متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة التاسعة:العواصف تأتي فجأة🍁

متمردتي:3

رائد: لي واقع هو أنك كترفضي لعلاج ساهل باش تفاداي انك تسخفي ولا توقع لك شي حاجة
حنان حالة فمها: نعام؟؟
رائد جر كرسي حدا سريرها حط بلاطو فوق كوافوز وبرك فلكرسي: لبارح طحتي فدار من لي يالاه خرجت
حنان: مايمكنش من بعد ماخرجتي انا متأكدة من لي خرجتي شربت أتاي ديالي على خاطري ..
رائد: ماعلينا مهم طحتي وديتك لسبيطار وتلاقيت بطبيبك (هز فنيد من بلاطو وقرعة لما حلها وماطاها ليها هي ولفنيد) شربي دوا ونكملو هضرتنا
حنان: أشنو هادا أصلا؟؟
رائد: متخافيش طبيب قاليا كلشي هادا غير مسكن للألام خفيف ماغايضركش(شربات حنان دوا ورجعات ليه لقرعة) ومن لبارح ماكليتي والو شربي ديك شربة راك محتاجة هادشي حالتك لبارح كانت كتخلع وعلاش مكتسمعيش لطبيب علاش متاخديش دوا لهرمونات
حنان بكل غضب: كيغلض مابغيتوش
رائد: حنان دوا بطريقة لمناسبة ماغايغلضش واصلا شكون تسوق كوني كيما بغيتي تكوني غاتبقاي ديما حنان
فهاد لحظة بقات كتشوف فيه وفعينيه بان ليها الصدق وحوايج أخرى ماباغاش تعرفها أو بالأحرى باغة تهرب منها..
حنان قرنات حجبانها: ماشي شغلك ارائد انا عارفة صحتي حسن من اي واحد وبليز ماتبقاش دير معايا هاد تخربيق حيت انا ماشي بحال دوك بنات لي مولف نتا لي فين ما مشيتي تلاقاهم كتر من الهم على لقلب
رائد: كتهضري على لي جوباتك فإسبانيا ...كتعرفها جميلة لي كتبقى تسيفطهم ليا..
حنان: هاديك خصها تداوى
رائد: كنحاول معاها!!... وبلا ماتبدلي لموضوع احنان خاصك تخدي دوا ديال هرمونات هادشي يقدر يأثر علك مستقبلا لابغيتي لولاد من بعد زواج
حنان: ايوا مزيان حيت نيت مغانتزوجش
رائد: حنان هضري بعقلانية
حنان غوتات عليه بعصبية: ماشغلكش ماشغلكش فحياتي ندير لي بغيت ماتقولش ليا اش ناكل واش مناكلش نغلاض ولا نرقاق شغلييييي هادا
رائد شاف فيها بغضب: هاد لهضرة كنتي تقوليها لهداك من لي كان كيعذبك نفسيا ماشي انا لي كنحاول نعاونك
حنان تعصبات: خرج برا براااا خرج من داري
خرج رائد من بيتها ولكن مامشاش فحالو بلعكس بقا كيتسنط حتى سمعها نعسات ومشا طلب بيتزا من لي فاقت تاني لقاتو واقف ليها عند راسها: ياربي يكون كابوس
رائد: خصنا نهضرو
حنان: هضرنا غير قبيلة وجريت علك مكتفهمش دارجة؟
رائد: تلاقيت بمعاذ فبار فإسبانيا من لي سالا لحفل...
حنان تقادات فوق ناموسية باركة ومتكية على لور شافت فيه وفمها محلول:كمل
رائد مركز فوجهها: كان تما مع شي جوج بنات كيشربو..
حنان ضحكت باستهزاء: شي ناس عمرهم يتبدلو
رائد عينيه كيبريو: كنت باغي ندوي معاه ولكن جاتني فكرة حسن (ملي شاف فيها عينيه فعينيها بتاسم جنب) مهم من هنا لهنا صدق فلحبس وهددتو يرجع لفلوس لي خدا ونخرجو من لحبس وفعلا سيفط ليكم فلوس ولكن خويت بيه وباقي فلحبس دابا
حنان بقات ساهية شحال كتفكر وكل مرة كيحاول يهضر معاها بلا فايدة وفلآخر باش دوات: باش عرفتيه هو لي عاون عمامي؟؟
رائد حك راسو بتوتر: سمعتو من لي كنا صغار من لي كانو غايبيعو دار... وهددني ومع عقل صغر فعلا خفت منو ولكن من لي كبرت شوية مقدرتش نقول كان فات لفوت وتزوجتو
حنان كتحاول تمالك أعصابها: علاش عاودتي ليا دابا؟؟
رائد باقي متوتر حيت عارف هاد ردة لفعل ماشي لي متوقع اذن مزال غاتشعل حنان، تنهد وقال : قلت مدام انا درت معاكم جيست زوين نتي وسيمو غادي تحسي بحال راك مدانة ليا حيت عارف طريقة تفكير ديالك غاتبغي ترجعي ليا اشنو درت معاك.. وانا عندي لك اقتراح احسن وماغايكلفك والو غير شوية لعزيمة *** شربي دواك ولي بصحتك وبيخير ومتساليني منتسالك.. أش بان لك؟***