🩸متمردتي المطلقة🩸
بقلمي: أريا ستارك
🍁الحلقة الثانية: الملكة دائما تصنع من الألم قوة🍁
متمردتي: 6
ملي قربات جاية باش تحل لباب سمعاتو كيهضر بجهد: واحلي راني شفت لي شفت غير حلي حناااااااااان واحلييي
حلات لباب وخنزرات فيه وربعات يديها: نعام اشنو كاين مالك مصدعني ولاش جاي عندي مع نبوري؟؟
رائد طلعها وهبطها: تاهاكة سيكسي تاهو (ضرب فيها ودخل) مال دارك باقة خاوية
حنان: هادي دار لي كنقتل فيها وكندفنهم لتحت فلاكاب غاتزيد تعصب فيا غانبدا دابة نيت... شوف بحال هاد شخصية لي كدير معايا ماغاتسلككش حيت انا كنكره لي يتملك ويدير راسو هو لبوص وحقة تقوليا اش ندير وانا نحدر راس حشمانة وعاجبني لحال ونتا داير غيها سي سيد لآمر ناهي دكشي غير فقصص ولأفلام لحقيقة لا ولاماشس ديما عل أقل...
رائد متسوقش لهضرتها قاطعها بكلامو: خوك عطاني لعنوان وقاليا ياله تحولتي دابة عاد فهمت دكشي علاش ماكينش لأثات اوكي...
ياكما محتاجة لي عاونك؟؟ نقدر غير بأبيل غدا يكون عندك كلشي لا قبلتي مساعدتي...
حنان: اولا باقي مكملتش هضراتي غادي تحتارمني لابغيتي تكون عندنا واحد صداقة تانحاولو ندوزو عرس خويا في سلام، وعلى ديك لهضرة لي قلتي غادي تعتادر وغادي تلزم حدودك ..
أنا وياك معارف من طرف سيمو لا أكثر ولا أقل باش نكونو فصفحة وحدة وماتنواش...
رائد رجع حداها قدام لباب هز صكاضو ديالو لي كان حطو فلأرض توجه جيهت لباب وشاف فيها كيجبد شي حاجة مز سنسلة صاكاضو: هادا لك!!
حنان قربات ليه مخنزرة: اشنو
رائد خط ليها فيدها: تيليفون ضروري خاصك واحد عل أقل على قبل خدمة
حنان شداتو من عندو: شحال خديتيه نخلصك فيه
رائد: مهم نساي دكشي لي قلت ودرت لبارح وهادا تيليفون إعتداري
حنان غاتعطيه تيليفون مخنزرة : مابغيتش تيليفونك باغة اعتدار
رائد متسوقش: لعشية مع سبعة رونديفو مع تريتور
حنان: فااااك نسيت مطليتش على كلاندرية لي سيفطات ليا علياء غادي تقتلني
رائد هز حاجبو مبتاسم جنب: مهم نتلاقاو تما ولا نحي عندك...
حنان: غاتكون عندي واحد جلسة تصويرية نقدر نتعطل غير شوية
رائد جمع لإبتسامة وبوجه جاد: ديالاش هاد جلسة تصويرية.
حنان حلات لباب ودارت ليه إشارة برا وهي كتهضر: انا ونتا ماشي صحاب مكنتحتوش انا ونتا كنوجدو نقادو لعرس خويا وصحبتي هادي علاقتنا قد مادخلتيها لعقلك دغيا تقدر تجاوز هاد لمراهقة لي نتا فيها خاصها ...
رائد قاطعها معصب: حنان انا فعمري 27 ماشي برهوش وعارفك كبر مني ماتبقايش ديما تجبدي بحال هاد لهضرة ديال لعمر حيت مكتهمنيش.. ومكتعقدنيش ومكتغير والو خاصك تفهميها...
حنان ونتا خاصك تفهم: بلا انا ماشي ديال هاد تبرهيش
حنان غاتسد عليه لباب فوجهو كتسمعو قال: حنااان غانبقا تانشدك أحنان...
أخر جملة جبدات لقشعريرة فجسمها وهاد نوع من قشعريرة جديد عليها نوع لي كانت كتحس قبل كان كيخليها تعانق داك لبرود لي ولا عندها لداخل لفراغ ولوحدة ولقات كتلقى فيهم راحتها...
عوتاني رجعات بيها داكرتها للماضي، عيات ماتسترجع دكريات كتكرههم ولكن ماشي لخاطرها بلعكس كتمشي لطبيب نفسي باش تحاول تعالج راسها...
من بعد طلاقها ولات من ضروريات نهارها عل أقل مرة ولا زوج تفكيرها بماضيها وإسترجاع دكريات مكرهاتش كون تمحاو من مخيلتها، كيبقا يجي فبالها وجه داك شخص لي كرهها فلمجتمع دكوري كيفاش أثر على حالتها النفسية..
#فلاش باك
معاذ كيغوت وكشاكشو خارجين بلأعصاب وحتى بداك شراب لي ولا مدمن عليه ولى كلشي عندو عادي كل مرة كانت حنان كتشكى لماما وهاد لأخيرة ديما تقوليها راجلك وصبري معاه ونعلي شيطان ...هادشي وياله عام ديال زواج ومن لاول دخلو فتوترات عائلية بطبيعة لحال مو مابغاتوش يتزوج يتيمة مها لي غايشة بنت لخيرية صمعة خايبة لعائلتهم، توترات علاقتو بمو لي كانت ضدها من لول ومع دالك تزوجها ولكن برد فيها فقصتو مع لأم ديالو تعديب نفسي وكيوصل شحال من مرة لجسدي ...
معاذ: والله ونشدك تانكرض مك
حنان كتغوت وهربانة منو دخلات كتجري لبيت نعاس وسدات عليها...
معاذ: بربي ومتحلي لباب تانهرسو وليتي تشكي فيا ها؟؟ تقولي ليا فيا ريحة لبنات وتجاوبي فتيليفوني يابنت زنقة.
حنان خايفة واخة هكاك عمرها ضاربات ولا دافعات على راسها حيت عمرها تحطات فبحال هاد مواقف وعمرها ماتخيلات تعيش هادشي فقعر دارها....
وسيرتو هو كيخوفها كتر بحكم انها ضعيفة حاولات دوي بصوت كيترعد تبرد غضبو شوية : مقصدتش والله
معاذ دغيا تبدل وبرد صوتو: اوووف لاحول ولا قوة إلا بالله كتخلي لواحد يخرج على طاعتو وتسيف عليكم ...صافي ياله حلي احبيبة ملي عرفتي غلطك مكاين مشكل...
حنان مخلوعة حلات لباب دخل عندها ضاحك ولكن أول حاجة دارها هز يدو تال سما وصرفقها حتى حسات بالدوخة
معاذ بعروق بارزين فعنقو: أخر مرة تسدي عليا شي باب فداري فهمتي..
حنان مشات تجري لطواليط وهي هازة مدكرة ديالها كتخوي فيها قلبها كلماتها كتكتب مخلطة بدموع من عويناتها:
أنت تقرأ
متمردتي المطلقة
Romansa⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
