متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الثانية: الملكة دائما تصنع من الألم قوة🍁

متمردتي: 5

واقفة كتمعن فجدران دارهم لي تحولو ليها كيف صغيرة وبيوتها صغار ولكن عل أقل بقات قريبة من لمكان لي عاشت فيه حياتها كاملة، عمامها باعو دار باباها ومن بعد ماسكنو فديك دار حنان فتحات قناة يوتوب اول حاجة كانت كديرها هي ماكياج شوية ولات فإنستغرام كدير لايفات غير كتنصح لبنات على بشرتهم ونوع مكياج لي يديرو شوية بشوية ولات كتجمع مع لبنات وتحل ليهم مشاكل ونصائح شوية ولات كدير اشهارات لماركات من بعد ماكترو متتبعينها وبحس لفكاهة لي فيها وعفويتها خلاتها محبوبة عند الناس...
ومن بعد ربع سنين موضوع واحد لي كان وباقي مبرزطها هو إلحاح ماماها باش تزوج من معاذ لي فعلا كيسيفط لأم ديالو تهضر معاهم للدرجة هادشي ولا ضغط نفسي عليها واقفة وسط بيتها صغير دخلات لأم..: أبنتي نعلي شيطان وتزوجي خلاص راني عييت من هاد لعيشة باركة عليا كبرتكم وعييت ...أنا مدايماش لك...
حنان كتنهد: ماما انا لي كنصرف عليكم شكون يقابلكم وراك عارفة سيمو باقي صغير
لأم: أبنتي راجلك مغايحبسكش علينا وتعاونينا وياك كتبغيه راك من إمتى ونتوما مخطوبين ومتعرغو بعضياتكم
حنان: ماما انا دابة ياله ساليت عام لول صونطر كيندير نتزوج ونكمل قرايتي
لأم: هداك سونطر طريقو بعيدة وخطيرة ونتي بوحدك خلاصة لقول أبنتي شوفي صافي صبر تقادة تزوجي خلاص حنا غير عيالات بوحدنا فالدار هادشي مابقيتش باغاه جالوقت تزوجي ماغاتعنسيش ليا هنا صافي كتعرفي دري شحال من عام هادا ديرو لعرس خلاص معندك اعذار وثافي تقادة لكلام عيطي ليه يجيب مو وجيو نتفاهمو...
رجعات تفكرات داك إحساس لي حطاتها فيه بحال مكاينش خيار أخر صافي، وفعلا كانت كتبغيه متردداتش وقفات قرايتها وفعلا تزوجو...
شحال تمنات كون ماماها نصحاتها تسنى شوية وهي باقة صغيرة ولكن بالنسبة لأمها بحال بنتها عبئ غايتشال عليها عيات ماتحضي معاها وديما مشطونة وتخاف عليها وفعلا بغات تهني بالها من جيهتها وبالنسبة ليها زواج أحسن حل....
#نهاية فلاش باك

باقة واقفة قعر صالة ديالها فبينوارها لحريري قهوى فيدها بردات،  وشعرها نازل على وجهها بخصلاتو ساردة حسات بلبرودة ماشي غير من قلة ملابسها أو شعرها لمبلل لا هاد لإحساس لي كيجيها فينما كتفكر فأيام زواجها ومعاذ كيفاش كانت شخصية مقموعة كيفاش كانت محكورة...
فيقها من سهوتها دقان فلباب وصونيط معرفاتش شكون غايجي عندها مع تمنية صباح وعلاش؟! رجعات لكوزيتة خوات لقهوة وحطات لكاس فلافابو وتحركات للباب وحلاتو، افكارها لي داوها لماضي أليم وسهوتها خلاتها تنسى راسها ملي حلات ولقات شخص لي مبغاتوش يكون دابة واقف قدام بابها لابس شورط ولفوق ديالو اديداس فلكحل سبرديلة بيضة  ونضاضر ديال شمس وداير صاكادو على ضهرو، مبتاسم ليها وياله غايدوي ولكن ملي لاحض أش لابسة سكت وبقا كيتمعن فيها وهي لاوية عليها غير بينوار حرير وديك بانطوف منفوخة وشعرها باقي سارد وباقة هازة فوطة صغير فيدها لي كانت فوق راسها، حنان ملي لاحضات نضراتو ليها وملي خرج لسانو دوزو على شفة لتحتانية فيقها من لغيبوبة ردخات لباب فوجهو ومشات تجري لبيت نعاس ديالها...
حنان: ويلي ويلي ويلي شافني بحال هاكة ولد لحرام حل فمو ولد كلاب كلهم بحال بحال  ...والله باينة تشوهت واللهتا تشوهت ويلي ويلي ولد لحرام شوية وعض على قنوفتو بارك يتمنضر كلب لاخر تانخرج لمو..
بزربة لبسات سوتيان حلات بلاكار وهزات كسوة طويلة فيها زوج فتحات من جناب لبساتها دغيا هزات صندالة طالون لبساتها وهي كتسمعو كيدق جمعات شعرها لفوق على شكل كعك مخربق بخصلات خارجين كيعطيوها جمال عشوائي خاص... كتسمعو كيصوني وكيقول شي حاجة..