👑 حسناء الآغا 👑

|| الحلقة 127 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 127 Il
كذبت عليه مكاين حتا واحد راح يجي .. دارتها خطة باش تخرجو .. وقت لي رفدها هكاك قلبها دق بقوة وسط ظلوعها .. هدرت بسرعة ..
حسناء : متعشيناش ..
كبس عليها و ضمنها ليه اكثر و هو طالع بيها دروج و هدر و نفسو يخبط فوجها و عينو متركزين فشواربها ..
هيثم : معليش اومبعد ..
وصل للغرفة .. دخل ديراكت حطها فوق سرير .. قلبها دق بالقاوي .. متوترة و خايفة .. للحظة تذكرت لي صرا معا معاد .. كان بدا خدمتو اما حس بخوفها .. حبس و خزر فيها بعنين مذبااالييين .. مقدرش يتحكم غروحو خلاص ..
هيثم : حسناء نحبس مراكيش حابة ..
بقات تخزر فيه من دون رد .. الشي لي خلاه يقرر انو يبعد عليها .. كان راح يبعد اما جبداتو ليها و حط شواربها على شواربو و بعدت و هدرت ..
حسناء : نحبك ...
مدتلو الضوء الاخضر .. رجع كي الوحش .. و هنا انقطع البث ( غمضو عينكم خلاص نحشم ) ..
بعد ما صرا لي صرا .. حس بحاجة سخونة تحت .. استغرب .. حسناء كانت متوجعة علخر .. خزر و شاف بقعة دم ..
نس تقطعلو لحظتها .. يديه رجعو يرعشو .. عينيه غرغرو بالدموع .. اخر شي توقعو انو يشوف دم عذريتها .. دم عذريتها لي خذاها راجلها و حتا واحد غيرو ملحق ليها ..
الكلمات هربولو .. حسناء كانت شبه غايبة .. اما بعدها فطنت .. بقا مدة و هو هكاك بعدها هدر بسييف ..
هيثم : د د دم .. دم حسناء ..
طلعت راسها ليه مصدومة .. مفهمتش واش قاعد يهدر .. حتا رجع هدر و زاد صدمها اكثر ..
هيثم : كنتي طول الوقت عذراء حسناء .. كنتي عذراء ..
تبسم وسط دموعو .. و من تبسيمة رجعت لضحك .. فرحتو ميبيعهاش بالملاير .. عنقها و باس على راسها و هي تبكي .. ضمها ليها على قد ما يقدر و هدر بصوت كلو بحة ..
هيثم : نعشق فيك يا حسناء ..
حسناء : نموت عليك ...
و رجعت مرتو بالحق .. رجعت مرت الآغا و ترك عليها بصمتو و كان اول واحد يمسها .. حافظت على شرفها و شرف عيلتها ..
تعداات ليلة هاديك بعد ما رقدو فحضن بعضهم ..
لحق صباااح ناض هيثم كعادتو يخزر فيها .. بعد مدة فتحت عينها .. خزرت فيه و تبسمت ..
حسناء : صباح الخير ..
هيثم : صباح النور .. راكي منورة .. نورك الزواج ..
و غمزلها على جنب .. خبطاتو يدها لكتفو و هدرت ..
حسناء : احشم احشم خهههه ..
و ناضت رايحة لدوشة لافة درا عليها .. دار ليها و هدر يهبل فيها معادتو ..
هيثم : مفهمتش علاه راكي تخبي ياك شفت كلش ..
حسناء : هييييثمممم ..
و دخلت لدوش و خلاتو يضحك .. هدر معاها و هي داخل ..
هيثم : حسناء ليوم نرجعو للقصر ... حسنااء ايييه ولله توحشتو خلينا نروحو ..
هيثم : اما قبل خلينا نجوزو عند طبيبة نتأكدو خفت نكون جرحتك ولا ..
حسناء : ايه معليش ..
بعد ما جهزوا روحهم .. ركبو طونوبيل معا قصرتهم و تبهليلهم حتا وصلو عند طبيبة نساء .. دخلت حسناء و هيثم بقا برا ..
كشفت عليها طبيبة و هدرت ..
طبيبة : ايه مابيك والو عادي يصرا هاكا من اول مرة ..
تبسمت حسناء و لمعو عينها ..
حسناء : يعني انا كنت عذراء ..
طبيبة : ايه و نظن لبارح ولا لول بارح تزوجتي ...
حسناء : ايه
الطبيبة : مبروك عليك متخافيش المرة لولة يصرا هاكا اما منبعد عادي ....
#ليلوشة
—————————————————
اوبالاتي 💙
احكووولي على فرحت هيييثم بعد هاد الخبر الجمييييل ههههه و حطوولي توقعااتكم احممم نروح نكتب لي موراها و نجي
#ليلوشة