متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي: 10

علياء غوتات فتيليفون: حنااااااان ماتعصبيش ديمي واش دري عرف مو رجعات مدمنة وهي لي باعتو لأعداء ديالكم لا وماهمهاش اشنو يقدرو يديرو فيه.  ومع دلك نسى مشاكيلو لخاصة بيه بوحدو وخرج كيقلب علك، كان كيفكر ليكم بزوج ولكن غير هو لي كيعتابركم واحد اما نتي لا زواج اصحبتي هو انك نتي وياه تبداو حياة جديدة بزوج ماشي نتي تبغي دخليه فحياتك ولا هو يدخلك فحياتو لا بزوجكم ديرو تنازلات بزوجكم تلاقاو وسط طريق باش تفاهمو...
بكل صراحة مايستاهلكش داك دري من أحسن ماتربطيهش بك لمكنتيش غادي تبدلي طلقيه يعيش حياتو وبقاي كيما نتي إلا عاجبك لحال هاكة هادشي لي غانقولك بسلامة كنتمنى تفكري مزيان وتاخدي قرار صحيح، خوك كيتسنى فلعشا وانا باركة نضيع وقتي فوحدة كطلب مساعدة ديال بنادم وفنفس لوقت ماباغة تسمع نصيحة ديال تاحد..
قطعات عليها خلاتها حالة فمها فتيليفون بصدمة لكلام لي سمعاتو من صحبتها عودات عيطات غير باش تعيرها تبرد قلبها والو ماجوبتهاش، جربات نمرة سيمو تاهو مجوبهاش شوية عاد سيفط ليها مسج:
علياء كتعرفك اكتر مني انا خوك ولكن هي ختك وحاسة بيك وفاهماك إلا كلامها معجبكش غايكون فعلا عندها لحق حيت كلام صحيح ماكيعجب تاحد، خودي وقت وفكري مزيان ماضلميش شي حد معاك ونتي كتحاولي تلقاي راسك واشنو باغة فهاد الدنيا... وعيطي لماماك واخة قصحات معاك راه مشوشة علك.
هبطو ليها دموع من عينيها عارفة كلشي واقف ضدها لمصلاحتها ولكن معرفاتش كيفاش تقدر تتحكم فراسها وتشوف صورة كيما هي وماشي كيما بغات تشوفها غمضات عينيها كتفكر حصة ديال فنون تشكيلية...
#
واقفة فمعرض كبير مع طلاب كتار قدام لوحة مرسوم فيها سبع كيفتارس غزالة، الوان هاد اللوحة لفنية خلاتها تعيش معاها كأنها وسط الغابة وسط لحدث.
سمعات صوت خرجها من تفكيرها: اول واحد شاف فصورة بتاسم وضحك علاش فنضركم؟؟
تسنى شحال شي حد يجاوبو : حيت شخص لي كان واقف شاف من جيهة سبع بطبيعة لحال غايفرح وصل لفريستو..
استاذ بتاسم: تماما وشخص تاني عينيه غرغرو وعلى ملامحو لحزن حيت شاف صورة من منضور لغزالة ...أصعب شوفة هو شخص تالت لي ما همو تاحاجة من غير لألوان وزواق هادا شخص لامبالي ماكيهموهش لآخرين ماكيهتمش لمشاعر ناس إنسان أناني فارغ...
تنهدات ومسحت دمعة انا ماشي أنانية هي عارفة انا ماشي أنانية ولكن واش انا ضالماه معايا؟؟