متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الحادية عشر: بعض الأحلام تتحقق🍁

متمردتي:2

رائد: دويت مع صاحبي لي دار ليا لوشام وخلصتو فتاتو لي باغة ديري هادا إعتذار مني ليك لكنت عصبتك ولا خرجت كلمة من فمي جرحاتك وكيما قلت لك غانسافر ومعرفتش إمتى نقدرو نشوفو بعضياتنا..
حبس كلامو من لي عنقاتو حنان وهو مصدوم اول مرة كتصرف معاه بعفوية ومن لي رجعات بلور وباستو فحنكو بقا واقف فبلاصتو كيحاول يستوعب أش واقع...
حنان شافت فيه بابتسامة: شكرا ومتديرش فبالك من جيهتي انا كنكعا ولكن كنبرد بزاف وسمح ليا على صبرديلتك وتيليفون لي ضربتك بيه وتيليفونك لي هرست و...
رائد كيضحك: خههه فهمت صافي باراكة علك ههه مهم تهلاي فراسك ونتمنى تلقاي شخص لي يحميك ويصونك
حنان بغات تسولو وتوترات معرفنش كيفاش تقولها: احم صافي مابقيتيش مزعوط فيا كبرتي ودرتي عقلك هههههه
رائد بقا كيشوف فيها وفتوترها بتاسم جنب: بسلامة تهلاي فراسك
دار غادي لطوموبيلتو: راااائد مجوبتينيش
رائد هز يدو بلا مايضور عندها: شي نهار نجاوبك إلا تلاقينا
حنان دخلات سدات لباب: ديمو كون غير جاوب بعدا غايبقا ضارني راسي ... تفو كلشي حالف فيا مانعسش ليوم ....نمشي ياله نوجد نلبس
                           ********************

كدق فلباب وتاحد ماكيجاوب وهي لي جاية لعندهم لولة باش تفيقهم قبل مايجيبو لفطور كتخبط فلباب دار ديالهم أو والووو هزات تيليفونها كتصوني على علياء...
علياء: حنان سيري فحالك
حنان: حلي لباب لديمك غاتخليني منشورة هنا
علياء: مقادراش نوقف
حنان: وايلي!! فرعك؟
علياء: قودي!! مادرنا والو كنت موت عيانة غير من لعرس
حنان: مسكين خويا غايبقا صابر هههههههههههههه
علياء:راه عدى بلي كان
حنان سدات ودنيها: لا لا لا ماباغاش نسمع اش درتي مع خويا حلي لباب راه قربو يجيو لعائلة بالفطور
علياء حلات لباب بجهد وباقة شادة تيليفون كتهضر معاها وعينيها خارجين: واش غايبغيو سروال؟؟
حنان تاهي كتجوبها فتيلي: اشمن سروال؟؟
علياء: داك سروال لي كيشطحو عليه زعما لبنت راحت
حنان: ديمك إينا عام باقة عايشة وعلاش لبنات لخدامات مكاينينش ياك كانو غايعونونا فلفطور ودكشي!!
سيمو من ورا علياء عنقها من كرشها: انا جريت عليهم بارح قالك غايباتو معامن تشاورو؟؟
حنان: ماما لي قالت ليهم يبقاو باش يعاونو ليوم
علياء كتدوي فتيلي: راه غايجيو مع جوج
سيمو شاف فيهم بزوج عينيه كتمشي وتجي بيناتهم: كاين شي سبب علاش باقين كدويو فتيليفون؟؟
حنان عاد سرات معاها قطعات وخنزرات فخوها: من صباح وانا ندق فين كنتي
سيمو: كنت كندعي تمشي فحالك وتمنعي لوخرين يجيو وتخليونا فحالاتنا
حنان: دعاواتك مستجابة متخافش غير هي تال غدا وغاتبدا لمفعول ديالها ههههه حيد حيد نشوف روينا لي خاصها تجمع
سيمو ربع يديه وهز حاجبو مبتاسم جنب كيشوف فعلياء: مارونت والو مكنتش مسالي
سالة كلامو خلاها مزنگة وحنان كضحك عليها: سير أخويا ودي مراتك دوشو وتقادو راه غايجيو قوم ربي لعالمين...