متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة: أنثى بدون قيود🍁

متمردتي:6

حنان وقفات ساست كسوتها وخنزرات فيه: اخر مرة تقرر شي حاجة بالنيابة عليا
رائد هز كتافو بلامبالات: قلت غاتكوني فرحانة ونتي كتوجدي للنهار خوك وبيست فرند ديالك
حنان هزات مدكرتها عنقاتها للصدرها هزات راسها فيه بان ليها نيفو بدا كيتنفخ شوية خلاتو واقف مفاهم والو وتحركات بخطوات سريعة مشات للتلاجة ديستريبيتور لي كتكون محطوطة فيها موناضة لما ولعصير خشات كارطة ديالها تخلص، وخدات قرعة لما ورجعات عندو وبلاما تقول كلمة وحدة قربات ليه وهزات يدها لي فيها قرعة لما وحطاتها ليه على نيفو، رائد غمض عينيه ماشي بلألم ولكن قربها منو خلاه كيحاول مع راسو يكالمي دقات قلبو، رجعات بيه داكرة ديالو لنهار كان كيلعب مع خوها وبزوجهم طاحو وتحردات ليه ركبتو كيفاش بركات قدامو فلرض كتنفخ عليها وكتحط دوا لحمر....حل عينيها  كيشوف فعينيها لي مركزين على نيفو، وإحساس لبرودة لي بدا كيبنجو من لألم وعاد انفاسها لي كيحس بيهم واخة قصيرة عليه وواقفة على صباع رجليها باش توصل لنيفو مع دلك قربها ليه خلاه متوتر... رجع بزوج خطوات لور وخدا من عندها قرعة لما.
رائد عطاها بضهرو: شكرا!! انا نديرها لراسي
حنان: ديرها دار لك بنادم كيدير
رائد مخنزر: بعض مرات بحال كنهضر مع وحدة عندها خمس سنين
حنان: باقي ماتزاديتش انا كاع عندك شي مشكيل
رائد بتاسم باستهزاء: مشاكسة نتي
حنان معرفاتش علاش قبيلة قلب بان معصب ودابة مبتاسم مكتحملش شخصيات لغامضة والمتقلبة المزاج كيوتروها وسيرتو رائد بالذات، بقات كتفكر اش تقول...: دابة وليتي كدوي باللغة الفصحى كاع؟!
رائد: بغيتيني نقولك بالدارجة راك جنية مع راسك ولا معفرتة ولا مجننة ولا هربانة من 36
حنان: مك أنا
رائد حرك راسو باستسلام: صغيرة فعقلك
حنان: انا كبرت قبل من لوقت (عينيها دغيا بداو كيبريو) ومتنساش بلي انا كبر منك
رائد شاف فيها وهز حاجبو مبتاسم: لاج غير أرقام
حنان خنزرات فيه ملقات ماتقول: انا غانمشي عندي مايدار دابة
رائد: أطط أنا خارج معاك (صونا ليه تيليفون وقف باش يجاوب وحنان بعدات خطوات قلال إحتراما لخصوصياته ولكن تبعها وقف حداها وجاوب فتيلي)
رائد كيدوي فتيلي: وييي....(شاف فحنان شادة تيليفونها كتشوفيه) عرفت عندي تصوير ليوم ...كيما قلت لك فمسج منقدرش نمشي ... (بصوت منزعج وعصبي) ماتهرسش كون كان مهرس كون عرفتو مالنا دراري صغار؟! صافي قلت لا هي لا
قطع تيلي وهو معصب حنان لاحضات كيف عوتاني تعصب دغيا، ولكن عرفات راسها بسبابها ضيع شي حاجة كان خاصو يديرها شي جلسة تصويرية على ما سمعات عارفاه هو وخوها كيديرو اشهارات وعاد تورنوات فلمدن لفقيرة.... رجعات بتفكيرها لكيفاش انها هي سباب انبها ضميرها بقا فيها لحال بغات تعوضو بشي...
حنان: عندك مايدار دابة ولا من بعد ؟؟
رائد باستغراب: ياك نتي لي عندك مايدار وكنتي زربانة
حنان تفكرات لموعد ديالها: وي عارفة عندي موعد فواحد ريسطو لابغيتي نعرض علك لغدا عارفة راسي بسبابي توعتي فنيفك واخة نتا لي جبتيها لراسك، مهم بغيت نعرض علك لابغيتي ولا مابغيتيش حسن كاع عادي...
رائد بقا كيشوف فيها كيفاش مكتعرفش تهضر معاه من غير ماتعصب وسط لهضرة وتقلبها كلمات سلبية..
رائد: معرفتش واش كتعرضي عليا ولا كضاربي!! معامن عندك لموعد
حنان: واحد.سيد باغي يبدا معايا واحد مشروع صغير
رائد دغيا قاد ضهرو وخنزر فيها: ديما كتلاقاي برجال فلي ريسطو ولا شنو؟؟ غير لي بغا مشروع تلاقاي بيه؟؟ واش سايبة ولا ماعندك لي حكمك؟؟

فتيات مجنوناتي فنضركم اش غاتكون ردة فعل حنان؟؟ غاتكون مصوابة ولا غاتحيح عليه