متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:1

علياء فتيليفون متوترة: الله يرحم باك لما دخلي
حنان معصبة: ساطة سيمانة وانا كنقولك داك سيد مبغاش نشوفو تال نهار لعرس حيت إجباري باش تقولي ليا ليوم لحنة وهو لي غايدينا ماداخلاش نتلاقاو فصالون..
علياء خنزرات شوية بتاسمات بخبث: عرسي ويري ليا هاد لحالة؟؟ نهاري وكتنكدي عليا علاش؟؟ عمرني ضلمتك فشي حاجة؟
حنان خنزرات: عيطي ليه دابة قوليه مايجيش انا غانسوق
علياء: غاتسوقي بتكشيطتك وطالون
حنان: عانسوق الالة بغير بلبيكيني طلقيني خلاص عيطي ليه مايجيش... اصلا مغانجيوش من صالون لابسين غانخلي حوايجي هنا تانرجعو
علياء: وا عارفة عارفة ازمر تفو شحال فك ديال تنكاد هاد سيمانة ملي تخاصمتي معاه ونتي كضاربي مع خيالك
حنان: علييياااااء!!
علياء قطعات معاها  بزربة وعيطات لرائد: سمح ليا ارائد ولهيلا كون تاصلت بك قبل
رائد: انا قدام لباب مراجعش فحالي حتى وصلت هنا غانوصلكم كيما تافقت مع سيمو وغانتسناكم نرجعكم وديك ساعة ديرو لي بغيتو دابة غانتبع
قطع على علياء قبل ماتجاوب وتاجه لطوموبيل حمرة واقفة قدام دار علياء اعصابو باينة من لعروق لبارزين فعنقو وقف قدام باب حنان لي كانت حادرة راسها فتيليفون كتسيفط مسج وهي مخنزرة حسات بشي حد وقف وشافت لخيال ملي هزات عينيها تحل عليها باب ديال طوموبيل..
رائد وقف قدامها تنهد من لي شافها مزنكة ولفوطة فوق راسها شعرها كيبان شوية منو سارد حك شعرو بعصبية شاف فعينيها لي تحولو من غضب لمفاجئة: واش متقدريش تنازلي على كبريائك ودوزي عرس صاحبتك بلاماتكوني انانية؟
حنان: عرفتي كون دخل سوق راسك ولهيلا نعيشو بيخير وفتبات ونبات
رائد: كنهضر معاك معقول ممكن تخلي خلافاتنا على جنب وتفرحي لصاحبتك ومتنكديش عليها؟؟ غير تانوصلكم ونرجع نجيبكم يري لي بغيتي من وراها
حنان شافت فدار علياء مخرجينها عماتها وخوالاتها بزغاريت رائد رجع بلور ومشى حل طوموبيلتو وبتاسم لعلياء: متأكدة باقة باغة تزوجي من داك كسول؟؟
علياء كتشوف فحنان بتوتر لي مشات حلات لكوفر وهي كتخبط فطوموبيلتها رجعات عينيها لرائد: متأكد ماغاتقتلكش ملي نطلعو لنفس طوموبيل
رائد شاف فحنان وملامحو كلهم ولاو برود: راك عارفة صحبتك حسن من اي حد مغاتشوفش فيا تاشوفان وتقدر ماتهضرش معاك نتي نيت كاع...علاش ماقلتيش ليها انا لي غانديكم؟؟
علياء شافت فيها بمعنى من نيتك؟؟: كون عرفاتك نتا لي غاتدينا كون خلصات طاكسي ومتركبش معاك وانا بغيتكم تصالحو خلاص وتهنيونا من هاد.دراما...
حنان دخلات من وسط منهم بكتافها: غانتحركو ليوم ولا نجيبو ليكم كراسا تبركو تحاجاو
علياء بشوية قالت لرائد: هاحنا بدينا
حنان خنزرات فيها: قلتي شي حاجة؟؟
علياء خرجات عينيها: اه ليلة زيناااا زعمة ان شاء الله ليلة زينا ....زيد أخويا زيد الله يكمل هاد لعرس على خير...لخلعة لي غاتركب فيا هادي فين تبان خلعة لعرس..
حنان بعصبية: غاتبقاي تبركمي تحت لسانك؟
علياء تخشات حداها فطوموبيل وشدات ليها فدرعاها ودغيا بدلات موضوع: غانتوحشك اصابيحتي
حنان دغيا ملامحها تبدلو لكالم وحزن وفرحة مخلجة تحت عيون مراقبينهم بحال صقر وهو مقابل فريستو..: تانا اصابيحتي ولكن have fun راه شهر لعسل ديالك حيحي ليا مع راسك
علياء: عقبة لك
حنان: الله ينجيني لعدوك لي ماتبغيه
علياء ضحكات وحنان غمزتها وتالت شخص معاهم غير كيشوف كيفاش هاد لبنات دغيا مع بعضياتهم كيتبدلو وكيأثرو على بعضياتهم دغيا تقلب مزاجهم وصدقو ضاحكين وناسيين اختلافهم من قبل...بالنسبة ليهم تاشي اختلاف ماكيستاهل يكعاو من بعضياتهم ولا نايبقاوش فحياة بعض...

فيديو حنان فصالون بعد لميكاب 😍