متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

متمردتي:7

خدات نفس عميق وتفكرات دري لي صغر منها واقف قدامها عينيه كيتوسلوها ماتزوجش ماتقررش دابا تحطم ليه أحلامو، مكانوش اختيارات بزاف قدامها كانت كتفكر فمها وفسيمو قبل من راسها عمرها أصلا فكرات فراسها ديما كانو حبابها وصحابها هوما لوللين لذلك ضلماتو هو معاها حيت كان من لحوايج لي باغاهم لراسها...
تنهدات حلات عينيها على عينيه زمردتان لونهم كانت كتعشقهم فلوقت لحاضر ولاو إدمان، بتاسمات وقربات ليه أكتر: قبل كلشي خاصني نصارحك على لماضي فعلا كيما كنت كنقول لك عامل سن بيناتنا كان خالق ليا مشكل كنت كنفكر لكلام ناس وكلام صحابك لي هوما صحاب خويا على بنت بعقلها دايرة راسها فمراهق، بعض مرات كنت كنتمنى تكون غير حب مراهقة وغاتنساه من لي تكبر ولكن مع سنين كنتي كتزيد تصر على احاسيسك من جيهتي.
صراحة مكنتش فاهمة إهتمامي زايد بيك، كنت كنحاول متعرفنيش أنا لي كنسيفط لك ماكلة وحتى لحوايج شي مرات كنت كنشريهم اكبر من لاطاي ديال سيمو باش يعطيهم ليك هو وماتجيش مني (رائد حل فمو بلمفاجئة وبتاسم) نهار لي زدت فيه بإهتمامي زايد لاحظ معاذ وتخاصمنا على قبلك مكانش كيحملك دابا عاد عرفت علاش كنتي عارف عليه سر كبير احم على ذكر السر عرفتي نهار عرفت وكعيت منك ماشي علك ولكن على راسي ضيعت سنين كنت نقدر نكون فيهم معاك ولا نتفرغ لراسي وحياتي..ماكعيتش منك لخطأ ماشي ديالك تصرف منطقي منك فداك لوقت، عارفة معاذ ولأب ديالو كانو ناس شرانيين ولكن عرفتها حتى فات لفوت..
كرز ليها على يديها: نساي لماضي نبقاو فلحاضر .
طلقات من يديه ولكن رجع شبكهم وبعينيه كيطلبها تكمل كلامها بتاسمات ورجعت لحديثها: نهار جيتي عندي قبل ماتسافر كان هداك أكفس يوم شفت فحياتي عينيك كيفاش كانو كيرغبوني مانتزوجش عمرني نسيتهم شحال من عام وانا كنحلم بيهم (رائد جرها عندو عنقها) صغر سنك كان حاجز بيناتنا ولكن سباب لحاجز أنا كلشي كان فدماغي كنت خايفة من نظرة لمجتمع نفس لمجتمع لي مارحمنيش من لي طلقت دفعت تمن قراراتي الطائشة، ولكن كون رجع لوقت لور غادي ناخد نفس لقرار حيت كان على قبلك بغيتك تشوف مستقبلك تعيش حياتك ربما غير حيت كنت قدامك كنتي كتخايل داك لحب كنتي عايش لوهم..
رائد تنهد ماقدرش يبقى ساكت: عمرو مكان وهم
‏ you were always the one for me
كنتي ديما وباقة شخص مناسب ليا...
رجعات بلور خرجات من حضنو  وقفات وعلى أصابع رجليها طبعات قبل على حنكو وكملات كلامها: دازو سنين وكنت كنشوفك كل مرة فمجلات مابقيتش كنشريهم إنستجرام كنت كنحاول نتفادى منشورات عليك كنشوف لبنات لي كيكونو معاك فين نبان أنا كل مرة كانت كتنقص تقتي بنفسي، تناگير ديالنا كان كيعجبني كنت كنعتاقد هادو هوما مشاعرك حقيقيين غير صديقة عزيزة علك تشد فيا، ماقدرتش نصدق تقدر تكون شي حاجة كتر حيت خيبة لأمل شي حاجة مكنتش مستعدة نحسها دكشي علاش كنت ديما كنكر وماكنتيقش، معاك كنفقد أعصابي وتفكيري لعقلاني كيمشي فمهب الريح كنفكر بقلبي وهاد لحمار غير كيخربق ههههه
بتاسم عرفها كتحاول تخفف من جدية لموضوع مبغاش يقاطعها حتى تقول كلشي لي عندها..
ضحكات بتوتر: ههه لماكلة غاتبرد..
رائد: ماكيهمش أصلا كنت ناوي ناكل ماكلة من نوع اخر