متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة: أنثى بدون قيود🍁

متمردتي:5

حنان: هاد لقنادح مشاو وخلاوني وتاواحد ماكيجاوب فتيليفون وتجي نتا تكمل لي بقا بداك تعناب ديال جدريال واش انا ناقصة...
بقات داوية وهو كيحاول يقاطعها وهي باقة كتعاير فصاحبتها وخوها حتى قفزها صوتو ملي غوت عليها "حنااااان"
خلعها وهي معروفة عندها ردود فعل غير متوقعة كل مرة أش كدير، غير سمعات صوتو قفزات حيت فعلا نساتو واقف تما، مع لقفزة ولغوتة شيرات عليه بتيليفونها جاه ديريكت لنيفو...
حنان غوتات ملي شيرات بتيليفونها مخلوعة وبدات كتعير: الله ينعل حباب اصل مك تفو لكيدار لي قالها لك خلعتيني يعطك لغرق تفو تفو تفو حيشوان منين خرجتي منين وبنادم هضر بشوية مالك كتغوت كتخلع فبنادم ماتعرف لي مريض بلقلب ولا لي حاملة
رائد نسا لألام وخرج عينيه: حاملة؟؟
حنان حطات يدها على كرشها: ايه حااااملة... للبطاقة الوطنية خخخخخخخخخ
رائد جابت ليه ضحكة حتى شد نيفو بالألام: فااااك
حنان هزات راسها فيه لقاتو شاد نيفو لي دايز بدم وتيليفونها مشرشخ فلرض مشات تجري هزات تيليفونها: ناري هرستيه لديمك
رائد خنزر فيها: من نيتك نتي راه نيفي هرستيه ليا
خنان مشافتش فيه: نيفك غايرجع بلاصتو وبرا إوا وتيليفوني اشنو؟؟ نسقيه ماربما يعاود يكبر ولا طروفة لحباب مك..
حنان حسات بذنب ياله غاتمشي عندو ساعة قبل ماتوصل ليه جات واحد زعرة كتجري: موسيو رائد ياك لباس اش وقع لك أوه لالا
حنان وقفات وربعات يدها كتعيب فلبنت: أوه لالا اوه مامي أو ماي كَـااد... هاد لبنات غايبقاو ديما يدلو راسهم قدام هاد لمشاهير بفف...
جاو دوك بنات لي كانو من قبل تاهوما كيجريو وحدة حلات صاكها هازها فرماسيان صغير معاها هههه بواطة بيضة وفيها هلال أحمر جبدات قطن ومطاتو ليه حطو تحت نيفو.. حنان دارت راسها مكتسمعش واخة راه سمعات بلا ديك لبنت فرملية وديما عندها إسعافات الأولية فصاكها...
لبنت: خاصك تمشي لسبيطار ولا تهرس لك نيفك ولا وقع لك شي ارتجاج
حنان بركات فلرض ربعت يديها وكتشوف فلبياسات ديال تيليفونها: لإرتجاج راه وقع لتيليفوني ماشي ليه تفووو دابة خاصني تيليفون جديد واااااع ديما كنقولك احنان متبقايش تخلعي من خيالك متبقايش تقفزي متبقايش تشيري بلي كانت حداك ومتبقايش تخسري لهضرة....اجي هاد لمرة مخسرتش لهضرة انجاز ولهيلا انجاز عيرتو ولكن مخسرتش معرت كيفاش ، خاصني نحتافل نوغمالمو فمي كيقول شي كلام انا معارفاش منين جابو...
رائد هاد لوقت كامل مقابلها وكيحاول يسمع حوارها مع راسها ولكن البنات لي دايرين بيه مخلاوهش يسمع...
رائد وقف من بعد ماكانو بركوه فكرسي ووقفو ليه نزيف، جبد كارط فيزيت ديالو ومطاها للبنت لي كانت كداويه: عيطي ليا فهاد رقم مانجر ديالي غايتكلف بلباقي كشكر لبك هاد لجيست زوين منك انك قابلتيني وهتميتي بيا وبصحتي..
حنان كتشوف فيه كيفاش تبدل ولا رزين وكيهضر بلأداب وديك ضحكة لغبية ديالو لي كدوب قلب أي بنت إلا هي بطبيعة لحال ولا هاكة كتقول لراسها...
لبنت تزنكات شدات كارط وبتاسمات: مكاين تاشي مشكل بلعكس افيك بليزير
رائد شكرهم ومشا عند حنان لي باركة فلرض متكية على لحيط وداوية بوحدها: دابة انا ياله شريت دار ومزال كنشري فلأثاث غانزيد عليا تيليفون تاهو تفو تفو تفو مال ديمي صكعة مالي وعاد لعرس وباقي ملقيتش تكشيطة ولا ناخد كسوة؟؟ اصلا انا مشغليش غانلبس تكشيطة واخة يكون عرس عصري شغلهم هاداك باغين لكساوي انا باغة تكشيطة، ولكن عمرني لبست كسوة فلعرس بحال والو نلبس غوب حسن... اجي كيفاش بلان انا نهتم بلي بقى وكيفاش بلان خويا وصحبتي مشاو وخلاوني اشنو هاد زمر وعاد هاد رائد لفضاء ديمو لي داير لي طيارة وهرس ليا تيليفوني بنيفو ديمووو...