متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة السادسة: متمردتي سيدة التناقضات🍁

متمردتي: 1

رائد واقف فلباب كيتفرج فيها قال بصوت مسموع ولكن كيسحاب راسو داوي غير مع راسو:
"""تقدر تخرج لبنت من لحي شعبي ولكن عمر لحي شعبي مايخرج منها"""
حنان خنزرات فيه: نعام الأخ؟؟ عاود اشنو قلتي
رائد باستغراب: علاش دويت بصوت مسموع؟!
سيمو شد لحنان فيدها: مضربيش لرجليه راه كوايري ضيعي ليه مستقبلو
حنان كتهضر مع خوها بشوية: ممكن نحرمو من كلمة بابا؟
سيمو كيضحك وغادي خارج من لبيت لي كانو باركين فيه: ههههه هو لي جبدك ديري فيه لي بغيتي
رائد شاف فسيمو: مادويتش معاها!!!
سيمو: ولكن دويتي عليها (كيعيب فرائد وقف فلباب وتكى على لحيط وغوبش) تقدر تخرج لبنت من لحي شعبي ولكن عمر لحي شعبي مايخرج منها هههههههههه كتقلب عليها أنا بعدا واللهما نفككم ياله تصالحت معاها غير بزز
رائد دار شاف فحنان وجمع حجبانو: اولا مدويتش معاك كنت ناوي نقولها فخاطري وسهيت كنعتادر وتانيا مقلت تاحاجة كدوب فعلا نتي شعبية فهضراتك وتصرفاتك وهادشي ماكيعنيش شي حاجة خايبة بلعكس بقيتي كيما نتي عمرك حاولتي تصنعي ولا تبدلي من لي دخلوك فلوس كيعجبني لواحد يكون على طبيعتو...
حنان واخة دوا زوين مكتعرفش ديزاكتيفي لكعية مكعجبهاش رائد ضريف عزيز عليها نكير ومضاربة معاه: وتالتا؟؟ مكايناش؟؟ غير شوف ضروري تكون شي حاجة اخرى مكتحملهاش فيا
رائد شاف فيها وحدر راسو مباغيش يتعصب كتر: كلامي كلو خديتي منو غير اولا وتانيا؟؟
حنان:نتا لي عايرتيني بأصلي اما منكونوش دابة كنتناقشو...
رائد تنهد واخة معرت اش يقول غاتفهمو عوج وواخة يشرح مغاتسوقش لكلامو وغاتقلب على مضاربة...فهاد لحضة معندوش كانة يشد لخاطر ويدير ليها لي بغات: مهم كنعتادر منك ماقصدت بيها والو بالنسبة ليا راه كومبليمو قبل مايكون معيورة سمحي ليا مشرحتش اشنو بغيت نقول...انا غانمشي دابة ومتخافيش قاليا سيمو غايوصلك تالدار ياله تهلاي
حنان حلات فمها بقات غير كتشوف فيه: هادا مالو؟؟! جاي تال هنا باش يرجع فحالو ومكملش حتى ساعة هنا؟!!!
حنان خرجات تجري من وراه تشوفو واش غادي نيت فحالو وصلات لباب حلاتو لقاتو ياله غادي لطوموبيل تلاقات ليه بنت لابسة دوك سيرفيطات ديال موبرا ولاطاي عندها هازة كتر ماهاز قلبي من هموم هههههه . .مؤخرة خارجة صدر مبندر حنان براسها بقات كتشوفيها: اويلي هادو اش كيوكلوهم
سيمو تاهو كان حداها هاد لوقت كامل وكيشوف فنفس لبنت: هادي راه تاكلنا حنا نيت ....واه لخير هادا!!!
حنان شافت فسيمو وخنزرات: من نيتك غاتزوج وكتقول هاد لهضرة ؟!
سيمو: راه غانتزوج ماشي غانتعمى اااأو منشوفش؟؟
حنان رجعات عينيها للبنت لقات رائد معنقها وهاز تيليفونها كياخد سيلفي معاها وبقاو واقفين كيضحكو: صاحبك رتاح مع راسو مع تيتيز
سيمو هز كتافو وضار داخل للدار: عادي ديما كان عندو مع لبنات كيتزعطو فيه وعاد شهرة خلاتو ماكيتقادااااش..
بقات كتشوف فخوها داخل للدار، رجعات عينيها على دوك زوج برا وخنزرات فرائد لي مهزش عينو فيها كاع مركز غير مع لبنت.. حنان دخلات فحوار او بلأحرى صراع داخلي غير مع راسها كدوي وتجاوب
"""ههههه هادا كان كيبغيني من صغر وباقي؟! ههههههه كيضحكو على لوقت انا بغيت واحد فحياتي ومقدرتش نشوف فشي حد اخر مدة طويلة من بعد ماشتو بعيني كيخوني ومقدرتش نخرجها من راسي وهو عايش حياتو وقالك كيحبني لواه زمر.... شي نهار غايفيق من هوسو هادشي غير ديال صغر غير حيت عمرو وصل ليا خداه على شكل تحدي.... أنا أصلا عمرني نقدر نكون مع شخص بحالو ..بففف"""