متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الحادية عشر: بعض الأحلام تتحقق🍁

متمردتي:1

بعد ساعات أخيرا مليوحة ففراشها وهي باقة بآخر كسوة لبسات حاجة وحدة كدور ليها فدماغها هو رائد واش قاليها ماعرفاتش باش كتحس ولا باش هو كيحس لحاجة لوحيدة لي متأكدة منها هو انه هي عمرها تنازل على تفكيرها وبلا لبنت عمرها خاصها تجري ورا دري قرر انه يقلب وجهو وقلب صفحة اوكي تاهي غاتنساه وتبدى صفحة جديد اصلا علاقتهم عمرها تعمقات تالدرجة انها تعلق بيه ومن لاحسن بلي يالاه بدا كيعجبها بتصرفاتو اكتر من لبنية ديالو ولا ملامح وجهو لي محفور فداكرة عندها...
دوشات لبسات بيجامة خفيفة طويلة حد ركبة وبركات تفرج فنيتفليكس بيما وصلات تسعود نهار، اصلا مكاينش نعاس ليوم وعاد غاتمشي لفطور صاحبتها...
كيصوني ليها تيليفون جوبات بلا ماتشوف: اشنو
رائد: حلي لباب
حنان صدقات باركة فوق سرير: نعام؟؟
رائد بنفاذ صبر: حلي لباب راه تابعاني طيارة
حنان غوبشات: وانا لي داير ليا طيارة فهاد اللحظة..
رائد قطع عليها شاف فساعة لقاها تمنية سمع باب تحل هز عينيه فيها باقة لاوية على راسها فوطة..
حنان: امالك؟؟ توحشتيني ولا شنو
رائد شاف فيها وهز حاجبو: بغيتيني نتوحشك؟؟
حنان شافت عينيه كل مرة كيهبطو لصدرها تفكرات ملابساش سوتيان، ربعات يديها مدرقة راسها: احم بغيتي شي حاجة؟
رائد حل ساكادو صغير فيدو وجبد مذكرتها لكبيرة لي فيها تصاميم ديال اعراس وافكارها..
حنان حلات فمها: من بارح وانا كنقلب عليها... فين لقيتيها؟؟
رائد رجع لمدكرة موراه: ماشي بهاد سهولة
حنان ربعات يديها : اش هاد لعب دراري
رائد: غانعطيك لمدكرة ديالك دابا ولكن بغيت لمقابل
حنان قرنات حجبانها: اشنو هاد لمقابل لي باغي؟؟
رائد: معرفتش دابا اش بغيت ولكن من لي تجيبها لوقت بغيتك تقولي اه
حنان طلقات ضحكة: من نيتك هههههههه لالا من نيتك ههههخخخ خودو داك كتاب مبغيتوش قالك نقول اه لواه زمر على عينيك
رائد رجع لكتاب لصاك وعينين حنان عليه غاتسطى: اوكي مابغيتيهش ماشي مشكل اناخدو انا
حنان تلقات ليه بزربة قبل مايضرب دورة: بلاتي بلاتي قوليا اشمن نوع طلب لي غاتبغي وديك ساعة نوافق
رائد قرب ليها وحدر راسو كيشوف فيها: عارف عقلك خاسر ماغانطلبش منك دكشي لي فبالك حيت غايجي بلخاطر ومع لوقت ولكن غايكون شي طلب فمستقبل وبغيتك تقولي اه تحلفي دابا بلي غاتوافقي ولا كدبتي وكنتي ناوية تصومي تلت يام وتحنتي ...
حنان: اوكي بشرط ماتكون تاحاجة غير عادية (واللهتا نقبل طلب ديالك كيما بغا يكون ان شاء الله) صافي رتاحيتي؟؟
رائد هز تيليفونو وشاف فسكرين: سمعتي أماما مليكة
مليكة فتيليفون كتضحك من قلبها: سمعت أولدي وهانا شاهدة
حنان خرجات عينيها: ماما سمعات هضراتنا كلها؟؟
رائد بتاسم ليها بمكر: شكرا أماما مليكة ما تنسايش تفكري بنتك بلي لي كيكدب كيمشي لجهنم
قطع معاها وهو حابس لإبتسامة عطا لحنان كتابها لي عنقاتو لصدرها بحال كنز تمين: مصدقتيش!! دخلتي ماما فلقضية
رائد شاف فيها بتمعن: نتي ماكتيقيش فيا وتانا مكنتيقش فك إذن ضروري من دليل... وعندي لك حاجة اخرى هادي غاتفرحك
رائد بتاسم ملي شاف عينيها تبدلو فعلا عزيز عليها كادوات ولمفاجئات: شوف لكانت شي تقوليبة غير بلاش
رائد جبد كارطة صغيرة مطبوعة فوقها نجمة كبيرة وماطاها ليها من لي قراتها شافت فيه باستغراب وحاجبها طالع..