🩸متمردتي المطلقة🩸
بقلمي: اريا ستارك
😷الحلقة الثالثة عشر: عدوى الحب 😷
متمردتي:7
كلشي ضار شاف فعلياء لي تزنگات: احم سمحوليا غير جاوبت سيمو شتي أش كدير ديما كتحطني فمواقف محرجة بحال هاكة ديمااااا
رائد كحب باش يسكتو ورجع كلشي كيشوف فحنان لي هاد لمرة حادرة راسها: حنان من لي بركنا تحت سقف واحد وعشت معاك هاد لأيام أحسن اللحضات فحياتي خديت طعم من لحياة لمستقبلية معاك تخايلت نكبرو مع بعضياتنا ومابقيتش عاقل كيفاش دوزت أيامي قبل منك، (هز يدو وماطاها ليها قدامها) إلا قلت لك بغيتك تكوني فحياتي ديما تكوني مراتي واش غاتقبلي وتحطي يدك فيدي ونبداو حياتنا بزوج؟؟
عم سكون تام كلشي كيتسنى فجواب حنان يديها عرقو مسحَتهم فسروال ديال رائد شيء لي خلاها تشجع وتبتاسم، لابسة حوايجو متكية فسريرو حتى هي جربات لحياة معاه ومبقاتش باغة ترجع لدارها بوحدها، كان عاجبها لإستقرار ديالها وحريتها ولكن من لي ذاقت طعم لحياة معاه او بلأحرى ذاقت طعم شفايفو ههه عرفات راسها أصلا تاهي كانت كتسنى فهاد نهار هزات يدها وحطاتها على يدو، شبك صباعهم مع بعض و هز يدها لعندو باسها...
مليكة قالت *سكوت علامة رضا* وعلياء مخلاتهاش دوي بدات كتزغرت فرحانة...
سيمو: هاديك موصيبة سكتي غايسحابونا إرهابيين..
علياء متسوقاتش ليه: مبروك علك صحيبتي
مليكة: مبروك أبنتي الله يكمل عليكم بلخير
سيمو: گعما قالت اه بعدا؟؟
علياء: واش نتا معانا ولا مع غانا؟؟
سيمو غمزها:معاك غير نتي ههه
فريد تجاهلهم ولف عليهم: مبروك بنتي مبروك رائد مرحبا بيك فلعائلة وداك لفقيه لي وصيتيني عليه سيفطت ليه مسج من لي بدينا نهضرو دابا قاليا يمكن نعيطو دابا...
حنان: مال فقيه؟؟
علياء: تبدلات لوقت راه كورونا حبسات ناس فديورهم ولاو يتزوجو بلاسلكي
حنان خرجات عينيها: أويلي لا أنا باغة عرس
مليكة خنزرات فبنتها: واش انا ولادي كيتزوجو بسكوتي؟؟ لعالم كلو عيش ضروف جديدة ونتي بعيدة عليا (هنا عينيها غرغرو وبانو دموع لي من قبيلة وهي حابساهم) مغربة تم حمد لله رائد كاين تم وباركة معاه فنفس دار راه شيطان تالت معاكم تم... وانا مانبغي حرام أبنتي الله يرضي علك ماتعكسيش معانا هادشي فمصلحتك...
سيمو: ولكن مال فقيه هو لي كيزوج؟؟
فريد شاف فسيمو بجدية: أولدي واش حنا كنلعبو؟؟ لفقيه بكري كان هو لي يزوج ماكانش عقد نكاح ولا تاحاجة من هادشي ديال ليوم، وعاد وراق حنان راهم مجموعين من نهار خططتو تجمعوهم فشي بلاد ماربما بوحدهم يديرو لحل لعلاقتهم هاوا الله سبحانه وتعالى عاونهم من عندو..
حنان مخرجة عينيها: كيفاش خططو شكون خططو
مليكة شدات صدرها: أي أي واقلة فرحت بزاف ضرني صدري
حنان نسات سؤال حيت فعلا كتخاف على ماماها اكتر من راسها من يوم مات باها تعلقات بيها كتر من لقياس: بشوية علك أماما واخا صافي نتزوجو ليوم غير بشوية علك وسيري رتاحي
مليكة حركات راسها ببطء: لا أبنتي تانحضر لك لزواجك واخا غير بتيليفون
رائد شاف ففريد وغمزو باش يعيط لفقيه ودراري صحابهم هو وسيمو على قبل يكونو شهود....
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
