متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

#تتمة متمردتي:7

غمزها خلاها تزنگات وفعلا خفف عليها من ستريس لي كانت كتحس بيه: بغيت نعتادر لك نهار خرجت من دار مع أي واحد من لعائلة ولا صحابي نتا عارف كنبغي نواجه ونحط نقط على لحروف ولكن معاك ماكينش منطق عندي مقدرتش نتخايلك عايش معاها وعندكم بيبي مقدرتش نصبر ونسمع شي حاجة اكتر ومن لي خرجت كنت ناوية غير نبرد ونرجع ولكن ضاربت مع واحد لعزية ومن لي جا عادل كان خاصنا نهربو وبقينا من زنقة لزنقة حتى
هزات راسها تشوف فيه لقات عينيه كحالو وأعصابو بانو يالاه غايشعل تعلقات فعنقو بيديها بزوج وقربات ليه كتر: متخافش ماوقع والو ولافوت ديالي أنا لي كنت معصبة وبغيت نخرج ديك طاقة سلبية ومن ناحية عادل ماكيعني ليا والو ماشي حتى صديق عادي شخص لقيت فيه لخير وعاملني مزيان كنت كنعس فبيت بوحدي وكنسد عليا وعمرو حاول تابلهضرة والله.
رائد بتاسم ليها كيحاول يهدنها: مكلخ يقدر يكون gay قدامو هاد لجمال ومدار والو هههه
رتاحت من لي شافتو بتاسم وضحك: عمرني فكرت أنني جرحتك ولا نقصت منك اخر حاجة نديرها هي نآديك بلأحرى مستحيل نآديك...
بلأحرى مستحيل نآديك انت كلشي بالنسبة ليا كنت ديما كنحس براسي كنعطي للناس لي قراب ليا كلشي وعمرني خديت ومن لي بنتي فحياتي ونتا كتعطيني وقتك اهتمامك وحبك....عرفتي عينيك نقطة ضعفي ماشي على لون ولا لجمالية كانو هوما نافدة أو لمرآة لي كنشوف فيها روحي كنتي وباقي فاهمني وحاس بيا اكتر من راسي..أي مكان مشيت ليه عمرو ماكيتقارن بأحضانك عمرني لقيت راحتي حتى نعست فحضنك وبجنبك كتحاوط يديك وتعنقني وهاديك هي بلاصتي هاديك هي داري ومسكني..غير وجودك فحياتي خلاني وليت إنسانة حسن من لول، كنبغي جميع لحوايج لي عمرك درتي ليا متلا عمرك حاولتي تغيرني عمرك عطيتي بظهر من لي حتاجيتك عمرك وقفتي من لمحاولة أنني نكون ليك ولهاد عدم لإستسلام ديالك أنا ممتنة ليك ولطول لعمر...إيلا شي حد دابا سولني أشنو هو الحب غانسيفطهم لعندك نتا مثال حي للحب..أملي فهاد دنيا ديما نشوف هاد لإبتسامة فوجهك، ونشوف هاد لعينين كيلمعو بحال لؤلؤ من لي كتكون فرحان وهادا هو هدفي نشوفك ديما فرحان..لي كيتبت حبي ليك هو أنني بغيتك تكون ديما فرحان اكتر مابغيتها لراسي.
‏I loved you yesterday today and I will always love you
أحببتك الأمس واليوم وسأظل أحبك دائما

حط يديه على خصرها جرها لعندو بريق فعينيه كيعكس فرحة لي فعينيها كرزها بين أحضانو وقال: مكنعرفش نعبر بالهضرة ولكن كاين طرق بزاااف
قبل ماتستوعب كلامو حط شفايفو على شفايفها ...