👑 حسناء الآغا 👑

|| الحلقة 40 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 40 Il
قلبها رجع يدق بالقاوي .. ولا وجها حمر .. معرفتش واش دير ..
هيثم : الو راكي تسمعي ..
حسناء : ايه راني نسمع فيك ..
هيثم : ياك ما صرا والو .. مجاش عندكم اسماعيل ..
معا لول كانت راح تخبي عليه و متحكيلوش اما في لحظة ضعف حكاتلو ..
حسناء : ايه جا ..
كان واقف فوسط الساحة فقصر عايلة حيزية حتا عيط بلا ميحس دارو كامل يخزرو فيه..
هيثم : كيفااااااه !! ..
حسناء : قتلك اييه جا ..
هيثم : و مادرلك والو .. اهدري ر** ..
حسناء : لالا .. ديجا نتا واش دخلك ..
و كوبات عليه خلاتو يغلي .. خبط الطونوبيل برجلو و يدو .. اما هي حطت تيليفون و غطات وجها بيدها و هدرت معا روحها ..
حسناء : يااا ربي واااش درت .. علاه تقوليلو يا حسناء علاه .. واش شكون باش تقوليلو يا حمارة ..
و خرجت من غرفتها و هي تخبط فرجلها على لرض و حبطت تتعشا لانو لازم ترقد بكري غدوة عرسها ( حوجي غدوة العرس 😂 ) ..
اما عند هيثم دار عندهم مقلق و هدر ..
هيثم : هايا نروحو عندي شغل ..
تقدم ليه صالح بلعقل .. حط يدو على كتف هيثم و هدر بصوت يسمعوه هوما لثنين برك ..
صالح : هدي روحك وليدي راك تبان مقلق بزاف خير واش صرا ..
هيثم : والو عمي شوية مشاكل فالخدمة دوك نروح نفريهم ..
صالح : كيفاه تفريهم و ليل قريب يطيح قيس ما نوصلو للدار تكون ضلامت الحالة و غدوة عرسك .. خلي بعد العرس و افرز روحك ..
هيثم : ياا عمي الموضوع ميتأجلش كي يكون يتعلق بحسن... و سطت محبش يكمل ..( اعع اعع حق الرب المعبود غير كان راح يقول حسناء .. ياك كان راح يقول حسناااء ياك صح .. )
صالح : بيمن ..
هيثم : والو عمي انسى ..
و هوما هكاك جات زهرة و وقفت قدامهم و هدرت ..
زهرة : خير واش كاين ياك كلش راهو لاباس ..
هيثم : لاباس يما متتقلقيش مكاين والو شوية تعقيدات فالخدمة برك ..
زهرة : ربي يعاونك يا وليدي ..
هيثم : هايا دوك نروحو .. و راح طلع ديراكت فطونوبيل يسنا فيهم يطلعو .. راحو سلموا على بعضاهم .. و ودعوا عايلة حيزية .. و حيزية لي من لي خرجت و هي تراقب فهيثم و تصروفاتو و اسم حسناء محبش يروح من وذنها ..
هدرت بينها و بين روحها..
حيزية : شكون حسناء هادي .. لازم نعرف عليها كلش ..
و هي هكاك فيقتها من تخمامها زهرة وقت جات تودعها و تبقيها على خير ..
زهرة : ابقاي على خير يا بنتي و جهزيلي روحك لغدوة .. نجي ندي كنتي ..
ضحكت معاها الضحكة الصفرة و هدرت و هي تتعوج و تتمقنن ..
حيزية : ان شاء الله ماما .. اه ياك نقدر نقولك ماما ( عندك يماك وحدة يا بنت لحرام علاه تعيطيلها ماما طفووه ) ..
زهرة : اكيد بنتي ..
سلمت عليها .. و كملوا ودعوا بعضهم و طلعوا عايلة هيثم كلهم فسياراتهم و توجهوا لقصرهم ..
نروحو عند حسناء بعد ما تعدات شي ساعتين و هي دور و توجد هي و امها و سمر .. تعشات و طلعت لبيتها .. رفدت لاغوب بلونش علقتها و بقات تخزر فيها .. و تهدر ..
حسناء : يعني خلاص غدوة راح نتزوج .. مكاش حل وحدوخر .. يعني غدوة راح نرجع مرت الآغا .. و اخ هاداك الرخيس ..
طلعت راسها لسما و دعات لربي ..
حسناء : ياا ربي استرني .. يا رب يكون ليا نعم الزوج و يكون شخص مليح ..
رجعت سرحت فلاغوب بلونش .. و هي هكاك صونا تيليفونها .. خزرت فيه و ظهرلها رقم هيثم ..
#ليلوشة
—————————————————
اوبالاتي 💙
عدلو مكياجكم .. الحلقة لي مور الجاية راح يبدا العرس احموووودة .. يوبويويويببيي تحمست .. حطولي هنا دك دك دك توقعاتكم كيفاه راح يتلاقاو حسناء و حيزية اجرووو ..
#ليلوشة