متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي:9

علياء: كنضاربو بضحك ونقشبو مع بعضياتنا كيتك نتي لي باركة دافعة كبير وهو معفر علك إوا بقاو تسناو غايسالي لحجر صحي ويوقع لك اجمل شمس لعشية ونشبع على مك ضحك
حنان كرزات سنانها عارفاها بغاتها تفقص وتكون شي ردة فعل ولكن قررات وجاوبات ببرود: باغة غير ضحكي نعاود لك نكتة؟!
علياء: احسن نكتة هي عروسة جديدة فدار راجلها وماكيقيسوش بعضياتهم لا وماكيهضروش گااااع ههههههههههه هادي هي نكتة ولا حايد عليا
تنهدات عارفة راسها غاتبقا تسمع لهضرة اصلا امها مليكة عيطات ليها سمعاتها خل ودنيها من هروبها ولبركة فدار مع زوفري، فكراتها بسنين لي عرفات فيهم رائد كانو عل أقل يشفعو ليه بلي ماغايوقع بينهم والو كون بقات فدارها.
لا فضلات تخرج وتبرك مع واحد مكتعرفوش گاع وبوحدو فدار وسط حي خطير معروف بلعصابات، بطبيعة لحال هاد لهضرة عرفاتها من علياء لي بغاتها ترجع ليها عقلها ربما تسمع من مها حسن...
فعلا من لي سالات لمكالمة كانت حنان كتبكي مقدراتش تسمع كلام مها بلي خاب ضنها فيها من أول مشكل بينها وبين راجلها خرجات من دارها وطامة كبرى فبلاد غريبة عليها، دكشي علاش من ديك لابيل وهي حابسة راسها فلبيت كتخرج فليل تجيب ماكلة لبيتها...
رائد كل مرة كيجي يدق عليها تاكل ولكن مكتجوبوش خلاها على خاطرها مهم تأكد بلي كتاخد لماكلة لبيتها ومكترجع والو...
علياء كتغوت فتيليفون: الو وا ألو واش قطعو علينا
حنان: شكون هادو لي غايقطعو علك
علياء: لميريكان راه كيتسنطو لهضرتنا انا عااارفة كيتجسسو على لعرب وشي مرات كيقطهو علينا بلعااااني
تنهدات من هبال صحبتها معندهاش لخاطر ليه: لعالية قولي اش باغة تقولي خليني نوض ناكل
علياء تنهدات متسوقاتش لسمية بحال كيما ديما لا، هاد لمرة قلبها ضرها من جيهة صاحبتها وراسها لقاصح: حنان صلي على النبي
حنان خلعاتها مامولفاش الجدية من عند علياء: عليه افضل الصلاة والسلام..ياك لباس خلعتيني
خرج سيمو من حمام يالاه غايدوي مع علياء شاف فوجهها لجدية حل بلاكار هز شورط ديالو وخرج هربان عرف قضية حامضة ...
سمعيني احنان مزيان ديك لبسالة ديال انا فيا ضد وانا شخصية قوية وندير لي بغيت ونفعل لي بغيت ماغاتسلككش، نتي ورائد دابا مرا وراجل عمي فريد دفع ليكم لوراق ولاكط غادي يخرج ليكم قريبا ونتي مزال كتصرفي بحال غير نتي لي كاينة واحد لأنانية فيك خايبة..
وي حسيت بيك وفهمتك تصدمتي ورجعو لك عقد لماضي مع داك الحيوان ولكن راك ماشي بوحدك عندك راجل كان كيتسناك حياتو كاملة...واش فكرتي فيه من لي هزيتي راسك وخرجتي؟؟ فكرتي شحال خاف علك وقلب فزناقي؟؟ عرفتي شحال وهو كيدور فزناقي لدرجة لبوليس كيقولو ليه مايبقاش يمشي لأحياء لخطيرة على قبل شهرة ديالو وهو مقصح راسو؟... شحال من ليلة بات فطوموبيل باش مايزگلكش نتي ولا عادل من لي تخرجو تقداو؟ مكتشوفيش صورة كاملة كتشوفيها من جيهتك نتي. 
حنان قاطعاتها معصبة: وانا شي حد يشوف صورة من جيهتي لا؟؟ يالاه تزوجت لالا يالاه صبحت مزوجة جاية بنت عند راجلي بكرشها قداش حاملة منو عارفاه فين ساكن جاية تال عندو وهو ساكت ماكيدافعش على راسو لالا كيقوليها دوي بشوية
ونتي جاية تقولي ليا حقة نتبدل مانتبدل واش من لي كان كيبغيني كان كيتعزل نكون هاكة ومنكونش هاكة انا هي أنا بغاني هاكة مرحبا مابغانيش ماعندي ماندير ليه... علاش حنا نتبدلو على قبلهم علاش هوما مايتبدلوش لينا مايكونوش حسن...علاش حنا لي كنضحيو علاش...