متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة السادسة: متمردتي سيدة التناقضات🍁

متمردتي:4

سيمو كان كيخنزر فعلياء من لي سمع كلام حنان ضار عندها ببطئ عارف طريقتها فدفاع على راسها هي لهجوم وقف بينها وبين رائد شاف فيها بحزن ورجع شاف فرائد بغضب: قلتي على ختي مستعملة؟؟
رائد شاف فصاحبو ورجع عينيه على حنان لي بتاسمات ليه جنب وهزات حاجبها بمعنى يالاه جاوبو عرفها كل حاجة قالتها إلا وعندها سباب يعني هادي داخلة فلخطة ديالها..
تنهد وشاف فصاحبو كيحاول يفكر كيدير يخرج من هاد لمشكل حتى تسمع صوت علياء معصبة دوات مع حنان:علاش ماقلتيش ليا هادشي؟؟ ديمو يقولك هاد لهضرة ونهار لاخر يبوسك مال ديمو هربان ليه فريخ حيدي من قدامي نبرقق ديمو
حنان خرجات عينيها وحطات يدها على فم علياء: لعالية الله يحرق حباب مك واش هاد لفم مبري منك
حنان تحت من يد حنان كتنثر باغة توصل لرائد: مايقولش لك ديك لهضرة كيفاش هاد مستعملة ديمو وهو فينما كانت شي صالوبارا نعس معاها ليوم نطيح عليه روح بربي ...
حنان سدات ليها فمها عوتاني وهضرات فودنها: مشكيل كبير كينسيك مشكل صغير
علياء وقفات وشافت فصاحبتها هادي كانت جملة لي كيقولوفينما كيوقعو فشي مشكل لحل لي كيخرجو بيه من مشكل صغير هي يفتاعلو مشكل كبر من لول بحال نهار كانو غايحصلو سالتين من لمدرسة وعيطات لمدرسة لواليديهم خباو صيكانهم ودخلو لديورهم كيبكيو وقالو لواليديهم بلي تكريساو وملقاوش كيديرو يرجعو لديورهم الفو قصة...
حنان رجعات دوات معاها بشوية: قلتها بلعاني باش يضاربو وينساونا ساعة ديمك نتي شعلتي العوافي لعوافي...
علياء بصوت باح وكارزة على سنانها: نتي لي شعلتي لعوافي انا زدت غير فيخرات
خرجهم من صراعهم صوت ضربة لي جات لرائد فوجهو خلاتو شاف فسيمو وهز يديه: سيمو..
سيمو قاطعو وهو معصب شنق عليه: هادي هي صحبة؟؟ انا لي تقت فيك تجي من ورايا وتعاير ختي لا ومن لفوق تحط يديك عليها؟؟ تقيسها بحال هكاك؟؟
حنان تحركات بزربة ولكن وصلات لخوها من ورا ضربة لوخرا لي عطاها لرائد، جرات سيمو كتحاول تبعدو ولكن كل مرة يدفعها يحيدها من طريقو: هادي هي رجولة؟؟ هادي هي صحبة؟؟
حنان كتحاول تشدو وكدوي: سيمو بلاتي ماضربوش...
رائد خنزر فيها: خرجي من لموضوع دابا بيني انا وصاحبي
سيمو: كنا صحاب ليوم أخر نهار فهاد صحبة ديال زمر طلقي مني احنان
حنان غمزات علياء لي جات من مورا سيمو وعنقاتو بحال طفيتيه مابقاش تحرك شاف يديها ملوين عليه ودار عندها: عفاك ماضاربش!!
سيمو شد ليها فحنكها: لاش كتبكي دابا
علياء شافت فحنان بمعنى شوفي نتي لاخر: خلعتيني علك اسيمو ماضاربش قدامي كنخاف علك..
سيمو عنقها: ماتخافيش ماكاين والو
حنان مشات لعند رائد لي عاطيها بجنب حطات يدها على دراعو: انشوف وجهك
رائد نفض يدها من دراعو وتحرك بخطوات تابتة لعند سيمو: دابا تكالميتي شوية ممكن تجي معايا نهضرو بحال ناس بعقلهم
سيمو ضار عندو بزربة مخنزر حس بيدين علياء شدوه من دراعو وكرزو وهو يتكالما ماخاصوش يضارب قدامها واقلة من أحسن يمشي معاه هز كاسك ديالو من لرض:دينا لبلاصة ديال ديما
حنان موراهم مشات عند علياء شدات ليها فدراعها وبقاو مقابلينهم ركبو فوق موطور وزادو، علياء كرزات عليها وفعلا عينيها مدمعين بصح: هاد لمرة واقلة زدنا فيه شوية؟؟
حنان بابتسامة: نرجعو لنايت كلوب؟؟ قفرناها قفرناها نشطحو شوية ومولاها ربي