👑 حسناء الآغا 👑

|| الحلقة 65 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 65 Il
فتحت الباب بقوة و دخلت .. راحت ديراكت ليه .. خزرت فيه وجهو كان يعرق .. و كان يرعش فنفس الوقت ..
جرحو كان ينزف و الباسما رجعت كلها دم .. في لحظتها ارتبكت و نسات كامل واش تعلمت فالسبيطار ..
بعدها خذات نفس عميق و هي حاطة يدها على جبهتو تحت انظار حيزية لي لوكان لقات تقتلها ..
هدرت حسناء بسرعة ..
حسناء : روحي جيبيلي باسنة تاع ما بارد و سربيتة صغيرة و مقص .. اجري
حيزية : مرانيش خدامة عندك ..
دارت ليها حسناء معصبة و هدرت بصوت عالي ..
حسناء : ناشي ليا يالهجالة لراجلك ( هههه هاد الجملة خرجت من قلبي مالنعاس كتبت هجالة عجبتني خليتها ) ..
صوت حسناء خلا هيثم يفيق و يفتح عينو .. رؤيتو مضببة اما كان يقدر يميز و يشوف ..
خزر فحسناء و فواش لابسة و حاول يتقعد مقدرش .. زادت لسقت فيه اكثر تحاول تعاونوا ..
حيزية كانت رايحة تجيب واش قاتلها حسناء حتا نطق هيثم بصعوبة و بصوت عالي ..
هيثم : اغلقي ر* الباب .. اغلقييه ..
مفهموش فيزوج واش صرا اما حيزية غلقاتو و خرجت .. و حسناء بقات تخزر فيه مستغربة و ناسيا واش راهي لابسة ..
قعد يخزر فيها و هو يتنفس بالقاوي شي من الالم و شي مالعصب و الغيرة و النار لي شعلتها فيه .. مقابلاتو بشعرها شامخ .. جسمها كامل يبان .. لحمها فيه قطرات تاع الما ..
رغم مرضو اما لحق يركز على جميع تفاصياها فثواني برك .. ( ميراطو والو الرجال بن عميييي ) .. رجع كسل راسو على مخدة و غمض عينو مالعيا ..
رجعت حطت يدها على جبهتو و قربت وجها ليه تشوفو الا فاطن ولا لالا .. صدمها وقت لي هدر ..
هيثم : نقتل قسا** و نزيد نلقا ر** خارجة هاكا قدام الناس ..
مفهمتش عليه معا لول .. اما بعدها فاقت على روحها .. رجعت شوية للخلف و خدودها حمارو .. نسات بلي راهي بالفوطة من خوفها عليه ..
هدرت بصوت حنين معاه و قاتلو ..
حسناء : دوك نحيلك الباسما و توجعك شوية استحمل ..
هدر بينو و بين روحو ..
هيثم : كلش من عندك عشق روحي نحي ( وحدة فيكم تفهموا بلي اسمي عشق ماشي ليلى هههه ) ..
حسناء : انعم ..
هيثم : والو نحيها ..
نحات بالزربة .. و خلاتو يتوجع بزاااااف .. لدرجة انو خرج صوتو ..
حسناء : سمحلي ..
رفدت المعقم .. عقمتلو الجرح .. جات حيزية فيدها واش طلبت حسنات ..
حطتلو السربيتة مشمخة فوق راسو .. و رفدت لمقص عقماتو .. و خزرت فيه باش تهدر لقاتو سارح فيها ..
حسناء : راح نعاود نخيطلك الجرح .. يوجع شوية حاول تستحمل ..
هزلها براسو بمعنى ايه .. حيزية خرجت محملتش تشوف الدم حست روحها راح تتقيا ..
و بدات حسناء تخيطلو فالجرح و كل ما دخل الابرة تخزر فوجهو كيفاه يزيرو ..
حسناء : تحركت بزاف على هاديك تفتح ..
و تبسمت على جنب بانكسار .. دارت فبالها دارو كدا منا ملهيه هو و حيزية .. اما هو تبسم وقت لي تفكر انو تحرك بزاف وقت لي جا ليهاةكي كانت راقدة و باسها ..
شافت تبسيمتو استفزها وجعاتو ..
هيثم : ايي بلعقل ..
حسناء : تستهل ..
هيثم : واش قلتي ..
حسناء : كيما سمعت ..
هيثم : متأكدة ..
خزرت فيه بتحدي .. و كملت خدمتها .. هدر و هو متبسم ..
هيثم : نتي حبيتي ..
و جبدها من يدها بقوة لعندو .... ( الرومنسية الغاملة يا حبيبي هههه) ...
#ليلوشة
—————————————————
اوبالاتي 🤍
حمدلله وفيت بوعدي و حطيت 4 و دوك مرانيش قادرة نزيد نكتب ههههه حطووولي توقعاتكم لوكان تشوفهم حيزية ولا زهرة .. و هيثم كي جبدها ليه زعما وااش يديير .. و حسناء كيفاه راح تتعامل معا الاشرار .. و المافيا لي قلتلكم راح يدخلو وااش دورهم بالضبط
خلولي توقعاتكم طوااال عراض نتلاقاو غدوة باذن الله
#ليلوشة