👑 حسناء الآغا 👑

|| الحلقة 18 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 18 Il
جابر : كيما سمعتي .. خمس دقايق تكوني لتحت .. و راح و خلاها مصدومة مكانتش متوقعة يجو فهاد الوقت كانت راح تهرب ..
حسناء : الله ينعلكم لوكان زدتو ساعة برك لوكاز راكم تخطب فريح دوك ..
دخلت لغرفتها .. وقفت قدام لمرايا و بدات تهدر معا روحها ..
حسناء : شوفي حسناء اتعاملي عادي متبينيلهم واالو .. جهزي روحك كأنك راكي قابلة و ماديري حتا مشكل ..
خذات نفس طوييل و راحت لخزانتها تحوس واش تلبس ..
راح جابر لمكتبو و هز تيليفونو متردد الا يعيطلها ولا نن .. اما فالاخير هادي بنتها و لازم تعرف .. لانو يماها و جداتها مراهمش فالقصر .. راحو لدار عم حابر يريحو تما شهر و بقا فالقصر جابر و سلمان و سمر و ياسمين و حسناء .. هز تيليفون و عيطلها ..
جابر : الو يما ..
هدية : اهلا وليدي عاش من سمع صوتك .. توحشناك ..
جابر : حتا حنا توحشناك يما ..
هدية : حسناء وشراهي هي و سمر و حفيدتي ..
جابر : ولله راهم ملاح .. عيطتلهم علاجال حسناء ..
هدية : خير ..
جابر : جاو يخطبوها ليوم و بابا راهو قابل ..
هدية : وشنووو و بدون علمي و شكون هادا و علاه جاو ليوم علاه مصبروش حتا نرجعو و نديرو جطبة كي ناس ..
جابر : لانو صرا سوء تفاهم صغير و اضطروا يعجلو الحالة ..
قلبها دق بالقاوي .. لونها رجع صفر .. للحظة جات بين عينها الحادثة لي صرات من قبل ..
هدية : جابر وشبيها حسناء متكذبش ..
غمض عينيه بتأسف لانو قاعد يكذب على يماه .. اما مكاش حل من غيرو ..
جابر : يا يما مكاين والو .. جاو يخطبوها برك ..
هدية : شكون هادا لي جا ..
جابر : آغا ..
هدية : هييه مليح آغا وشمن عشيرة .. نعرفو انا ..
جابر : لالا متعرفيهش يما .. المهم عيطتلك باش نقولك العرس بعد غدوة من الاحسن ترجعي نتي و جداتي ..
هدية : انا مفهمتش سرعتكم هادي لواش .. نرجع و نفهم من عندك باباك ..
جابر : ان شاء الله يما مضطر نكوبي راهم يسناو فيا جماعة ..
هدية : روح وليدي بسلامة ..
و قطعو الاتصال .. خبط يدو معا الحيط بعصب .. عارف انو امو مستحيييل تقبل لوكان تسمع .. راح تقوم القيامة بعد ما تجي ..
راح لعند سمر .. لقاها ناضت .. راح قعد قدامها و هدر ..
جابر : سمر جهزي روحك و روحي شوفي حسناء ..
سمر : علاه خير ..
جابر : شي .. جاو يخطبوها ..
سمر : و راح تمدوها ..
هدر معاها و كان معصب اما حاول يخفض صوتو ..
جابر : سمر نوضي و متحوسيش تفهمي هادي هدرت الرجال ..
و ناض متوجه للباب معصب و يسمع فيها تهدر ..
سمر : لالا ماشي هدرت الرجال هادي حياتها و هي تقرر كيفاه تعيشها ..
مكملتش هدرتها سمعت الباب كيفاه خبطو كي خرج .. نفخت بعصب و راحت جهزت روحها تمتم و توجهت لغرفة حسناء ..
طبطبت .. سمعت صوت حسناء مالداخل ..
حسناء : ادخل ..
فتحت لباب و دخلت .. غير دخلت بهتت فزينها ..
سمر : ماشاء الله .. قالتها بلا متفيق ..
كانت لابسة قفطان سااااامبل لونو فااغ بوتاي .. شعرها طلقاتو .. و كحلت عينها و دارت غوج خفيف يبان طبيعي .. خرجت تهبل ..
سمر : حسناء راكي تهببببلي .. كيفاه حتا جهزتي روحك ماشي مكنتيش قابلة ..
تبسمت معاها حسناء فوق القلب .. محبتش تبينلها غبينتها و هدرت ..
حسناء : خلاص خممت مليح و لقيت بلي من الافضل نرضى بقدري يمكن ربي راه مكتبلي حاجة مليحة مور هاد زواج ..
تقدمت ليها سمر و عنقتها.. و هدرت ..
سمر : خلي ثيقتك فربي عالية و مراحش يضيعك.. حاولي تتعايشي معاه يمكن يكون شخص حنين و متفهم.. يمكن بطيبة قلبك عايلتو يحبوك .. انتي ماعندك دخل فالعداوة لي بينا و بينهم .. مسألة رجال هاديك ..
حسناء : ان شاء الله .. اما انا علاش نحبط ياك مجاوش معاهم نسا ..
سمر : متنسايش الرؤية الشرعية من حقو ..
حسناء : ايييه نسيت .. و زيرت على قبضة يدها مالخوف ....
#ليلوشة
—————————————————
اوبالاتي 🔥
احوووجي عليا و على الرؤية الشرعية لي نموت عليها 😂 الا قريتو كرونيك ديالي عشقت سلفي اتفكرو كسفاه درتها بين رحمة و نجم الدين 😂 وقيل نديرها هكاك ليوم .. مدولي تشو توقعاتكم حسناء الداندو راح تزعفلنا وليدنا علابالكم ..
جمجمو و خلوو كومنتار نجمجملكم عليه و سمحولي كي مرانيش نرجع على توقعاتكم مركوك بلوكاني الحلوف
#ليلوشة