👑 حسناء الآغا 👑

|| الحلقة 113 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 113 Il
بقا لمدة قصيرة و هو ساكت .. كيفاه غضبو كان سبب فانو تروح من بالو فكرة انو ممكن يكون فخ و كمين .. تسرعو مرة وحدوخرا كان سبب فتعريض حياة حسناء للخطر ..
رجع هدر بعصب مزير على قبضة يدو حتا رجعو عروقو بارزين ..
هيثم : اقسم برب الكعبة و تمس شعرة وحدة منها ندفنك حي ..
ضحك باستهزاء و هدر ..
محمد : لالا مزالها فغيبوبتها كنت متمني ندخل و هي فايقة نستمت..
مكملش هدرتو خرجت عيطة كبيرة من عند هيثم ..
هيثم : ررررررررر** .. نذبحك .. ندفنك و تمسها راك تسمع ..
رجع كالمهبول .. وصل لاقصى درجات الغضب .. رجالو رجعو مخلوعين و هوما يشوفو فيه هكاك ..
محمد : منضمنلكش ..
و قص عليه الاتصال .. هيثم رجع ميشوفش مالعصب .. كسر تيليفون بكل قوتو ..
خذا معاه شوية رجال و الباقي بقاو يطفو النار .. عصام كان راكب معا هيثم .. كان متردد انو يهدر .. اما فالاخير هدر ..
عصام : اغا واش صرا ..
هيثم : الع*** راهو فالقصر .. دخل للقصر .. كان مجرد فخ باش يقدر يدخل ..
عصام : اما خلينا تسما شوية رجال ..
هيثم : نظن قتلوهم كان قاعد فمكتبي .. نشرررب من دمو و يمسها ..
كان يهدر و يعيط و يخبط فالفولون تاع سيارتو بكل قوتو ..
فهاداك الوقت جابر و سمر و هدية قلعو متوجهين لعند حسناء معلابالهمش بلي قاعد يصرا ..
وصل هيثم للقصر .. و كانت ليه المفاجئة .. سيارات بزاف محاوطين القصر كأنو خندق تاع جنود ..
رجال واقفين فوق السطح و هازين فيدهم سلاح .. خزر زادة فالتوافي كانو واقفين رجال و هازين سلاحهم فوجهو .. يخزر و هو مصدوم ..
~~ فلاش باك ~~
قلع محمد متوجه لقصر هيثم ..
فهاداك الوقت زهرة دخلت للغرفة عند حسناء .. قعدت قدامها .. حطت يدها فوق يد حسناء و هدرت ..
زهرة : سمحيلي على لي عملتو فيك بنتي .. سمحيلي .. ارجعي لوليدي راه مذبال منهار لي فارقتيه ..
طاحو دموعها وقت لي تفكرت كيفاش ظلمتها ..
وجعها قلبها مقدرتش تزيد تريح معاها .. ضميرها قتلها .. خرجت مالغرفة و خلاتها هكاك .. كانت حسناء فكل مرة تحرك نفس الصبع .. حتا عادو يتحركو صباعتيها الخمسة كامل ..
كان الهدوء معبي المكان .. كل واحد فشغلو .. حتا قامت الدنيا .. وصلو سيارات محمد و نوما يتيريو فالرصاص .. خمس دقايق كانت مفيلو باش يقتلو كل الحراس لي تما .. حبط محمد من سيارتو سلاحو فيدو تحت حماية رحالو و دخل للقصر .. رجعو الخدمات يتعايطو .. زهرة طارت لغرفة حسناء .. و رجالو عدلو رواحهم فمراكزهم و حطو سياراتهم على شكل خندق يحم بيه روحهم .. و استولوا على القصر و على لي فيه ..
اول بلاصة راحلها غرفة حسناء .. فتح لباب لقا زهرة تما .. وقفت و هي ترعش اما حاولت تخبي خوفها و هدرت ..
زهرة : شكون نتا ..
محمد : صديق وليدك برك ..
و ضحك باستهزااء على جنب .. ( حبيت شخصيتو جماعة ههه ) ..
كان راح يقدم لحسناء اما وقفت فوجهو و هدرت ..
زهرة : اياك ..
تبسم و هدر ..
محمد : كي راني مشغول برك ولا راكي متي ديجا ..
خرج وخلاها هكاك .. خبطت الباب و غلقتها بالمفاتح ....
راح لمكتب هيثم و عيطلو فتيليفونو و صرا لي صرا ..
هيثم هز سلاحو .. كان متوجه للقصر حتا جاتو رصاصة فلرض قدام رجلو خلاتو يلزم مكانو ..
صونا تيليفون عصام .. ريبوندا عليه ..
عصام : الو .. اتفضل اغا الاتصال ليك ..
هيثم : الو ..
محمد : عجباتك مفاجأتي ....
#ليلوشة
—————————————————
اوبالاتي 💜
انا وليت نعشق محمد راني خليتلكم هيثم ليكم خلاص هههه فرااايكم واااش راح يصرا .. رانا نشوفو محمد هو لي راه مسيطر .. هييم كيفاه راح يغلب مثلا .. و حيزية واش راح دير بعد ما تظهر ..
و حسوونتنا زعما تفطن و محمد خاطفها بيها بالقصر بلي فيه ..
جمجموو نروح نكتب لي موراها و نجي
#ليلوشة