🩸متمردتي المطلقة🩸
بقلمي: اريا ستارك
🍁الحلقة السابعة: تضحك وفي عينيها ألف دمعة🍁
متمردتي:6
مع عشرة د صباح تيليفون كيصوني بصوت مزعج برزط لينا الجميلة النائمة لي ناعسة على كرشها وكل رجل عندها مليوحة فبلاصة من بعد ليلة ديال شطيح كتحس براسها مهلوووكة.
بدات كتحل عينيها ببطئ كتعود على أشعة شمس لي داخلة من الشراجم، كيبان ليها دكشي قهوي مضبب صافي عودات سدات عينيها بدات تستسلم للنعاس حتى صونا تيليفون تاني بيديها كتلمس حداها وبلا متحل عينيها كتقلب على تيليفونها، فقدات لأمل وحلات عينيها بزز شعرها كلو فوق من وجهها كيخليها مكتشوف والو نفخات عليه بجهد وبركات فسريرها بان ليها تيليفونها فين محطوط هزاتو وجوبات وهي عينيها مغمضين..
حنان: ناري ومايكونش شي سبب نيت لي مخليك تعيطي ليا فهاد لوقت والله تا نخسرو
مليكة أم حنان: عليكم السلام ورحمة الله وبركاته
حنان حلات عينيها وحيدات تيليفون من ودنها شافت نمرة ماماها وغمضات عينيها بغضب من راسها كيفاش مرداتش لبال: ماماتي صباااح نور
مليكة: هههههه توگضتي شوية دابا؟ بغيتك فموضوع مهم
حنان بركات مقاد وحلات عينيها مزيان: أنا فايقة معاك أماما ياك لباس؟؟
مليكة: لالا والو باس أبنتي شوفي يالاه هاد صباح مع تمنية جاني اتصال من بنك كيعلموني بلي تحويل لي يالاه تم لكونط ديالي منقدرش نصرفو تادوز سيمانة عل أقل
حنان باستغراب: اوا؟؟ أشمن تحويل بعدا؟؟
مليكة :أبنتي هادشي علاش دخت وسولت سيدة قالت ليا تحويل بمبلغ عشرين مليون
حنان: أشناهوا؟؟ عشرين مليون من عندمن
مليكة بتردد: احم معاذ طرابلسي
حنان كانت غاتلوح تيليفون من يدها : علاش غادي يسيفط لك فلوس أماما أش بينك وبينو؟؟
مليكة: خليني أبنتي نكمل ...ناض عمك فريد عطا سمية لصاحبو لاجودان قلب عليه لقاه فسبانيا ومشدود فلحبس گاع
حنان طاح ليها فبالها شخص واحد لي فإسبانيا نيت فنفس لوقت بتوتر قررات تقولها لماماها: ماما رائد كاين فاسبانيا دابا
مليكة: عارفة أبنتي شفتو فلأخبار
حنان: كون عيطتي ليه يجيب لينا لخبار ديالاش هاد عشرين مليون
مليكة:داكشي علاش عيطت علك ابنتي الله يرضي علك عيطي ليه عرفي منو أشنو كاين ولا قوليه يسول لكان معارفش أشنو كاين
حنان: كيفاش لكان معارفش؟؟ زعمة يكون عندو دخل ياك؟؟ صدفة غريبة هادي
مليكة: عيطي ليه سوليه وردي عليا ابنتي الله يسر لك إن شاء الله يالاه بسلامة تهلاي فصحيحتك ابنتي
قطعات عليها خلاتها حالة فمها: حسيت براسي بحال لا لصقاتها ليا وهربات علاش ماعيطتش لسيمو هو يعيط ليه ياك صاحبو وانا مالي؟؟ نعيط ليه تكون باقة معاه ديك مونيكة ولا شي حاجة...
هزات تيليفونها وهي كتنگر دوزات نمرة وهي واقفة غادة جاية فبيتها بتوتر كتعض على ضفرانها ملي جاوب بزربة دوات..
حنان: شوف بغيت ندوي معاك لكنتي مسالي
صوت بنت كتهضر بالإسبانية:Qué؟؟ أشنو ؟؟
أنت تقرأ
متمردتي المطلقة
Romantizm⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
