متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:4

عينيها غرغرو من لي شافت ماماها هي وجداها جايين بشوية عليهم وبكامل أناقتهم وقدامهم خالها مع سيمو وعاد من وراهم أفراد عائلة جداها قلال وولاد دربهم لقديم لي هوما كانو عائلتها لولة وعمرهم مانساوهم ولافرطو فيهم..
حنان بزربة لاحت يديها على خوها عنقاتو وهو مبتاسم: يالعريس ياقطيب لوز خليوه يدوز
سيمو: هههههه نتي لي حابساني فهاد لحظة
رجع لور كيضحك جات حداه ماماه مليكة عنقها جنب وشاف فرائد ودار لحنان إشارة براسو جيهتو: تصالحتو؟؟
حنان طلقات من يدو لي كانت باقة شادة فيها: ماتخصمناش باش نتصالحو اصلا عمرنا كنا صحاب غير صاحب خويا لا أقل ولا أكتر
سيمو كيعيبها: لا اقل ولا أكتر هههههه لواه ريييح زيدي قدامي زيدي ...ماما دوي مع هادي على دكشي لي قلت لك
مليكة دغيا جرات حنان من ودنها: واماما واماما متبقايش ديري هاكة راني كبرت وقدام ناس ولا صورني شي حد غدا نصدق دايرة لبوز
مليكة: سمعيني ديك شنيولة عرس خوك هادا قالت ليا مامات علياء اش درتي ليهم على قبل رائد كان غايوصلكم...والله يامك وديري شي حاجة فنهار خوك نسلخ مك كبيرة ولا صغيرة عمرك تكبري على لعصا وتربية
حنان شادة ودنها: صافي صافي غير طلقي واللهما ندير شي حاجة بالله واعا طلقي..
غير طلقاتها مشات لسيمو:مصدقتيش ولكن هانية ماما قالت ليا ماندير والو فنهارك ياك
سيمو كيبتاسم ليها بمكر: هههه عرفتك مغاتقدري ديري والو مدام ماما لي موصياك
حنان قربات ليه: قالت ليا نهااااارك ياك؟  مممم عرفتي مشكيلتك دابا اشنو؟؟ هانتا حسب معايا نهار لحنة لي ليوم وعاد نهار لعرس غدا ونهار لفطور من بعدو ههههههه قودتيها غير بلاتي نهار واحد مغاندير فيه والو على قبل ماما لحبيبة ولكن ليوماين لآخرين ان شاء الله أتندم خويا
سيمو ماحيدش لإبتسامة من على وجهو: كنت عارفك غاتقولي هاد لهضرة
حنان باستغراب: إوا؟؟!!
رائد: من ورا لفطور كنت غانعطيك لكادو ديالك ساعة كيبان ليا مباغاهش
حنان عينيها خرجو كيعجبوها كادوات خوها ديما شي حاجة كتحماق عليها ولا شي حلم من أحلامها: كادو ديالاش؟؟
رائد: مفاجئة كيبان ليا مامحتاجاهاش
حنان شافت فيه بتشكيك: ماتقتش فك!!
مليكة كتسنط ليهم: لا ابنتي راه نيت بصح موجد لك شي حاجة
فريد معنق مليكة: وي شنيولة أنا لي عاونتو وعارف راه موجد لك شي حاجة
حنان مشات تجري تعلقات فدراع فريد: بابا فريد عارف راسك شحال عزيز عليا ياك ؟؟
سيمو طلق ضحكة : بلاماتعيي راسك تاحد ماغايقول تسناي كادو ديالك وكوني ضريفة زوينة
ياله غاتجاوب حنان حتى بداو دقة مراكشية بتطبال ولغنا فعوض ماتبقا عاقلة علاش كانو داويين لالا هي لولة وقفات لوسط كتشطح وتتمايل مع لموسيقى وعادل حداها شاد معاها لخط بابتسامتو طفولية فكراتو غير فعاشوراء وكيفاش كانو كينوضوها ماتبدل والو باقين دوك لأرواح لجميلة وتواضع واخا ولاو لباس عليهم...