متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة التاسعة: العواصف تأتي فجأة🍁

متمردتي:4

حنان بكامل قوتها كتحاول تحكم فراسها: اوكي موافقة دابا خرج برا
رائد باستغراب: علاش باقا كاعية؟؟
حنان وقفات بزربة واخا كتحس بلألام لتحت وقربات ليه : نتا كنتي عارف داك لحيوان أش كيسوى وأش دار وعمرك قلتيها ليا؟؟(قبل مايجاوب رائد دفعاتو بيديها بزوج على كتافو حتى رجع لور) نتا كنتي عارف وخليتيني فدار غفلون وتزوجت شخص بحال هكاك...تخيل اشنو اخر كان يقدر يدير ليا ها؟؟ تخيل اشنو لحوايج لي معارفهمش نتا لي دارهم ليا؟؟ (دفعاتو مرة تانية بجهد) خليتيني تزوجت بحيوان بحالو خليتيني غارقة فحلم لا أساس له من واقع وأش خسرتي عليا؟؟ **غاتندمي احنان غاتندمي**
هاد جملة كان قالها ليها قبل مايسافر فاش طلبها تبقى ليه وتسناه كان عقل صغر مافكرش بزاف هضر بأحاسيسو كتر من أي حاجة
حنان كتصفق ومبتاسمة بغضب:برافو كان عندك لحق اسيدي ودابا ندمت وكندفع ثمن كل نهار رتاحيتي؟؟ ايوا دابا خرج عليا برا براااا برااا..
بقات كدفع فيه حتى وصل لباب دار عندها : وعندك لوجه تقوليا خليتو هو يعقدني ويتحكم فحياتي لالا تانتا خليتيه ودابا كتعاتبني
رائد بعصبية تاهو بدا كيغوت ماتحملش كلامها ليه حيت فعلا كان كيلوم راسو هاد سنين كاملة : كنت صغير نتي كبر مني ديما كتقولي ليا هاد لهضرة ونتي كبيرة عليا وكملك الله بعقلك علاش مخدمتيهش ها؟؟ ولا عجبك حيت وراك شوية لحنان او بلأحرى شوية لإهتمام مخلط بلكذوب... عطاك دكشي لي كان خاصك فحياتك؟؟ كتهتمي بكلشي وملقيتيش لي اهتم بيك من بعد موت باك... نتي لي حليتي دراعك لاول شخص بتاسم فوجهك من غير ماتعرفيه اش كيسوا كون سولتي واحد من ولاد درب كون سولتي لعيالات فلحمام يقولو لك .... لا نتي غمضتي عينيك ولحتي راسك ليه ودابا كتحاسبيني انا...
حنان غوتات قاطعاتو: مانحاسبك ماتحاسبني خرج قود عليا انا ماباغة تاشي حد فهاد دنيا
رائد تعصب تحرك بزربة قدامها شد فدراعها بجهد وورك على سنانو: متخصريش لهضرة معايا
حنان نترات يدها منو ودفعاتو: كتعصبك سير تقود واسيييير تقااا
هاد لمرة شد ليها فكها بيدو وكرز عليها: حنان متعصبينيش
هنا تفكرات كلشي لي داز عليها وبحال هاد سيناريوهات لي كانو كيوقعو معاه تفكيرها خلاها تلومو كون قاليها كيعاون عمامها على بيع دارهم مكانتش تبقا معاه ولا تزوج بيه هادي كانت نقطة لي خلاتها تفقد اعصابها وتحدى رائد ودفعو وهي معصبة غادة جاية قدامو بعصبية وكتحس بنفسها غاتزهق....
حنان: وقح نتا والله... بابا لي مات كتجبدو؟؟ وعارفني شحال كنت متعلقة بيه أش كتوقع مني ها؟؟ كتصحابني تافلموت غانكون قوية وشجاعة، نلعب دور لفتاة لقاصحة؟ مبنتش لك غير بنت تاهي فعز لمراهقة بغات غير باها ومن لي ملقاتوش بغات حنان رجل بحال باها ماكيهمش شكون وفين مهم داك لفراغ يعمر ولا كنت غانتسطىىىىىى غانتسطى فين كنتي نتا؟؟ اه كنتي باقي صغير ياك مكتعرفش تا دابل راك باقي صغير وانا كبر منك تاحاجة متبدلات..
وقراري دابا لي بعقلو انك تخرج فحالك وعمرك تجي عندي ولاتصدع ليا مخي بتاشي هضرة اخرى ...شكرا حيت سيفطتيه لحبس وشكرا على لعوين فعرس خويا، سيمانة جاية لعرس من وراه انا وياك غراب فهمتيني مبغيتش تكون عندي تاعلاقة بيك وقلتي دين لي كتسالني نخلصو لك من لي نولي ناخد دوا ياك ***وحق الله إتا ناخد دوايا من ليوم وعمرني نحبسو*** (ضربات فكتفو وحلات لباب) دابا خرج تقود...
رائد باقي معصب من تعاملها معاه وكلامها تاواحد فيهم محس بلآخر ولا عرف راسو اش كيخرج من فمو بزوجهم مجروحين وبزوجهم جرحو بعضياتهم بزربة وصل حداها جرها لعندو بجهد، وهي مخنزرة فيه وقلبها كيضرب بزربة بالأعصاب شافتو بلعرض لبطيء حتى قرب ليها باسها فخدها ورجع بلور شد فلباب وشاف فيها بعينين كلهم برود: اوكي ماغانتسناش تال مورا عرس سيمو... من دابا نيت عتابري راسك غريبة عليا وتانا بحالك..

بس: بنات عنوان الحلقة جاية هو (عقد قران و عقد إنكسار) بغيت ارائكم على نهاية هاد لحلقة وعلى عنوان لحلقة جاي متبقيتش غاندوي على تفاعل... مهم خليو ليا أرائكم وتوقعاتكم ولا بنتو ليا فايقين نحط ليكم اجزاء أخرى مع العشرة ديالكم