متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الخامسة: بين ثنايا الحاضر وألغاز  الماضي🍁

متمردتي:14

رائد دوز نهار عند حنان تزعط فلبيتزا ديالها بغات تعطي للدراري لي خدامين مخلاهاش والو قاليها غاياكل كلشي غير بوحدو وفعلا كلا كلشي، من بعد ماسالاو رجال خدمتهم حنان دوشات وكتلبس حوايجها فبيتها حتى سمعات لحمام لي برا حدا بيت ضياف تحل عرفات رائد خرج من دوش تاهو.
من بعد ماسالة لعوين وطلع مع لبيتزا كاملة لقا راسو عرقان مشا جاب حوايجو من طوموبيل وطلب حنان بزز خلاتو يعوم عندها..
راكم عارفين مجتمع ديالنا جميع خطوات لمطلقة كيكونو حاضينهم، تحولات لمنطقة شوية هادئة ناس فيها داخلين سوق راسهم مكاينش تبركيك بزاف، كل حركة كديرها كتعرف عليها لعينين ولومة ديما ناس مكتفكرش شكون سباب طباق ولا أشنو نوع حياة لي كانت عايشة لا لا كيشوفو كلمة وحدة هي مطلقة، ماشي باش ينصحوها ولا يحميوها علاش مقابلينها لا غير باش يلقاو موضوع يشدو بيه ناب وهوما كيشربو أتاي...
               *********
ايام أكتوبر شتنبر ديما لجو مخربق وبارد لحد لآن معرفاتش علاش خوها غايتزوج فلبرد مكاين ماحسن من اعراس صيف، تفكرات رائد لبارح لابس شورط وتيشورط وعاد من لي عرق حيد تيشورط كاااع: هداك مسطي ولا ضاربو لبرق اويلي لبرد وهو مصيف واقلة كيشرب شراب كيسخنو منعرف ليه انا اصلا شغلييي!! بفف
لبسات حنان شوميز حمرة كمام مع سروال كحل هزات جاكيط كوير لي عطاها بتاسمات ولاحتها فوق كتافها، خرجات لقاتو كيتسناها حدى لباب...
طلعها وهبطها بحال كيحفض فمنحنيات جسمها: احم خوك صضعني بلي زابيل شري تيليفون خلاص باش يقلب عليا... وقبل مانخرجو عيطات لك علياء فتيليفون ديال دار ملي كنتي فدوش..
حنان: وباش عرفتيني كنت فدوش ديك ساعة؟؟
رائد كيعصبوه استجوابات
ديالها: حيت جيت لعندك عيطت لك مجوبتيش وحليت لباب لقيت لبيت خاوي وسمعت صوت دوش ... مزال عندك شي سؤال اخر؟؟ واش كتشكي فكلشي نتي؟!!
حنان متسوقاتش ليه وهزات تيليفون عيطات لآخر نمرة جوبات علياء..: حناااان توحشتتتتتتك
حنان بتاسمات من لي سمعات صوتها ولكن تفكرات راسها كاعية من صحبتها وهي تجمعها: اش بغيتي؟
علياء تدعقات: ها؟!!
حنان: رائد قاليا عيطتي اشنو كاين؟
علياء: أول حاجة مال ديمك كتهضري معايا بحال هاكة تاني حاجة اش كيدير داك لبوكوص عندك فدار
حنان: من هنا لساعة يسيق لخبار سيمو بلا قلتي على رائد بوكوص بربي تانقولها ليه
رائد شاف فيها وهز حاجبو مبتاسم: مكدباتش علك علاش كعيتي
حنان حيدات تيليفون من ودنها وطلعاتو وهبطاتو باستهزاء: ممكن تخرج برا خليني نهضر مع صاحبتي الزوين لبوكوص؟!!!
رائد عطاها بضهر وخرج مع لباب مبتاسم: أنتسناك فطوموبيل
علياء غوتات ليها فودنها: يااااااااس باقة صاحبتك إدن محقدتيش عليا
حنان:شوفي العالية...
علياء قاطعاتها: غانخرج من تيليفون ونهرس لديمك سنانك متقوليش ليا لعالية كتعصبيني اووووف...شوفي حنان سمحي ليا واللهما قصدت نخلي لك كلشي تقاديه ليا للعرس ودابة مابقى والو ولكن ختك راه ميتة من لخلعة ولواليدة كتديني كل مرة لبلاد نعرض على ناس اخرين انا براسي عمرني شتهم داك نوع لي كيجيب مانطا كاضو ومايمشي تايدي معاه دجاج فخبيز ولحلوة فميكات بلاستيك...
حنان بتاسمات:  هههه توحشتك
علياء عاد خدات نفس على خاطرها: صاحبتي نتي لي عندي فهاد دنيا تانا توحشتك بزاف متكعايش مني والله راني غير هبيلة وكندير غير مشاكل...وسمحي ليا مابقيتش خدمت معاك فلقناة!!
حنان كضحك: هههه قضية فيها تجيار اش بغيتي غير عتارفي؟!!
علياء:هههه كتفهميني هههخ مهم غدا سبت كاين ديدجي واعر فديك بواط لي قلت لك عليها
حنان باهتمام: كنسمع!!!
علياء: بغيت نمشيو انا وياك وخاصنا نصدرو سيمو
حنان: مغاتقوليش ليه راك غادة لبواط؟؟ ديمك بقا لك شهر وي ولي راجلك
علياء: إوا من هنا لشهر نولي نتشاور هههههههههههههه
حنان: ههههههههههه قح** غاتجبدي ليا صداع
علياء: ولا يالحمارة دابة هو عارفك كاعية عليه كان كيطلب فيا قبيلة ندوي معاك باش تسمحي ليه وتدوي معاه...
حنان بنرفزة: انا مكعياش عليه ولكن مابغيتش ندوي معاه وصافي
علياء: مهم هادشي فصالحنا غاتقولي ليه غانبات عندك ولا شي لعيبة ونخرجو غدا فليل نحيحو ونودع حياة لعزوبية...
حنان: لا حصلك اصكعة تقدري تودعي لحياة فخطرة كاااع