي حد معايا صافي سعاد ولات صحبتنا مغاتخرجش لهضرة ياك
نكافة (سعاد بتاسمات): لالا غير دويو مهم نتسنط معاكم هههههه
علياء: هههه مهم بغيتك تجيبي معاك شي حد غدا للعرس زعمة date (رفيق/صاحب)
حنان: هههههههه وعلاش اختي جاتك هاد لفكرة زعمة؟؟
علياء قرنات حجبانها: حيت رائد جايب معاه شي حد
حنان حيدات ابتسامة من على وجهها: وانا مالي؟؟ ماشي على قبلو نبدل بروگرام ديالي
علياء شافت فسعاد: عرفتي رائد ياك... كيموت على هاد لحمارة وهي تاهي كتبغيه ولكن مخاصمين
حنان طلقات ضحكة من قلبها: تي اش هاد فيلم هيندي لي ختارعتي مكتمركيش؟؟ لعنداك اسعاد هادا صاحب خويا وكان كيبغيني فصغرو غير عقل صغر ودابا شبع عياقة وكيصحاب ليه تانا بحال اي بنت غانلوح راسي عليه فأحلامو
سعاد بتاسمات من طريقة كلام حنان وشافت فعلياء: اه خاصها تعرض على شي حد
حنان: انا مامحتاجاش راجل يوقف معايا باش نبان قوية
سعاد: راجل واخا كيبغي لمرة لقوية كيبغي لمرة لي كتحتاج ليه ولي تغريه وتعصبو وتحرك فيه نار لغيرة
حنان بقات كتشوف فيها شحال عاد دوات: اصلا كنت غانجي مع أمين غير...
علياء طلقات ضحكة تاخنزرات فيها مها لي كل مرة تغمزها ولا تعض على قنوفتها ملي كتشوف بنتها محيحة بلهضرة وضحك...
علياء حدرات راسها وكتهضر بفمها مسدود: غغغغعنننغنغننغ
حنان شافت فصحبتها: نعام أختي اشمن لغة هادي
علياء شافت فماماها: مي غاتقبرني ليوم بسبابك ... شوفي جيبي شي حد معاك بلا عياقة كيما هو باغي يفقصك تانتي فقصيه
حنان: واخا
هاد لكلمة خلات علياء تهز فيها راسها بزربة لقاتها مقابلة نقطة وحدة وعينيها مغرغرين من لي شافت لقات زوج بنات بتكاشط كحلين شبكة كيتشابهو واقفين مع رائد توأم كيحمقو كتعرفهم من لعائلة ديالها غير معندهاش معاهم حيت شبعانين عياقة..