👑 حسناء الآغا 👑

|| الحلقة 22 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 22 Il
توجهت للباب .. و فتحاتو بلعقل .. خرجت راسها و خزرت يمين و يسار تتأكد انو مكاين حتا واحد قدام غرفتها ..
خرجت على طراف صباعتيها .. غلقت لباب بلعقل .. و كملت تمشي هكاك ما يتسمع كان صوت انفاسعا المتسارعة بسبب خوفها انو يحكموها ..
توجهت لغرفة سمر .. حطت وذنها على لباب تسمع الا جابر راهو داخل ولا نن ..
سمعاتو يهدر معا سمر .. طمنت .. و نفخت براحة ..
دارت حابطة مالدروج و تتلفت موراها خايفة يشوفها باباها ..
وصلت لصالون سمعاتو يهدر .. كانت راح تكمل مشيتها .. اما وقفها صوتو وقت قال اسم امها ..
دارت ليها تخزر فيه و تسمعو يهدر معا يماها فالتيليفون ..
تغرغرو عينها بالدموع .. توحشتها و توحشت حضنها الدافئ رغم انو ماشي قريبة ليها بزاااف لانو حسناء جاية مالنوع لي ميجمعش و ميخالطش بزاف ..
حسناء : ماما توحشتك .. سامحيني راح نعمل هاكا سامحيني .. مقدرتش نحافظ على شرفي و شرف عيلتنا .. ماليوم تتهناو مني ..
تهدر معا روحها و هي تبكي .. مسحت دموعها و كملت طريقها .. وصلت لنفس الباب لي هربت منو اول مرة باش تروح لعند معاد .. خرجت و خرجت فيه مالبرا و هدرت ..
حسناء : الباب لي غيرلي حياتي .. دارت للغابة مقابلتها و هدرت ..
حسناء : الغابة لي دمرتلي حياتي ..
بعدت شوية على القصر و قعدت تخزر فيها و ذكرياتها فيه يتعداو بين عينيها ..
فهاداك الوقت جابر كان معا سمر فالغرفة .. كانو قاعدين يحكو .. وقفت سمر باش تغير حوايجها لانو بقات بحوايج الخطبة .. هي غير وقفت .. لعبت عليها دوخة و حست جسمها ثقييييل و رجليها مش قادرين يحملوها .. حاولت تهدر حتا صوتها خانها و محبش يخرج .. شافها جابر و هدر ..
جابر : سمر وشبيك ..
ناض باش يروح ليها .. و قبل ما يوصل عندها كانت طاحت فلرض مغمى عليها ..
قلبو حبس فهاديك دقيقة .. بحركة خفيفة رفدلها راسها يحاول يفيقها اما والو مفطنتش ..
هزها فحظنو و حبط يجري يعيط ..
جاابر : افتحووا لباب افتحووا لباب ..
سمعو سلمان مالصالون خرج يجري يشوف واش صرا .. شاف جابر هابط يجري مالدروج و هاز فيدو سمر .. راح يجري فتح الباب .. توجهو لسيارة .. جابر ركب معا سمر ملور شادها بين يديه مقدرش يطلقها خاف عليها .. و سلمان مالقدام و البوديقارد كان يسوق .. انطلق بسرعة لدرجة السيارة عملت صوت ..
هاداك الصوت خلا حسناء تفيق من سرحتها ..
حسناء : وشنو هاد الصوت .. كانت راح تروح تشزف اما حبست فالنص و هدرت ..
حسناء : اماان انا واش دخلني حسناء اهربي متبقايش تسناي ..
دارت تمشي متوجهة للاسطبل تحت نظراتو .. خزر فيها متبسم على جنب و هدر : معولا تهربي اه ....
#ليلوشة
—————————————————
اوبالاتي 🔥
زعما سمروشتنا وشبيها .. علاه راهي دووخ هاد اليامات .. و حسناء كيفاه دير بعد ما تهرب ..و شكون هادا لي شافها و هي تهرب .. زعمااا شكووون ..
خلولي توقعاتكم طواال عراض هنا و خلو تعليييق راني نكتب فلي موراها غير نحطها نجمجملكم..
#ليلوشة