👑 حسناء الآغا 👑

|| الحلقة 76 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 76 Il
~~ فلاش باك ~~
بعد ما وصلو لسبيطار و دخلو حسناء للغرفة كحالة مستعجلة .. استغلت حيزية الوقت لي كان فيه هيثم رايح جاي فالكولوار و راحت لمكتب الممرضين .. ( تحياا لزملائي فالعمل ههههه انا ممرضة حنينة حق ربي ) ..
دخلت قايلها ممرض تما .. هدر معاها باستغراب ..
الممرض : انعم مادام .. نظن غلطتي فالغرفة ..
حيزية : لالا .. اسمعني مليح .. انا مرت الاغا و عارف واش نقدر ندير .. يعني الا ساعدتني راح نتهلا فيك مليح ..
فهم قصدها تمتم .. تبسم معاها و هدر ( اسمعو الممرضين ماشي صح هاكا هادا مثال سيء برك هههه ) ..
الممرض : انعم واش تسحقي ..
حيزية : نسحق تمدلي لاتونو تاعكم نلبسها نتنكر بيها و دخلني للغرفة ليراح نقولك عليها نهدرمعا الطبيب ضروري ..
الممرض : و المقابل ..
حيزية : لي حبيتها ..
الممرض : عشر ملاين ( حمار ميعرفش يطلب كتر داندو ههههه ) ..
حيزية : نكمل شغلي يكونو فيدك ..
هزلها براسو بمعنى ايه .. جابلها اللبسة تاع للممرضين لبستها .. حطت كمامة على وجها .. و توجهت معاه لغرفة حسناء .. دخلت لقات طبيب يفحص فيها و حسناء مغمى عليها ..
تقدمت ليها بلعقل و هدرت ..
حيزية : دكتور نحتاجك ..
الطبيب : راني مشغول معا لمريضة حاليا اصبري نكمل و قوليلي ..
حبطت لابافات من على وجها .. خزر فيها و استغرب ..
طبيب : ماشي نتي لي جيتي معا هاد المريضة ..
حيزية : ايه انا نحتاجك على هاديك دخلت هاكا .. ممكن نهدرو على جنب ..
طبيب : اكيد ..
بعدو شوية على حسناء و على الممرضين لي تما .. بدات حيزية الدمع دموع تماسيح و هدرت ..
حيزية : دكتور ممكن ديرلي خدمة محتاجة مساعدتك ..
طبيب : وشنو هي ..
حيزية : ممكن تخبر لمرا هادي انها حامل .. تعيش ..
طبيب : علاش ..
حيزية : راجلها مات .. و رجعت شوية مهبولة و خايفين عليها كاش ما دير فروحها على الاقل كي تسمع بلي راهي حامل منو تتمسك فالحياة و متقتلش روحها ..
و دارت روحها طرطقت بالبكا .. غاضاتو .. ( لفعة بنت لحنش ) ..
طبيب : خلاص متبكيش مادام مكاش مشكل نقوللها ..
تبسمت معاه حيزية و رجعت هدرت ..
حيزية : من فضلك تببى بيناتنا حتا راجل لي راه برا نفضل ميعرفش انو مراهيش حامل تعيش .. و راح نمدلك واش حبيت ..
طبيب : هههه كي ولات هاكا واحد ما يسمع ..
حيزية : بعد ما تكمل الحالة نبعتلك لي حبيتها ..
تبسم معاها بشر .. رجعت دارت لابافات لانو حسناء بدات تفطن .. و خرجت تجري رجعت للغرفة نحات لحوايج و عدلت روحها ..
رجعت ليهم لقات طبيب خرج و خبرهم انها حامل ..
نرجعو لواقعنا .. بعد ما دخلت ليه حيزية متبسمة هدرت ..
حيزية : عجبتني ..
طبيب : كي يكون المقابل نتقن خدمتي .. راح نمدلها ايكو مفبرك .... ( وليد الهجالة) ..
#ليلوشة
—————————————————
اوبالاتي 💜
شفتووو شفتو اعمال حيزية بنت لحرام دوك هادي تغيض ؟؟ .. اجرووو حطووو توقعاتكم كي يسمع هيثم واشيديرلها مثلا ..
نروح نكتب لي مورهادي و نجيي راح نطول شوية بين هادي و لي موراها اووكي اسناوني
#ليلوشة