👑 حسناء الآغا 👑

|| الحلقة 21 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 21 Il
رما خطوة داخل شومبرة و دخل .. حاول يدخل قبل ما يلحق جابر لانو لازم يكون حاضر معاهم واحد من عايلتها ميكونوش وحدهم ..
قدم ليها اكثر و هي قاعدة تسمع فصوت خطواتو لي يقربو منها .. مش عارفة علاه اما تحس فقلبها راح يخرج من صدرها .. قاعدة تتعاود فوذنها كلمة " عينيك عشق " وصل لعندها .. كان بيناتهم مسافة معتبرة .. ماشي طويلة و ماشي قصيرة ..
طلعت راسها و خزرت فيه .. و رجع تخدر السيد اما حاول يشد روحو .. غمض عينو بالفور و فتحها و هدر ..
هيثم : نظن اسمك حسناء .. ( خووراط هو علابالو اسمها حسناء و جاي يتبهلل علينا .. )
حسناء : ايه و نتا هيثم ..
هي نطقت اسمو و سيد قلبو رجع يتسمع مالموزنبيق الشقيقة .. للحظة تاه فيها .. اسمو على لسانها قاعد يتعاود فوذنو ..
تبسم بينو و بين روحو .. قعدت تخزر فيه مستغربة .. ميلت راسها بعفوية و هدرت ..
حسناء : وشبيك ..
فاق على روحو .. عدا يدو على وجهو و هدر ..
هيثم : حبيت نسقسيك قبل ما يجي جابر .. منين تعرفي معاد .. علاه تلاقيتو ..
تفكرت لي صرا معاها .. رجع وجها حمر مالخوف .. رعشة سرات فبدنها .. غرغرو عينها بدموع .. اول مرة بعد هاد الحادثة يحاول حد يستفسر منها بلا ميظلمها ولا يحتقرها باي كلمة ..
هزت يدها لي كانت ترعش و رجعت بيها شعرها للور ..
حس عليها و على رعشتها .. شاف دموعها المتحجرين بين عينها .. شاف وجها كيفاه تغير لونو .. قدم ليها كردة فعل لا ارادية و شد يدها يحاول يحبس رعشتها ..
طلعت راسها مصدومة من حركتو .. و طاحت العين فالعين .. و رجع غرق فعينين غزالتو .. يشوف فعينها لي دموع مبقالهمش و يطيحو منها .. هدر و مسيطرة على صوتو بحة ..
هيثم : وشبيك ..
حسناء : شي .. انا مدرتلو والو .. ولله العظيم ..
مكانش مركز معا هدرتها .. كان يتبع فشواربها كيفاه يتحركو .. و رعشتهم لي هبلاتو .. ( اقراو عليه الفاتحة سيد غرق خلاص .. اسرع قصة حب ههه حب الأغا لحسناء ) ..
طاحت دمعة من عينها و خدات طريقها على خدودها و هو يتبع فيها كيفاش حابطة حتا وصلت لشواربها .. و فهاد اللحظة بالضبط غاب عن وعيو و هدر و هو مركز فشواربها ..
هيثم : و حتا شواربك عشق ..
قرب ليها بلعقل .. حتا رجع نفسو يضرب فوجها .. حتا وصل شواربها .. كان راح يبوسها اما هي بحركة خفيفة دورت وجها و باسها على طرف شواربها قاسها شوية فيهم برك .. ( انا بييدون انااا ياا ربي) ..
حركتها خلاتو يفطن .. اما قعد قدامها هكاك .. و هدر ..
هيثم : اسف مش بقصدي .. كنت ..
مزال مكملش هدرتو و تفحت الباب بقوة ..
قبل ما يدخل جابر طلق يدها تمتم و رجع خطوة للور .. هي قلبها حبس .. قعدت تخزر فيه .. غلق عينو و فتحها باش يطمنها .. لانو كان راح يعمللها مشاكل بتهورو ..
دخل جابر و هدر ..
جابر : قتلك اسناني علاه تدخل وحدك ..
هيثم : مسمعتكش ..
جابر : اوك اتفاهموا على شروطكم و اتفضل برا ..
هيثم : مكاش شروط و فريناها خلاص نقدر نتفضل برا ..
دار جابر يمشي و موراه هيثم .. دور راسو خزر فخسناء و تبسم تبسيمة خفيفة .. حس انو ممكن تخفف عليها صوتها .. رجعتلو هي زادة التبسيمة ..
اول مرة بعد هاديك الحادثة يتعامل معاهاةشخص غريب بهاديك الطريقة بعد سمر ..
بعد ما خرجو من عندها .. دخلت سمر عندها .. خزرت فيها باستغراب و هدرت ..
سمر : وشبيه وجهك حمر هاكا واش دارلك ..
حسناء : لالا والو تعرفيني نحشم ..
سمر : اممم زعما صح ..
حسناء : اييه صح بعدي خليني نطلع نبدل حاسة روحي نوزن قنطار بهاد الماكياج ..
سمر : ماراكي دايرة والو هههه ..
طلعت حسناء لغرفتها و هيثم و صالح خرجو مالقصر متوجهين لعشيرتهم ..
دخلت حسناء لغرفتها .. قابلت مرايتها تمسح فالماكياج اومبعد هدرت معا روحها ..
حسناء : شحال حنين .. تمتم نفضت مخها و رجعت هدرت ..
حسناء : حتا معاد كان كيفو و طلع خداع معا لخر و راستهم وحدة ..
نحات قفطانها .. لبست حوايجها .. و رفدت كرطابها لي وجداتو باش تهرب و فتحت الباب بلعقل ....
#ليلوشة
—————————————————
اوبالاتي 🔥
سمحولي قلتلكم على ثمنية و طولت خرجتلي خدمة .. مهم ، اكدوووولي على البوسة اه يا ربي حسيت روحي بوشون .. غررت غررت .. بصح طبعا النكدية تاعنا راح تهرب الداندو هو يخمم عليها و هي كي البقرة ..
زعما راح تهرب ؟؟ ولا راح يحكموها ؟ و الا حكموها شكون راح يحكمها .. خلولي توقعاتكم طواال عراض و خلو كومنتار هنا راني نكتب فلي موراها غير نزيد نحط نجمجملكم
#ليلوشة