👑 حسناء الآغا 👑

|| الحلقة 109 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 109 Il
راح متوجه لغرفة حسناء .. عيان و تاعب علخر .. غاب عليها ساعات معدوظة تقلبت حساتو اكثر .. رايحة ليها مهدود و مكسور .. عرف بلي حبيبتو بريئة .. يمشي فهاداك الرواق و يتفكر كل كلمة قالهالها و جرحتها .. تفكر كل دمعة من عينها لي يعشقهم و طاحت بسبتو .. كل قطرة دم خرجت منها بسبتو .. كل عيطة عيطتها بسبتو ..
تعذب بتأنيب الضمير .. تعذب بغيابها عليه.. قاعد يحس ففراغ كبييير .. يمشي و هايم .. متمني لوكان يرجع بيه الزمان للور ..
كان راح يتلاقاها بطريقة وحدوخرا و يعشقها نفس العشق .. يعشقها قد السما و الارض و المجرات و الكواكب ..
قعد هكاك يمشي حتا لقا روحو عند باب غرفتها .. تبسم بانكسار و بضعف و بقهر ..
خرجت منو تنهيدة حسرة تهد لجبال .. تحس كأنو هاز كامل هموم الدنيا على ظهرو ..
رما يدو و فتح الباب و دخل .. قابلاتو راقدة كيف الاميرة النائمة ..
تبسم وقت شافها بفرحة .. عينيه لمعو .. معاها ينسى همومو سواءا كانت فاطنة ولا راقدة ..
قدم ليه اكثر .. قعد فالكرسي لي قدامها كيف عادتو .. حط راسو على يدها و غمض عينيها و بدا يحكي لي صرا .. و وقت لي لحق يحكي لواش خطط معاد رجع يبكي و يحكي ..
قناع الآغا طاح قدامها .. يمكن لوكان راهي فاطنة متصدقش انو لي قدامها هو نفسو لي ضربها و لي سبها و لي تهمها فشرفها و لي تمرمدت بسبتو ..
طلع راسو بلعقل .. عينيه حمووورة علخر .. رؤيتو مبضببة بسبة الدموع ..
تبسم مرة وحدوخرا و هدر ..
هيثم : عارفة بلي وسط احساسي هادا كامل فرحت .. فرحت انك محبيتهش .. فرحت انك مرحتيش ليه برضايتك و انما باش تحمي خوك .. فرحت انك دافعتي على شرفك و مقدرتيش .. و فرحت انبي حبيتك و عشقتك ..
بقا مدة و هو يخزر فيها كيف عادتو بضبط .. رجعت عادة ليه هاد الشهرين يخزر فيها لدرجة انو حافظ كل ملامحها كل وجها ..
جا فبالو محمد و بلي هرب .. و تفكر زادة الراجل لي كان يتبع فيه .. هدر بينو و بين روحو ..
هيثم : يعني عارف بحسناء ..
قلبو دق بقوة وسط ظلوعو .. فكرة انو ممكن يقرب ليها محمد رعباتو ..
ناض من بلاصتو .. توجه للباب فتحها و عيط للممرضة .. جات ليه تجري حسبتلها كاش ما ثرا للمريضة ..
الممرضة : انعم ميسيو ..
هيثم : معليش تقعدي معاها هنا دقيقة و نتفارقيهاش من فضلك الامر ضروري عشر دقايق و نرجع ..
الممرضة : حاضر مكاش مشكل ..
دخلت هي للغرفة عند حسناء و هو خرج يجريي .. وصل للمكتب تاع المدير و دخل .. و طلب منو انو ينقل حسناء للقصر ..
فالاول مكانش حاب ينقلها للقصر لانو عارف مراحش تتحسن بوجود حيزية و زهرة من الاول شايف تصرفاتهم معاها .. اما دوكا رجع ضروري ينقلها ..
خذا الموافقة و جهزولهم سيارة اسعاف و نقلوها للقصر باقصى سرعة .. دخلوها لنفس الغرفة لي دخل فيها هيثم متصاب .. اما هاد الخطرة تغيرو الادوار ..
حطوها فوق سرير و خرجوها..
راح ليها هيثم .. عدا يدو على شعرها .. حبط باسها من جبهتها و هدر فوذنها ..
هيثم : راح يدفعو الثمن غالي ....
#ليلوشة
—————————————————
اوبالاتي 💜
اولا سمحولي على تأخر كونيكسيون معنديش مفهمتش وشبيها و زيد قعدت نريبوندي على ليميساج عيب هوما قيموني و انا نخليهم ..
مهم حطووولي توقعاتكم طواال عرااض فرايكم واش راح يدير هيثم و محمد و حيزية واش راح يديروووو
جمجمو و اصبرو نكتب لي موراها و نحطها
#ليلوشة