👑 حسناء الآغا 👑

|| الحلقة 4 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 4 Il
فبلاصة وحدوخرا .. بالضبط فقصر عشيرة شعابني كاين مريح فالمكتب ديالو .. هاز فيدو سيجارة و يدخن فيها .. صونا تيليفونو رما يدو و هز عليه ..
هيثم : الو ..
سماعيل : الو آغا مقدرناش نعرفو شكون لي قاد هداك الهجوم على عشيرة آل ضافر ..
هيثم : ر** متهبلنيش .. تجبدو مسما ولا ملرض .. كان راح يدير كارثة .. كيفاه خلاكم ديرو هجوم بلا متفيقو بلي فخ اه .. راح يجي الرد قاااسي من عند الآغا جابر و مكاش لي يعرفو قدي ..
سماعيل : راني ندير لي نقدر عليه الا لقيتو نعاود نعيطلك ..
كوبا عليه هيثم بعصب و خبط تيليفون .. اول مرة تصرالو .. وصلولهم انذار خطأ بلي عشيرة آل ضافر راح تهجم عليهم و بما انو هو مكانش حاضر فالعشيرة الاسبوع لي صرا فيه الهجوم رجالو تصرفو و راحو هجمو و طاحو فالفخ ..
هيثم : جاابدك جابدك .. و ولله ما نرحمك يا ط*** ..
ناض من مكتبو معصب و خرج للبالكون يشم هوا بالاك يهديه شوية .. و هو يطل و يخزر فساحة لكبيرة لي مقابلة القصر .. شاف معاد خوه يمشي و يتمايل ..
هيثم : ر** هادا ماشي قتلو متزيدش تشرب ..
زاد تعصب كتر .. كان حابط ليه اما شافو كي طلع فوق لحصان و طار بيه ..
هيثم : وين راهو رايح هاكا ... فجأة و كأنو واحد خبطو بكف فيقو بلي خوه راهو شارب و خارج و بعد الهجوم لي صرا يمكن يخلفو ثأرهم فأي لحظة ..
هيثم : لالالالا الا معاد .. لالا ...
رفد سلاحو .. تأكد بلي راه معبي و حبط طااااير ..
خرج لساحة يجري .. و يعيط ..
هيثم : سمااااعيييل جهز رجاال ..
تخلعو كامل فيه .. يجري متوجه للخصان و هاز فيدو سلاح .. شافوه هكاك طاارو موراه هوما تان ..
طلع فوق حصانو لكحل .. و طار بيه فالطريق لي راح منها معاد ..
رجالو ركبو فطونوبيلاتهم موراه و تبعوه طااايرين لغبار طالع موراهم ..
بقا يجري فهاديك الطريق و يتبع اثر لحصان تاع معاد فلرض ..
حتا وصل لطريق ضيقة ميقدروش يدخلو منها طونوبيلات .. حبس تما و حبسو هوما موراه .. حبطو من طونوبيلاتهم و سمعوه يهدر ..
هيثم : ادخلو تمشو خلو طونوبيلات هنا .. ما نسحق ولا غلطة و متقوصوش الا عند اشارتي انا ..
دخل هيثم يمشي و سلاحو فيدو .. مقابلاتو جنينة كبيييرة .. معرفش وشمن طريق يروح منو قرر يكمل قبالة لانو كاين مجموعة من صخرات قرر يروح ليهم ..
كمل تقدم و معا كل خطوة يلتفت يمين و يسار يشوف الا مكاين حتا واحد ..
رجالو توزعو على لبلاصة اما ملحقوش لعند الصخرات لي كان ناوي يروح ليهم ..
يتقدم و حاسس بلي كاين عفسة غالطة فالموضع .. علاش معاد يخرج و يجي لهنا .. وشنو هي الحاجة لي ماشي حاب يعرفوها باش يجي لبلاصة خالية كيما هادي ..
افكار تدي و افكار تجيب ..
قدم اكثر للصخرات .. سمع حس تاع حركة .. جهز روحو .. و جهز سلاحو ..
زاد تقدم اكثر .. سمع صوت شخص يعيط اما غالقينلو فمو .. عينيه لمعو لمعة شر .. قلبو رجع يخبط اكثر ..
هدر بينو و بين روحو ..
هيثم : الا معاد يا جابر آغا ..
و خرج يجري من مور الصخرة و قابلو المنظر هاداك و اووووب بدون سابق انذار صوووت رصاصة خرجت .. صوت صداها قاعد يتعاود فالمكان .....
#ليلوشة
—————————————————
اوبالاتي 🔥🔥
احححح اشتدت الحرب يا جدكم هههه راني متحمسة عجبوني توقعاتكم طلعتولي المووورال 🥺 وااش رايكم زعما معاد راح يموت ؟ راح يكون هو البطل ولا هيثم ؟؟ زعما هيثم هو لي تيرا على خوه ولا وحدوخر لي تيرا ؟ حسناء واش راح يصرا فيها ؟ وااش حكاية الثأر لي راهي بين العشيرتين ؟؟؟
كل هادا تعرفوووه الا كملتو قريتو لكرو 🔥
خلوو كامل تعليق هنااااا غير نزيد نحط نجمجملكم على تعليقاتكم باش تعرفو بلي حطيت
#ليلوشة