👑 حسناء الآغا 👑

|| الحلقة 1 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
———————————————
lI الحلقة 1 Il
داخلة للمطبخ على اطراف صباعها .. تمشي بلعقل و تتلفت على يمينها و يسارها باش تتأكد انو حد ما قاعد يشوف فيها .. نفسها مقطوع .. اما دقات قلبها متسارعين و مسموعين .. وصلت للباب لي كانت حابة توصلو .. باب لي يخرج للجاردان الخلفي .. خزرت فيه متبسمة .. عينيها لمعو بفرحة .. كملت قدمت ليه بلعقل .. رمات يدها للباب تفتح فيه و تحاول ماتعمل حتا حس لانو عارفة اذا فاقو لواش قاعدة تعمل اكيد راح يقتلوها ..
فتحت لباب و خرجت راسها منو تشوف الا كاين كاش واحد تما ..
وساعت تبسيمتها اكثر وقت ملقات حتا واحد .. خرجت و غلقت الباب موراها ..
خزرت لجاردان فرحانة .. نظرتها نظرة لهفة و حرية .. بدات تمشي فيه بسرعة .. و معا كل خطوة تزيد سرعتها حتا رجعت تجري .. رجع شعرها الاسود و روبتها يطايرو معا لهوا .. عينيها لعسليين برزو اكثر فوسط هاديك الشمس ..
كملت تجري هكاك حتا وصلت للمكان المناسب .. مكان بعيد على دارهم .. لثالث مرة تجي لهاد لبلاصة بالتخبية .. وقفت فبلاصتها تلهث .. عيات و هي تجري .. بعد ما استراحت .. قدمت لصخرة كبيرة تم و وقفت فوقها تراقب فيه الا وصل ولا مزال ..
بعد مدة قصيرة ظهرلها مالبعيد على حصانو جاي .. عينيها ضحكو .. مش عارفة الاحساس هادا وشنو .. اما عاجبها علخر .. اول مرة تحس بيه و اول مرة تثق فشخص فمدة قصيرة ..
وصل لعندها .. تبسم معاها وقت شافها .. كتلة اغراء واقفة قدامو .. نظرتو ليها عكس نظرتها ليه .. فريسة و يحاول يصطادها و بالفعل جابها ليه بلا متحس ..
حبط محصانو يتمايل .. كان راح يطيح اما قدمت ليه تجري و حكماتو و هدرت ..
حسناء : معاد خير وشبيك ..
وقف و حاول يعدل روحو .. يهدر و هو مش صاحي ..
معاد : راني فرحااان كي جيتي لهنا ..
حسناء : ههه حتا انا فرحت كي شفتك .. مي علاش ريحتك راهي هاكا ..
معاد : لا مكاين والو حبي ..
استغربت من كلمتو لخرة .. من وقتاش يقوللها حبي ..
حسناء : حبي ؟؟
معاد : اممم ليوم راح تصيري تاعي .. ليوم نجحو خططي .. يهدر و يمشي و يتمايل ..
غير قال زوج كلمات لخرين بعدت عليه بلعقل .. كأنها استوعبت واش دارت .. كأنو حست واش راح يصرا .. رجعت للور بلعقل و هدرت ..
حسناء : واش تقصد بخططك مفهمتش ..
قاعد يقدم ليها .. كل خطوة تبعدها يرجع هو يقدم ليها و يهدر ..
معاد : اني نذوق لعسل لي راهو مقابلني ..
قلبها دق بالقاوي .. للحظة دمها توقف فشرايينها .. نفسها تقطع .. عينيها تركزو فعينيه .. تسمع فصدى صوتو يتعاود فوذنها ..
مش مستوعبة لي قاعد يصير .. متأكدة انو شخص لي مقابلها مستحيل يكون معاد لي تعرفو ..
ضحكت ضحكة كأنها تنكر لي قاعد يقول فيه ..
حسناء : معاد راك تخلع فيا بركانا ماللعب السامط تاعك ..
قدم لييها اكثر .. حتا لسق فيها .. جسمها تخدر .. مقدرتش تتحرك كان محاوطها بيديه .. نفسها تسارع اكثر .. لون وجها رجع اصفر ..
معاد : حابة تتأكدي انو مرانيش نتمسخر ..
حركت براسها بمعنى لالا .. تغرغرو عينها بدموع ..
و بحركة سريعة منو قطعلها روبتها فصدرها و رجع سوتيانها يبان ..
حاولت تعيط اما سبقها و حط يدو على فمها .. رماها فلرض و رما روحو فوقها ..
شادلها يديها بيد وحدة و يدو دزيام حاطها فوق فمها باش ميسمعوش عياطها ..
حط شواربو على رقبتها و بدا يبوس فيها ..
رجعت تبكي و تعيط اما صوتها ميخرجش .. حاولت بكل طرق تهرب منو مقدرتش .. هو اقوى منها لدرجة يديها فيزوج حاكمهم بيد وحدة ..
استسلمت .. تحس فشواربو على رقبتها .. و معا كل بوسة تقوى بكيتها .. تركزو عينها فسماء .. رجعت كأنها جسد بلا روح تخزر لسماء و ماشي حاسة لواش قاعد يدير فيها .. جسمها كامل تخدر ..
و هي هكاك رجعت بيها ذاكرتها لنهار لي تعرفت عليه ....
#ليلوشة
———————————————
اوبالاتي 👑
واش رايكم فالبداية .. نظن عرفتو بطلتنا شكون .. اما فرايكم البطل هو معاد ولا شخص وحدوخر .. فرايكم راح يغتاصبها ولا تسلك منو .. خلولي توقعاتكم طوال عراض كالعادة و كل وحدة تخلي جام للحلقة و تعليق واحد برك فالرد تاع الحلقة باش كي نزيد نحط نجمجلكم على تعليقاتكم و تعرفو بلي حطيت
#ليلوشة