بقلمي: أريا ستارك
🍁الحلقة الرابعة: مطاردة عاشق وتمرد أنثى🍁
متمردتي:8
فجيهة اخرى من ريسطو واقفين بوليس على كارمن لي كتبكي : تعدات عليا باغا نقدم شكاية
بوليسي: ألالة راني كنقولك كاين شهود ضدك وعاد فيديوات سجلات ناس
رائد وقف عليهم مخنزر : وكاين كاميرات لي يثبتو بلي هي لي تعدات على البنت بغيتكم ديوها معاكم فين تربى ماشي حيت باها وزير دير لي بغات ...ديرو خدمتكم
بوليسي شدها من دراعها: كون هاني أسي الودغيري
جميلة: اويلي على يديوها فين تربى واش عرفتي باها شكون يطيرك من خدمتك..
رائد بصوت حاد: جميلة رجعي رايحي لرض فداك كرسي، كارمن منعاودش نشوفك هنا ولا قريبة لجميلة ولا ما غايعجبكش اش غاندير
جميلة تسنات حتى بقات هي و ولدها: رائد
رائد هز يدو بإشارة ليها توقف من لهضرة: جميلة شحال من مرة قلت لك مادخليش فحياتي
جميلة: ولكن دوك لحريري..
رائد: شووو انا كنهضر...اول حاجة ديك كارمن نتي لي سيفطتيها ليا من لول تاني حاجة دوك بنات لي كنتي كتسيفطي ليا فينما نكون فشي بلاد نتي ام نتي لي تسيفطي عاهرات لولدك؟؟
جميلة: اللهما هوما ولاتصدق مزوج ليا بشي شفارة طماعة
رائد غوت عليها: سكتيناااااا واش مابغيتيش تفهمي؟؟ غانقولك زوج حوايج غاتخالفي شي وحدة فيهم غادي نخرج من حياتك وعمرك تشوفي من عندي ريال
جميلة: ولكن ....
رائد عروقو خارجين بلأعصاب: شووووو انا لي كندوي نتي تسمعي....اول حاجة لفلوس فلوسي.. ندير بيهم لي بغيت ونصرفهم على من بغيت، وكيف حليت لك هاد ريسطو نسدوه مكاينش مشكل... تاني حاجة حنان نتي وانا عارفين مزيان اشنو كتعني ليا بلاما تبداي ديري فخططك لفاشلة وقد ماجرحتي حنان قد ما غانحقد علك اكتر ما انا اصلا حاقد...تفاهمنا
جميلة: ولكن...
رائد بنفاد صبر : واش تفاهمنا؟؟؟
جميلة: اه اه أولدي لي بغيتي هو لي يكون
حنان مكتشوفش قدامها وهي خارجة برا ريسطو، تكات على طوموبيلتها وهي كتشهق بسبب نوبة لقلق لي كتجيها...وهاد لمرة عينيها محلولين ولكن كتبان ليها غير ضبابة ماشي بلأعصاب ولكن بالدموع لي مقدراتش تحبسهم حسات براسها غاترجع تفكر لماضي و ذكرياتو دغيا جبدات ستيلو من صاكها وحطاتو على يدها من لور وكتورك بجهد....
الألم انواع كاين لي مولوع بالألم نوع سادي ماشي غير فلعلاقات لغرامية ولكن حياتو ليومية وكاين نوع لي لألم أدات ووسيلة للنسيان...هاد نوع هو لي حنان كانت كتعالج منو حب إداء النفس ماشي لدرجة لإنتحار ولكن علميا ناس لي دازو من تجارب فلحياة قاسية متلا ضرب مند صغر إغتصاب ولا إعتداء... هاد نوع ديال ناس كاين فيهم لي كيعالج راسو بطريقة غير صحية وهي لألم، شرح أخر هو أنهم ملي كيكونو يتألمو كيفضلو يشدو شي آلة حادة ويجرحو راسهم وداك لألم ديال جرح كيخليهم يركزو مع دم ولوجع لي جاي منو ونساو آلامهم لأخرى النفسية...
حاطة ستيلو على يدها وكتورك بجهد حتى تهرس بلاستيك ديالو زادت وركات حتى خرج دم وعينيها كلهم دموع: فاك فاك شحال ماقست راسي هاكة فااااااااك سنين وانا بعيدة...
تسمع صوت من وراها خلاها دغيا مسحات دموعها وكتحاول تحل طوموبيلتها: حنااان حنااان بلاتي غير ندوي معاك حناااان
أنت تقرأ
متمردتي المطلقة
Romantizm⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
