👑 حسناء الآغا 👑

|| الحلقة 10 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 10 Il
التفتوا كامل لمصدر صوت الرصاصة .. شافوه واقف عند الدخلة تاع القصر .. رافع يدو لسما و هاز فيها سلاح ..
خزر فسلمان و طاحت العين فالعين .. تبسم على جنب و هدر ..
هيثم : واش سي سلمان راح تقتلها هي تان .. مزال متعلمتش من اخطاءك ..
يهدر و يقدم ليه ..
وقفو فوجهو رجال عشيرة آل ضافر و هازين فيدهم سلاح موجهينو لوجه هيثم ..
هيثم : اا هاكا تستقبلوا ضيوفكم .. مسنيتهاش منكم .. بالاخص نتي سي سلمان ..
سلمان : واش جيت دير .. واش تحوس ..
هيثم : جيت نحضر حكم الطفلة لي كانت سبب فقتل خويا ..
خزر فيه سلمان مستغرب .. و هدر ..
سلمان : خوك ؟؟ واش دخل خوك فالحكاية ..
هيثم : اوو الآغا جابر محكالكش ..
تفكر سلمان وقت لي جابر كان يحاول يهدر معاه باش يحكيلو اما هو ممدلوش فرصة و مسمعوش ..
هيثم : مكلاه تخمم دوك انا نحكيلك ..
هيثم : بنتك وسخك شرفك معا خويا.. لقيناهم كيفكيف و طبعا عايلتكم تموت على الدم .. وليدك جابر قتل خويا ..
و انا دوك جيت ندي بثأر خويا لي ضاع بسبة هاديك لي راهي قدامك ..
و خزر فيها .. طاحت عينو فعينها .. ركز معاهم خاصة كي كانت ضاربة فيهم شمس .. اما تمتم نفض راسو و رجع ركز معا سلمان ..
سلمان : و المطلوب ..
هيثم : المطلوب رجالك يبعدو و نهدرو راس راس..
سلمان : و حابني نوثق فيك ..
ضحك بسخرية عليه و هدر ..
هيثم : كنت قادر نجيب رجالي و نهجم عليكم مكاين حتا مشكل .. و غمزلو ..
رفد سلمان يدو و عمللهم حركة باش يبعدو من طريقو ..
قدم لسلمان ديراكت .. تقابلو وجوهم و هدر هيثم بصوت خافت ..
هيثم : كيما توقعت .. مزالك دمية العادات و تقاليد ههه..
سلمان : سكر فمك و اهدر المفيد ..
هيثم : المفيد هو اني نقتل شخص من عايلتكم باش ندي بثأر خويا و نكونو متعادلين .. اما زادة انا عارف انكم مانعين الزواج بينا و بين عشيرتكم على هاديك يا نسيبي جيت ندي حسناء بنتك كزوجة ليا .. ( اححح قلبي راني قابلة ولله هههه .. )
سلمان : مستحيل يتخلط نسلنا معا نسلكم مستحيل ..
هيثم دخل يديه فجيابو .. و رجع هدر ..
هيثم : مالا نقتل لي قتل خويا .. لي هو الآغا .. وينو جيبوه ..
سلمان : هادي تان مستحيل ..
هيثم : هههه خمم مليح .. يا هادي يا هاديك احسن ما نوض حرب بين العشيرتين كيف زمان الا حبيت نفكرك..
و دار رايح و هو متبسم على جنب .. عارف القرار لي راح يختارو .. و هو هكاك حبسو صوتو ..
سلمان : موافق .. موافق اديها ..
دار ليه و تبسم معاه تبسيمة نصر و سخرية فنفس الوقت ..
هيثم : ماشي ليوم نسيبي نهار الجمعة .. جهزولي عروستي مليح و غمزلو و راح ..
خلاه العصب ياكل فيه .. ماشي هو لي يتحط فموقف هاكا ..
دار خزر فيها .. كانت مصدومة من كل الحديث لي صرا .. راح تتزوج زواج اجباري .. و معامن .. معا اكبر عدو ليهم .. و اخ الشخص لي حاول يغتصبها ..
و هي هكاك حست بيد تحطت فوق شعرها .. وجيعة كببرة حست بيها ..
حسناء : اااه يا بابا حرام عليك ..
سلمان : نع**** ب*** حطيتي راسي فلرض .. و كركرها هكاك حتا للاسطبل .. رفد سبتة تاعو و غلق الباب و قتلها بضرب .. صوت عياطها يتسمع مالبرا ..
كان واقف عند الباب يسنا جابر يجي باش يرميلو زوج كلمات و يروح .. سمع صوت عياطها .. فهم بلي راح يضربها ... زاد قوا صوت عياطها .. للحظة متحملش يسمعو .. صورة عينها رجعت بين عينيه .. رجع نفض راسو من هاد الافكار و راح بسرعة يحاول يهرب قد ما يقدر من افكارو ..
فهاداك الوقت دخل جابر للقصر و سمع صوت لعياط .....
#ليلوشة
—————————————————
اوبالاتي 🔥
تخلطت يااا جدكم .. اول حاجة وجدولي حوايجكم عندنا عرس نهار الجمعة ههههه .. ثاني حاجة جابر لحق على صوت عياط حسناء و فنفس الوقت مرتو تعرضت للعنف مالحراس و فنفس الوفت خبر زواج ختو بتدو .. اتخااايلولي ردة فعلووو برك ..
و العرس لي كان مقرر على هيثم كيييفاه .. احممم مكاش كيفاش ندير كرونيك بلا مندير شخصية شريرة بزاااف جهزولي روحكم ليها 😂
كيما تفاهمنا توقعااتكم طواااال عراض .. و خلو تعليق هنا غير نزيد نحط نجمجملكم على تعليقاتكم
#ليلوشة