👑 حسناء الآغا 👑

|| الحلقة 87 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 87 Il
هيثم : راكي طالق طا...
قبل ما يكمل ثلاث طلقات وقفت يماه و عيطت عليه .. هازة صبعها فوجهو ..
زهرة : اياك تكمل .. ولله مانعتبرك ولدي و ما نرضى عليك لا دنيا لا اخرة ..
يخزر فيها معصب علخر .. عروقو بارزين .. نفسو متسارع .. غضبو مزال مطفاش .. نار لي فقلبو مزال مطفاتش ..
دار عاطيهم بظهر خارج مالسبيطار .. اما زهرة راحت رفدت حيزية لي كانت محطمة .. كلش دار عليها بين لحظة و ختها .. متوقعتش ولو بنسبة صغيرة انو راح يعرف بلي حمل حسناء كذبة هي خدمتها ..
بعدو عليهم و ظاتها قعدتها فكرسي و قعدت قدامها .. هدرت حيزية و هي تبكي ..
حيزية : يا ماما خلاص طلقني .. واش ندير انا دوك ..
زهرة : بالاكي تضعفي .. هددتو برضايتي بعد ما نرجعو نقول لصالح يجيب الامام و يرجع يفتحلكم متنسايش طلقك طلبة وحدة ..
طلعت راسها مبتسمة بشر بين دموعها .. و هدرت و هي تمسح فيهم ..
حيزية : صح .. و عنقتها ..
اما تمتم جبدت عليها و خزرت فيها بصدمة و خوف .. و رجعت هدرت و هي مرتبكة ..
حيزية : راح تفطن حسناء .. راح تفطن و تقولو انا لي طبعتها .. واش ندير ماما .. كيفاه ندير ..
زهرة : هدي روحك ماشي سور تنوض .. و حتا الا ناضت نجيبو شهود بلي سراق لي طبعها و هي حصلتها فيك باش تخرجك مالقصر ..
حيزية : ان شاء الله ان شاء الله .. عيطو لطبيب يشوفلي رجلي ..
هدرتها بصوت مرتفع ..
خزرت فيها سمر ملفوق للتحت و رجعت هدرت ..
سمر : انا منشوفلكش طبيب نشوللك عصا نجي نخبطك بيها يا بنت الهجالة .. لفعة .. مسمومة ..
راح جابر ليها و جبدها لطرف و هي تهدظ فحيزية محبتش تسكت ..
جابر : سمر نقصي حسك رانا فسبيطار ..
سمر : موتها على يدي بنت لحرام .. شوف ماما هدية كيفاه راهي بسبتها شبه فاقدة للوعي .. ولا باباك لي معلابالوش ببنتو وين راه ..
جابر : ماشي مليح تقلاق ليك اسكتي و هدي روحك ..
سمر : كيفاه نهدي روحي حسناء راهي تموت لداخل ..
جبدها ليه عنقها على قد ما يقدر .. خلاها تهدى .. قعد يعدي فيديه على ظهرها و هدر ..
جابر : بعيد الشر عليها .. ان شاء الله ترجعلنا سالمة .. حسناء قوية و تقدرلها باذن الله ..
بعد ما هدات سمر قعدو فالكرسي معا بعض قدام هدية لي كانت شبه فاقدة الوعي مكسلة راسها على الحيط تخزر للسقف و تسنا فخبر على بنتها ..
هدية : حسناء بنتي ارجعيلي متروحيش كيما راحت قمر ..
سمعتها سمر .. دارت ليها و عنقتها و هدرت ..
سمر : بعيد الشر ماما .. حسناء قوية على قمر .. راح ترجعلنا ان شاء الله .. متخليناش نعيشو نفس الحرقة .. حرقة فقدان اخت ..
و رجعت بيها الذاكرة للنهار لي ماتت فيه بقمر ..
~~ فلاش باك ~~
قبل 12 سنة ..
كانو قاعدين معا بعض فالجاردان .. سمر كانت عروسة جديدة عندها شهر من لي جات فعمرها 17 .. حسناء كانت صغيرة فالعمر شي 10 سنين .. هدية كانت قاعدة معاهم ..
سمر : ماما هاتي نقشر انا ..
هدية : لالا بنتي ارتاحي .. اتعلمي برك عارفة مزالك صغيرة اما علابالي شاطرة ...
سمر : ماما قمر وين راهي ..
هدية : وقيل راحت للمزرعة تعرفيها تحب تغرس و تحت التراب هههه خارجة لباباها ..
سمر : لوكان غير تولي دوك ماشي عارفة علاش اما توحشتها ..
هدية : هههه معندهاش ساعة كانت هنا برك ..
سمر : نوض نشوف وين راهي .. حسناء تجي معايا ..
حسناء : ايه نجي .. وين نروحو عند ختيتي قمر ..
سمر : ايه يا شابة ..
شدتها فيدها و راحو كيفكيف خارجين مالقصر .. هوما غير وصلو عند الباب شافو قمر جاية تجري و تعيط .. تعيط باعلى صوتها ..
قمر : جااااابر.. جااابر.. الحقني خويا تعيش راح يقتلوني جاااابر ..
تخلعت سمر .. حتا حسناء تخلعت و عنقت سمر مالخوف.. و فجأة بانت طونوبيل مور قمر .. خرج منها سلمان رافد فيدو سلاح .. وجهو لقمر ..
و خرجو زوج رصاصات اخترقو ظهرها .... ( ركزو معا حكاية قمر هي سبب العداوة بين العشيرتين قريب تعرفو السبب ..)
#ليلوشة
—————————————————
اوبالاتي 💜
فرايكم سلمان علاه قتل بنتو بدم بارد .. وشنو السبب لي خلاه يقتلها.. واش علاقتو بعشيرة شعابني ..
وفرايكم حسناء راح تخبر هيثم بلي حيزية لي رماتها ولا نن ..
حطولي توقعاتكم طوال عراض نروح نكتب لي موراها و من فضلكم ادعو لماما بشفاء سواءا لي هنا فالقروب ولا فقروبات وحدوخرين
#ليلوشة