👑 حسناء الآغا 👑

|| الحلقة 19 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 19 Il
هدرت حسناء بينها و بين روحها ..
حسناء : شايفني و شايفاتو مفهمتش علاه رؤية الشرعية ..
سمر : ولله ما سمعتك ..
حسناء : قتلك و دوك وين نقعدو ..
نحبطو للغرفة لي قدام صالون وين راهم قاعدين .. كي تلحق وقت الرؤية يجي ليك ..
حسناء : امم معليش ..
شدتها سمر من يدها .. و حبطو اليد فاليد .. وصلو للاخر تاع دروج .. هدرت سمر ..
سمر : روحي نتي نروح نجيب جو و نجي راح نموت بالعطش و زيد تشهيتو ..
حسناء : اوك جيبيلي معاك ..
راحت سمر و فهاداك الوقت عند الرجال وين كانو مجتمعين .. سلمان .. صالح .. هيثم .. جابر و معاهم سماعيل ..
هيثم : ممكن تورولي تواليت منين ..
جابر : اخرج منا و دور على يدك اليمين كمل قبالة تلقاه ..
ناض هيثم من بلاصتو و خرج ..
جات جايزة على صالون بهدوء تحاول متعملش حس باش تسمع هدرتهم .. و اوب حست روحها دخلت فحيط .. لالا دخلت فجبل ماشي حيط ..
دارت رجلها كانت راح طيح .. اما دور يدو على ضهرها و حكمها عندو .. طلعت راسها و خزرت فيه .. و من هاد الدقيقة خرج هيثم من عالمنا و راح لعالمو الخاص عالم فيه هو و عينين حسناء برك ..
قاعد يخزر فيها بلا ميحس .. لكحول برزلها عينها اكثر .. شواربها لي كانت فيهم رعشة خفيفة و كان فيهم غوج لونو يهبل .. يدو لي محاوطة خصرها .. دقات قلبها لي قاعد يحس فيهم فجسمو كامل ..
هدر و هو هكاك مخدر ..
هيثم : جامي قالك واحد بلي عينيك عشق .. ( ايما راح نذوب انا فبلاصتها اه يا ليتني كنت قملة اسكن على رموش حسناء باش يطيح فيا هيثوومي ) ..
هيثم : يهبلو ..
و رما يدو باش يبعد خصلة من شعرها كانت على وجها ..
و هي مكانتش اقل منو .. تأثرت بيه و بلمستو .. و خاصة كلامو .. لي مكانتش تتوقع فيه اصلا .. اما تمتم فاقت على روحها و طبعاتو ..
غير طبعاتو فاق على راح .. استوعب واش دار .. اتصدم فروحو كيفاه هدر هكاك .. عدا يدو على شعرو بعصب .. كان راح يهدر اما مخلاتلوش فرصة .. و راحت تمشي و خلاتو واقف هكاك ..
جا ماشي راجع للصالون و هدر معا روحو ..
هيثم : راح تهبلني ..
رجع فاق على روحو .. نفض مخو من افكارو و هدر معا روحو ..
هيثم : فيق على روحك و متغلطش متنساش عمايلها .. و متنساش هي بنت من..
رجع لصالون .. و قعد معاهم .. تولهلو صالح بلي راهو معصب لانو عروق يديه برزو ( اتخايلولي العروق بارزين 🥺 ) ..
اما محبش يهدر و يحرجو .. دار لعندهم و هدر ..
صالح : كيما علابالكم سبب زيارتنا .. جينا نطلبو يد حسناء .. ليد الآغا هيثم على سنة الله و رسوله ..
و معا جملة صالح .. سماعيل حكماتو الصدمة .. كان هاز فيدو كاس ما طلقو بلا ميحس و تكسر ..
وقف مصدوم و هدر ..
سماعيل : ي يد شكون ....
#ليلوشة
—————————————————
اوبالاتي 🔥
اكدوووولي على عينك عشق ياا ربي واحد كيما هيثم و منزيدش .. بدااية الرومنسية من هنا جهزوولي قلوبكم تشوو و مكلاه كاش وحدة طيح فيه الراس يطير .. بصح سماعيل صراحة غااضني 💔 لي يحبها راهم يخطبوها قدام عينو و تحت مسامعوا .. فرايكم راح يبقا هادي و انسان واعي و ميدير والو ولا يرجع مهبول و متهور ..
خلولي توقعاتكم طوااال عراض .. و راني نكتب فالخااامسة عسو دوك نزيد نحطها خلو تعليقات هنا غير نحطها نجمجملكم
#ليلوشة