متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: صداقة طفولية🍁

متمردتي: 7

حنان: شوف بغيت ندوي معاك لكنتي مسالي
صوت بنت كتهضر بالإسبانية: Qué؟؟ اشنو؟
حنان خنزرات: إوا صافي بقا لاصل حباب مي غير سبليونية .... كلمي ليا داك لي حداك
لبنت: cómo؟ كيفاش؟؟
حنان تنهدات: donde esta Raed؟؟ فين هو رائد
لبنت: él no está aquí ahora mismo مكاينش دابا
حنان: الله ينعل بوك وبوه حيدو عليا
قطعات تيلي وبقات معصبة عيطات لسيمو: راس طارو
سيمو: مك أنا
مليكة شيرات عليه بلبانطوف ديالها: ياك أولد مليكة ملي نتا مها انا شكون؟؟ مرت مكم
سيمو: هههههههه لواليدة فيها نكت
حنان مخنزرة: نتا عند ماما؟؟ وعلاش كتقوليا نعيط انا لرائد وانا مالي؟؟
سيمو دار هوبارلور: جاوبك بعدا قالك شي حاجة؟؟
حنان: لا جوباتني واحد لحلقة ديال مسلسل مكسيكي
سيمو مافهم والو: وبالدارجة؟؟
حنان: جوباتني بنت سبليونية
سيمو شاف فمليكة لي عضت على قنانفها وحطات صبعها على حنكها وهبطاتو (ديك اشارة لي كيديرو لعيالات ملي كيعنيو ويلي) هز كتافو معرف مايقول: اه صافي تايسالي ويهضر معانا
حنان حبسات ضحكة: مناش غايسالي الخوادري تقفنا راه ختك مكلخة
هنا مليكة طلقات ضحكة وناضت تمشي لكوزينة: هههههه الله يعطيكم لعز اما ذل راكم محيحين بيه...
سيمو: شوفي حنان الله يحفضك نطلبك طلب
حنان: سير فحالاتك صافي ساليت من طلباتكم مكاين لا الله يحفضك لا سيدي بوزكري قلب عليا
سيمو: اوكي مابغيتيش لكادو لي كنت موجد لك اوكي صافي واخا فهمتك يالاه باي باي
حنان سمعات كادو وبردات شوية من لكعية بسباب رائد باقا معرفاتش علاش كضربها نفس عليه، مكيعجبهاش نيت زعما تكون معاه فعلاقة ولكن فينما كتسمعو فشي بلاصة ولا مع شي حد كتبغي تمشي تبرزطو وتشد فيه....
تفكرات لكادو وهي عارفة سيمو كادواتو ديما شي حاجة واعرة ولا شي حاجة كانت باغاها بحال مكانة مايكل كورز لي شرا ليها فعيد ميلادها...
حنان: احم اشنو بغيتي غير قول!!
سيمو كيضحك وحابسها: لا صافي بلاش انا غانمشي مع علياء مامحتاجكش صافي
حنان: كادو ديالي غاناخدو غاناخدو قول اشنو بغيتي ولا لا شغلك هداك ولكن انا بربي منزكلك من كادو... واسربي غانسجل فيديو للقناة ديالي راه مامسالياش
سيمو: سيمانة جاية عندي رونديفو نعزلو اثات ديال صالة ولكن غانكون مسافر قبل ومعرفتش واش غانرجع فلوقت لمناسب بليييز سيري نتي وعلياء عزلوهم راك عارفة لا قلت ليها مغانجيش تقدر تقتلني وتولي ارملة قبل لوقت
حنان: بقا دير زبالي نتا غاتلقى راسك نتا لأرملة
سيمو: كاين شي راجل تقولي ليه ارملة؟؟ فين قارية فين؟؟
حنان: فينو راجل بعدا سكوووووووورت
هاد مصطلح سكورت كانت كتقولها علياء من لي كدير شي زبلة وقفراتها وغاتعطيها لسكرتح (هرب اول تعلاق ههه) جاتها لكلمة طويلة ورجعاتها سكورت