👑 حسناء الآغا 👑

|| الحلقة 68 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 68 Il
فتح لباب و دخل كي الحلوف لعندها .. عينيه حمورة .. عروق يديه بارزين .. مزير على فمو لدرجة انو حتا لعروق لي فرقبتو برزو ..
شافها واقفة مرعوبة .. راح ديراكت لجيهتها يعيط .. و حيزية واقفة عند الدخلة تاع الباب .. عايلتو كانو مزال موصلوش ..
هدر بالعياط ..
هيثم : كنتي تتلاقاي بمعاد من قبل ..
حسناء : هيثم ....
هيثم : جاااوبي ر** على قد السؤال ايه ولا لالا ..
كانت راح تحكيلو و تقولو واش صرا .. خاصة بعدما شافت حيزية موراه متبسمة .. فهمت بلي هي لي خبراتو .. قررت انها تحكيلو ..
حسناء : ايه اما ..
ملحقتش تكمل هدرتها .. رفد يدو على قد ما يقدر .. و خبطها بكف لدرجة انو جسمها كلو متحملش و طاحت فلرض من قوتها ..
مكانتش تسنا فيها .. وجعتها اما وجيعة قلبها اكبر .. طلعت راسها و عينها مغرغرين بالدموع .. بعدت شعرها من على وذنها و هدرت بصوت مبحوح ..
حسناء : تندم ..
زادت عصباتو اكثر .. حكمها من شعرها بقوة لدرجة انها عيطت .. فهاديك اللحظة وصلت زهرة و صالح و باقي العيلة .. كانو واقفين عند لباب ..
حبط لمستواها و يديه بين شعرها .. خزر فيها بنظرتو لي تخليك ترعش بلا متحس ..
طاحو دمعات من عينها فوق طاقتها .. هدر و هو مزير على سنانو بصوت عالي سمعوه كامل ..
هيثم : علابالك نتي وشنو .. نتي قح** ( مكلاه تقراوها ذنوبكم هههه اقراو الاحرف لولين برك ) ..
كلهم تصدموا من هدرتو .. اما زهرة و حيزية غمرتهم السعادة .. خاصة حيزية ..
بجملة وحدة وقعاتو فالفخ .. خزرت للجانب انو قدرت تخليه يضربها اما مشافتش بلي دار هكاك من غيرتو عليها ..
حسناء تحلو عينها على وسعهم .. قدام عايلتو نسا و رجال قاللها هكاك ..
تهمها فشرفها لي داه خوه غصبا عليها .. تبسمت بانكسار و هدرت ..
حسناء : و نتا علابالك وشنو .. ماشي راجل..
زاد ثاار اكثر .. رجع ضربها كف وحدوخرا خلا الجرحة لي فشواربها تزيد تتفتح اكثر ..
هيثم : ليوم نوريلك الراجل واش يدير ..
دار رايح لجيهة لباب يعيط ..
هيثم : اخرجواا .. اخرجووا ..
و طبعهم برا بقوة و غلق الباب بالمفتاح .. بدا صالح يطبطب فالباب ..
صالح : هيثم متغلطش وليدي افتح لباب ..
شافتو غلق الباب هكاك .. ترعبت اما حاولت تبدل تخمامها .. بدات ترجع للور و هي فلرض و تحرك براسها معنى لالا ..
دار رايح ليها .. يمشي و حاط يدو فوق جرحو .. وصل ليها رفدها بسيف عليها ..
هي تضرب فيه و هو يقاوم و يهدر ..
هيثم : ليوم تجربي واش يدير الراجل ..
جملتو طيحت منها النص .. وجها رجع صفر ..
حسناء : يا هيثم ربي يحفظك خليني .. اطلقني تعيشي .. و بدا صوتها يعلى ..
و بدا واش كان معول و هي تعيط و هوما برا يسمعو فاسمو على فمها بالعياط ..
رجعو يخبطو فالباب اكثرر ....
#ليلوشة
—————————————————
اوبالاتي 💜
حطوو توقعاتكم كالعادة نروح نكتب الرابعة و نجي نحطها بالمناسبة انا نطول كينكتب الحلقات تسما الا عييتو ارقدو و غدوة اقراوها نحبكم
#ليلوشة