بقلمي: اريا ستارك
🍁الحلقة الرابعة:مطاردة عاشق وتمرد أنثى🍁
متمردتي:3
حنان كتحاول تكالمي راسها كتنفس بجهد وعينيها مخنزرين على واحد واقف قدامها مبتاسم وكيشوف فيها بواحد طريقة خلاتها كتحس بتبوريشة معرفاتش واش خلعها ولا...
مخنزرة قربات ليه: واش زم**** تسطيتي؟؟؟
رائد هز كتافو: كنظن ماشي بوحدي لي كنت كنبوس
حنان كتفور معصبة ومحرجة حيت فعلا تجاوبات معاه ولكن عدرها هو شحال من عام مقاسها شي حد ولا قاست شي حد..
حنان جبدات تيليفونها: نشوفو سيمو أش غايقول
بخفة متوقعاتهاش خدا ليها رائد تيليفون من يدها : نو نو تانهضرو ...
حنان جنون كيلعبو ليها فراسها وقاحتو عصباتها من لي جا وهو كيدير بلانات ماكيتغفروش لكلام لي قال ليها بلا ماكيبغيش بضاعة مستعملة ودابا كيبوسها شنو زعما كيصحبها ساهلة ولا شنو؟
هاد لحوارات كيدورو فراسها بسرعة خيالية وأعصابها كيزيدو يخليوها تفهم كل خطوة بطريقتها لخاصة، فاش شرا ليها تيليفون فهماتها فهاد لحضة بلا كانت هاديك اول خطوة فخلاصها كيما كيديرو شي وحدين لباس عليهم مع مشاهير تيكتوك وليوتيب وعارضات الازياء... دابا هو بدا كيشري ليها كادوات كيشريها بفلوسو.. بدات كتعصب ولكن مزالها كتنفس ببطئ كتحاول تبرد راسها...
حنان: أرا تيليفوني
رائد: تيليفون لي شريت لك احسن من هادا... إمتا شريتيه ولا شكون شراه لك؟؟
فديك لحظة جميع تمارين ضبط النفس باش تكالما ولحركات التنفسية كلشي تنسى ولا كيدور فبالها هو كيصحاب ليه بلا فعلا هي من نوع لي كياخد كادوات حيت خدات تيليفون لي عطاها، ودابا ملي باسها تجاوبات معاه لعنات هاد لهرمونات لي خلاوها تفقد سيطرة لثواني لي غاتندم عليهم طول حياتها، حسات بالغضب ديالها وصل لحدود وبلا غادير شي حاجة تقدر تندم عليها...
تحركو رجليها قبل ماتفكر اشنو كادير وتاجهات عند أقرب كاردكور كاين وصلات عندو أصلا عينيها مغرغرين غير وقفات طاحو دموعها : عفاك عاوني واحد كيتحرش بيا وملي بغيت نعيط لشي حد يفكني منو خدا ليا تيليفوني عفاك عاوني ..
كارد خنزر ووقف مقاد كيشوف موراها كيبان ليه رائد كيحاول يجي يتبعها ولكن ناس لي واقفين كيشطحو فطريقو وكل مرة يتفاداهم..
كارد: صافي فهمتك وقفي مورايا
بعينيه لكاردكور شاف فكارد قريب ليه ودار ليه اشارة يجي..
رائد ملي وصل لقا لكارد واقف قدامو مخنزر وموراه حنان كتمسح دموعها، معرفش راسو اش دار ولاقال باش بكاها ولكن بغا يعنقها ويقول ليها تسمح ليه..
رائد زاد خطوة: حنان!!!
دفعو كارد: رجع لور !! وعطي لبنت تيليفونها
رائد زاد خطوة عوتاني: هاوا احنان غير اجي نهضر معاك
كارد خاد تيليفون من يدو و عطاه لحنان لي وراه: قلت لك لووور
رائد تعصب خنزر فلكارد وزاد خطوة ناوي على خزيت وقبل مايهضر تحطو عليه يدين من لور شدو ليه يديه وهو ماعرفش اشنو واقع: هييييه اش كدير واش تسطيتي
كارد ملي شافو وهو يطلقو: رائد الودغيري
كارد تاني قفز ورجع شاف فيه: اواه لكوايري ديالنا؟؟!
كارد: نهار كبير هادا سمح لينا معرفناكش والله
رائد دفعهم ودخل بيناتهم وشاف من مورا لكارد لقا غير ريح... لاحس لحنان...
أنت تقرأ
متمردتي المطلقة
Romansa⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
