👑 حسناء الآغا 👑

|| الحلقة 74 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 74 Il
سمعت حيزية وقت تكسر زجاج فغرفة حسناء .. فتحت الباب و شافتها طايحة فلرض .. تبسمت على جنب و هدرت ..
حيزية : لي يلعب معايا يندم ..
ماشي عارفة انو شي لي دارتو راح يغتح على هيثم باب الحقيقة ( ركزوو يا كونانات ههه راني نمدلكم بزاااف خيوط ) .. غلقت لباب و خزرت يمين و يسار تتأكد انو مكاش لي شافها و رجعت حبطت قعدت فصالون كأنو مصرات حتا حاجة ..
فيقها على سرحتها صوت الطونوبيل كي حبست بقوة هلاه تروح للقدام و ترجع ..
حبطت مطونوبيل تجري و عملت روحها متقلقة على حسناء ..
فتحت لباب لهيثم لي هبط مطونوبيل و بين يديه حسناء ماشي حاسة بلي قاعد يصرا قدامها ..
دخل بسرعة لداخل و قعد يعيط باسم طبيب ..
جاو هزوها عليه .. حطوها فنقالة و طارو بيها للغرفة ..
قعد برا يسنا رايح جاي .. دموعو يسيلو بلا ميحس .. قلبو قاعد يحس فيه راح يخرج .. خزر قدامو ملقاش حيزية .. اما ممدلهاش اهتمام و بقا يسنا تما يخرج الطبيب ..
نروحو عند محمد لي كان قاعد فبيروه يسنا اي خبر من عزد رجالو .. هاز فيدو الشراب و يشرب .. متبسم ببرودة .. المخدر هاداك خلا احاسيسو تطفا .. رجع شخص بدون احاسيس ..
و فجأة صونا تيليفونو .. رما يدو و هز عليه و هدر بصوت هادي ..
محمد : الو ..
الراجل : الو آغا .. تندي اخبار مش مليحة ..
محمد : اصلا تعيطولي غير على الاخبار لي ماشي مليحة .. ازرع ..
الراجل : تحققنا و طلع صح باع الارض للاغا هيثم عندو كتر من اسبوع .. اما راهو مختفي كأنو لرض بلعاتو ..
زير على قبضة يدو .. و رجع هدر بعصبية لكن بملامح باردة بسبب المخدر ..
محمد : يعني بسبتو عرفو واش حاطين داخل صناديق .. قتلك نسحقكم تجيبوه مالسما ولا ملرض ولا نقتلكم واحد ب واحد .. و قص عليه لابال و خبط تيليفون بكل قوتو على الحيط ..
طلع راسو .. غمض عينيه و هدر ..
محمد : لي يشوفو ضدي حاجة لازم يموت .. و نتا شفت يا هيثم و لازم تموت ..
و شرب الشراب لي بقا فالكاس دفعة وحدة .. ( غير خاافو منو راح يبدل احداث لكرونيك 360 درجة شرو اكثر من حيزية .. ) ..
نرجعو لهيثم لي كان واقف برا .. حتا خرج طبيب مالبيرو تاعو .. و غير خرج ظهرت حيزية بعد ما كانت مختفية ..
راحت عند هيثم شداتو من يدو زعما تصبر فيه .. ندر طبيب ..
طبيب : اتفضلو معايا لغرفة لمريضة ..
دخلو عليها كانت فطنت و السيروم فيدها .. اما كانت مزالها تحس بدوخة ..
خزر فيها بنظرة عبرلها فيها على مدى خوفو عليها اما هي تجاهلاتو و دورت وجها و ركزت نظرها فالطبيب .. دار هيثم و هدر معاه ..
هيثم : وشبيها دكتور ..
الطبيب : نتا راجلها ..
هيثم : ايه ..
الطبيب : مبروك عليكم المدام حامل .... ( طعععع بوووم طش بعععع .. ) ....
#ليلوشة
—————————————————
اوبالاتي 💜
اولا نبوللكم نعست حق ربي الحلقة الرابعة نخلفهالكم ادوة ان شاء الله ..
و دووووك نظن عرفتووو واش صراا فسبيطار يعني قدرتو تتوقعو بصح كييفاش راح تكون هاد الحاجة هي لي تفتح عين هيثم على الحقيقة ؟؟ كيفاش تكون ردة فعلو ؟؟ و فميزكم محمد واش راح يديير ..
حطووولي توقعاتكم طوااال عراض .. اكششششن قوية قاااادمة
نتلاقاو غدوة ب 5 حلقات ليوم ولله عييت و نعست
#ليلوشة