👑 حسناء الآغا 👑

|| الحلقة 105 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 105 Il
محمد : منعرفوش .. سمعت بيه كي مات ..
وقف هيثم .. و مشا بعيد عليه .. و جبد سلاحو من وسطو .. فتح الامان و وجهو ليه و رجع هدر بكل جدية ..
هيثم : اخر مرة نسقسيك من وين تعرف معاد ..
محمد : منعرفوش ..
هو غير كمل كلمتو و هيثم قوص عليه .. جازت الرصاصة على كتفو مدخلتش فيه اما جرحاتو .. خلاتو يعيط ..
محمد : ر** نقت...
مكملش هدرتو كان هيثم وصل ليه و حط السلاح على راسو و هدر ..
هيثم : تكمل هدرتك يفرغ فيك .. هاد المرة جات جرحة برك المرة الجاية نحطها فوسط راسك .. احكي احسن ما تتعذب اكثر ..
خزر فيه محمد يتوجع .. يتنفس بسرعة و معصب علخر و هدر ..
محمد : راك تحاول باطل ..
تعصب هيثم .. نفذ صبرو .. مقدرش حاب يعرف حقيقة لي صرا .. حاس روحو فدوامة مجهولة .. هز يدو و خبطو بدبزة للوجه خلاتو يرعف من نيفو .. زادلو الثانية ..و الثالثة حتا رجع وجهز مدمدم .. لي يشوفو يقول هادا راه ميت ..
تغلغلو صباعتين هيثم فشعر محمد و زير عليه و هو راحعلو وجهو و مقابلو و هدر ..
هيثم : راح نقتلك ..
محمد : متقدرش تقتلني .. مكاش لي يخبرك على واش راك تحوس ..
تبسم هيثم على جنب .. بعد عليه و بدا يمشي .. رايح جاي و يلعب بسلاحو فيدو و هدر ..
هيثم : متأكد بلي مكاش لي علابالو واش صرا من رجالك .. نظن دير كلش قدامهم .. يعني اقل حاجة ممكن نديرها اني نخطف واحد فيهم و نهددو بعايلتو و يحكي نورمال ..
بلع ريقو يحاول يهدي فروحو .. لي يحكي فيه هيثم صحيح .. رجالو علابالهم واش صرا .. للحظة تملكو الخوف ...
توتر .. و هيثم لاحظ توترو و قرر يلعبلو على الوتر الحساس لانو عرف عليه انو عندو رهبة مالموت .. و كل شخص عندو نقطة ضعف ..
هيثم : مراكش عارف واش راح يصرا ..
محمد : لالا ..
هيثم : اصبر نحكيلك .. راح نقتلك هنا لانك محبيتش تهدر .. راح نرميك للكلاب و نستجوب واحد مرجالك و نعرف لي صرا .. و تخرج نتا خاسر فلافار ..
حبط محمد راسو بضعف و فنفس الوقت معصب علخر .. اما فالاخير قرر يحكي ..
هدر و هو محبط راسو بلا ميخزر فيه ..
محمد : معاد خوك كان شريكي .. كنا متفاهمين نطيحوك و يطلع هو الاغا .. فكرت الهجوم فكرتو .. وصلنا لرجالك انو عشيرة ال ضافر راح يهجمو عليهم و بما انو مكنتش نتا هنا اضطرو يتصرفوا وحدهم و هجمو على عشيرة ال ضافر .. راح معاد معاهم و دخل للقصر تما تلاقا بحسناء لي هي مرتك و قاللها انو تحط يدها فيدو و يرحعو الصلح بيناتهم .. و الا يموت خوها .. و بالطبيعة هي خافت على خوها و قبلت و رجعت تتلاقاه باش تتفاهم معاه .. مش عارف بضبط واش صرا اما فمرة من المرات قالي راح نتلاقاها باش نمدلها حل يرضي طرفين و راح ليها سكران و اغتصبها و الباقي علابالك بيه ..
يسمع فيه و ماشي مصدق .. ملقا يفرح انو حسناء اغتصبت ماشي بارادتها .. ملقا يحزن على خيانة خوه الصغير ليه .. خوه لي كان قطعة من قلبو ..
كل كلمة قالها محمد قعدت تتكرر فوذنو .. خرج مالقبو مصدوم يمشي هايم لدرجة انو نسا سلاحو و الباب مفتوح تما ..
خرج متوجه للقصر باش يطلع لغرفة معاد .. و هو فطريقو سمع الخدامة تهدر معا صحبتها ..
الخدامة : ايه المدام حيزية هي لي طبعتها شفتها بعيني ......
#ليلوشة
—————————————————
اوبالاتي 💜
شعععلت الناااار خلاص .. تخلطت اتهايلولي برك ردة فعل هيييثم .. واش راح يدير فحيزية .. و محمد فرايكم واش راح يصرالو .. و حسووونتنااااا ..
حطوووولي توقعاتكم طوال عراااض و نلتقي غدااا معا الحلقات الاخيرة للكرونيك .. انا نعست نتلاقاو غدوة فليل نحبكم
#ليلوشة