متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثالثة عشر: عدوى الحب 😷

متمردتي:9

حنان متمالكة راسها غير بزز: علياء شتي نهار نحط رجلي فلمغرب عرفي راسك ديك ليلة غانريشك
حنان بتوتر كتهضر مع رائد بشوية: مممم علاش هاد زربة؟؟
رائد عنقها وقربها ليه أكتر: حنان انا وياك ساكنين فدار وحدة مغنقدرش نصبر اكتر وحنا معارفينش مع هاد لمرض إمتى غانرجعو كيما كنا... إوا!! ماغاتورينيش خاتمي؟؟
حنان هزات تيليفون يالاه غاتعاير صحبتها سبقاتها وهضرات: شوفي بلاما تخرجي فيا عينيك سيري جيبي لخاتم انا عارفاك باقي عندك بلا عياقة سيري جيبيه وركبيه ليه واه ماكتمرگيش سنين وحنا نتسناو فلاخر تخرجي فينا عينيك
حنان عضات على شفايفها باينة قربات تفرگع على علياء لي مخبية من ورا سيمو كطل عليها وكدوي ومن لي سالات كلامها رجعات تخبات..
مليكة: سربي ابنتي خلاص لفقيه مابقا ليه والو ويدخل معانا فلمكالمة...
علياء كتفقص فيها بابتسامتها لمستفزة وقفات خبطات رجليها ومشات كتنفخ...: ههههه متأكد اولدي باغي ديك لمسطية دبنتي؟ هاد سنين كاملين ماداروش لك لعقل
رائد كيضحك من قلبو ديما كان كيحس براسو وسط عائلتو بلعفوية ولحب لي كيحس بيه منهم وليوم ان شاء الله غايكون نهار لي غايدخل لعائلة بطريقة رسمية :ماما مليكة ماعندك كيديري تصدريني واااالو
سيمو: انا أصلا ماعجبانيش هاد تزويجة ونتا ماخليتيش شي عارضة ازياء ممثلة لي جا فطريقك
رائد هز حاجبو وبتاسم جنب وشاف فعلياء: خاصكم تعرفو بلا اناكنت ديما فجرائد ولكن شي ناس كانو كيديرو اكتر من ورا كاميرات....
علياء شافت فسيمو وهزات حاجبها: اش كتقول على التهم المنسوبة إليك أسي الحريري؟!!
سيمو هز كتافو: المتهم بريء حتى تثبت إدانته
مليكة: أهنيونا ونتوما متساليوش من تناگير
سيمو بتاسم لرائد وغمزو: نقراو لفاتحة كيما كيديرو ناس ولا شنو؟؟
مليكة عيطات لفريد وجاوبات سيمو فنفس لوقت: الله يرضي علك ولهيلا طارت من بالي
قراو سورة الفاتحة وتبعوها بدعاء وعاد رجعات حنان ولكن تخبات مورا تيليفون وكتقوليه بلإشاراة حط تيليفون واجي هازة فيديها بواطة صغيرة
بتاسم من توترها وشاف فتيلي لقا لعينين كلهم عليه: هاني جاي
سيمو: أرَّيْح ازمر تاتزوجو ودير لي بغيتي..
علياء بمرفقها ضربات سيمو لجنبو: كتصحبني معايقاش بيك كتحاول تنسيني؟؟ شحال ديال بنات كنتي تعرف؟؟

كيما ديما دخلو فنقاش من نوع تاني باش يعجبوك لإختلاف فنوع ديال نگير...
فجيهة لأخرى حدا دروج واقفين بزوجهم عينيهم على عينين بعضياتهم فسكوت تام أرواحهم تتكلم بلغة العيون: احم كنت شريتو غير كادو ماشي للزواج
رائد بتاسم ليها وماطة يدو: كتشري ليا كادو خاتم؟؟ اذن كنتي ناوية زواج.. أري خلاص
حنان تزنگات وحدرات راسها: احم انا لي خاصني نلبسو ليك
رائد: وهادشي غايوقع ليوم ولا غدا؟؟ فحقيقة مابقيتش صابر...
حنان زربات عليه جرات يدو خشات خاتم بزربة وطلقاتو هزات راسها فيه مقابلها فكل حركاتها: باش عرفتي قياسي؟؟
عاد ما توترات اكتر ولكن هزات راسها لفوق وشافت فيه: من أنترنيت فيه كلشي..
فكرة بسيطة أنها كتقلب عليه فوسائل لإعلام وباغة تعرف اكتر عليه فرحاتو اكتر من إنسان عادي، لإهتمام فحياتو كان شبه منعدم لذلك عوضو بأعصابو ولقلق...
رجع عينيه لختم كيبان نقرة وكحل من جناب طريقة عصرية رجع عينيه ليها ماحسش براسو حتى لقا راسو قدامها وهي متكية على لحيط لي وصلاتو بلخطوات لي رجعاتهم بلور كل مرة كان كيقرب ليها حط جبينو على جبينها: ليلة غاتولي ديالي أخيرا