👑 حسناء الآغا 👑

|| الحلقة 110 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 110 Il
بعد ما همسلها فوذنها .. خرج من غرفتها وصى عليها الخدامات و امو لي كانت حشمانة منو علخر ..
لاحظ انو حيزية مكاشها فالدار فهم بلي راحت لدارهم .. يمكن صح ظلمها كي تزوج عليها اما حسناء معندها حتا دخل باش تعمل فيها لعمايل ..
خلاهم هوما تما .. و خرج هو و رجع توجه للسبيطار .. بعد مدة قصيرة وصل .. دخل لقاهم كملولو العملية و حولوه لغرفة عادية ..
دخل لغرفتو بلعقل داير فبالو يكون راقد اما كان فاطن .. خزر فيه هيثم و هدر ..
هيثم : واش نتا مترقدش متريحش ..
ضحك معاه عصام بالصوت و هدر ..
عصام : ماشي موالف نرقد دوك آغا ..
قدم هيثم اكثر و قعد فالكرسي قدامو و هدر بكل جدية ..
هيثم : عصام يعطيك الصحة يعني راني مدين لك بحياتي لوكان ماشي نتا لوكان بالاك راني ميت دوك ..
عصام : حاشة آغا واجبي .. خدمتي نحميك و انا حميتك و قمت بخدمتي ..
حط هيثم يدو على كتف عصام كشكر ليه اما نسا انو تقاس فيه ..
بعد يديه بسرعة و ضحك ..
هيثم سمحلي ولله نسيت .. اما المفيد محمد هرب .. لازم نحكمو عارف مرحش يسكت على لي عملتو فيه ..
عصام : منظنش راح يبقى فقصرو .. رد بالك اغا ممكن يتهور فأي لحظة ..
هيثم : عارف ولله .. راح نحاول نلقاه ..
ناض هيثم خرج من عند عصام و عمل كذا اتصال اما موصل لحتا خبر .. قرر انو يروح هو يحوس بنفسو .. جهز سلاحو .. حطو فوسطو و طلع سيارتو و قلع بيها متوجه لجيهة عشيرة محمد ..
فهاداك الوقت محمد كان فبلاصة عااالية مالجبل .. فبيت صغرون يهبل .. محاوطاتو مزرعة صغيرة .. الهدووء التااام .. اما كسر صوت الهدوء عيطة محمد وقت حطولو على جرحو الالكول ..
بقا مزير على سنانو و قبضة يدو و يتنفس بقوة يحاول يستحمل الالم ..
خرجو من فمو كلمات ثاابتين ..
محمد : راح نحرقك يا وليد الق*** .. راح نحرقلك قلبك و نقتلك بلعقل برك .. راح تعرف واش معناها اللعب معا محمد يا الرخس ..
و تبسم تبسيمة شر وسط المو ..
تعداات سمانة و محمد مخبي و يخطط فحاجة كبيييرة .. هيثم مخلا بلاصة محوسش فيها و ملقاهش ..
حيزية بقات فدار باباها كانو راح يرجعو يهدرو معا هيثم لانو طلقها طلقتين برك .. لازم يطلقها و يرجعها و يطلقها باش ترجع ثلث طلقات ( هادي عرفت بيها لبارح لبنات فالقروب قالولي .. )
اما بعد ما عرفو لي صرا و لي دارتو بنتو قسملها ثلاث بلي مراحش ترجع ..
حسناء بقات على حالها هكاك .. و عصام خرج مسبيطاار و تحشنت حالتو شوية ..
بعد ما عدات سمانة .. كان واقف فبيتو الحبلي .. هاز فيدو كاس فيه شراب .. شعرو مخبل داخل فبعضاه .. قفالي شوميز مفتوحين .. خذا رشفة و تبسم و هدر ..
محمد : جااايك يا الآغا ...
#ليلوشة
—————————————————
اوبالاتي 💜
جهزووولي روووحكم للقنبلة هههه .. تشفاو كي قلتلكم راح يغير احداث لكرونيك 360° .. غدوة راح يصرااو هادوك الاحداث .. منزيدش نشوقكم كتتتر مي غدوة كاين حلقات مور العصر و فليل انتظروووني ..
حطووو توقعاتكم و غدوة نتلاقاو
#ليلوشة