👑 حسناء الآغا 👑

|| الحلقة 95 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 95 Il
رجع دار هيثم عند رجالو و هدر بعصب و هو يتنفس بقوة ..
هيثم : هزو قسامو و ارموه قدام قصرهم ..
نفذو واش قاللهم .. رفدوه كان شبه غايب عن الوعي .. نيفو و فمو يسيلو بدم .. عينيه رجعت زرقة و تنفخت .. و حتا جسمو مسلكش من ضربات هيثم .. حطوه فطونوبيل و طارو للقصر .. رماوه عند الباب .. كان الغاشي بدا يتلم بعد ما سمعو بوفاة قمر ..
و رجعو لقصر هيثم ..
بعد مدة غسلو قمر و سعيد فنفس الوقت اما كل واحد فمكان بعيد على الثاني .. كفنوهم .. و حطوهم فالصندوق و خرجوهم تحت التكبيرات .. مشهد تقشعر له الابدان .. شخصين محبوبين ماتو فنفس اليوم .. شخصين حبو بعضهم فرقت بيناتهم العادات و التقاليد و الجهل .. حتا القاتل و يعطولو حق التكلم و دفاع عن النفس ..
كانو الكل يودعو فيهم .. سمر و هدية يبكو بهستيرية .. اما حسناء مالصدمة دمعة مطاحتلها .. كانت تخزر فيهم برك و ساكتة .. ملامح وجهو باااااردة علخر ..
اما فعشيرة شعابني كانت زهرة و فاميلتها و عموم سعيد و نسا عمومو كلهم يبكو .. يبكو على وليدهم لي تقتل على رغم من انو خاطيه المشاكل ..
كان هيثم هاز صندوق معا الرجال و يتوعد فعشيرة ال ضافر .. اما محضرش دفينة اختو لانو بعد الضرب لي خداه غاب عن الوعي .. عقمولو جروحو و خلاوه فغرفتو راقد ..
تدفنو العشاق و رجعو تحت التراب .. جمع بيناتهم القبر و مجمعتش بيناتهم الدنيا .. جمعت بيناتهم الموت و مجمعتش بيناتهم الحياة .. و رجعو مجرد ذكرى مرت الحياة ....
رجع هيثم لوعيو .. دار ببطئ عند جابر و ضحك نفس الضحكة لي ضحكها كي قالو انا قتلت خوك .. قرب ليه و هدر بلعقل صوتو شبه خارج ..
هيثم : ك كيفاه .. شكون قتلو .. علاه كذبت ..
جابر حبط راسو خايف يقول الحقيقة و فنفس الوقت متردد و خايف من ردة فعل هيثم بعد ما يعرف انو كامل لي دارو فجابر من محاولات قتل و مشاكل فالخدمة و حتا وصل قريب قتل سمر كلها كانت ظلم ليه لانو ببساطة هو خاطيه ..
رجع هدر بالعياط خلى كامل لي تما يدورو يخزرو فيهم ..
هيثم : اهددددررررر ر**
جابر : بابا لي قتلو .. و انا كذبت لانو كنت صغير و فنفس الوقت خفت على بابا و حصلتها فروحي ..
تصدم هيثم من هدرتو .. رجع خطوة للور و هدر و هو لاز على سنيه ..
هيثم : روح جابر راح ندير حاجة عيانة .. جابر بعد منا ..
تفهمو و هز براسو و بعد علاه و دار راجع للقصر و هو راضي على نفسو لانو خبرو الحقيقة .. عاش بيها اكثر من 12 سنة و ليوم خرجها .. حس براحة كبيرة داخلو .. ركب سيارتو و رجع لقصرو ..
اما هيثم قعد فكرسي تما مصدوم .. حط يدو فيزوج على راسو .. قاعد يتفكر شحال من خطرة تصاب جابر بسببو .. شحال من خطرة حرقلو سلعتو و حرقلو مزارع تاعو .. تفكر دمعتو لي شافها وقت لي سمر قاستها طونوبيل احد رجالو و هي حامل و هو كان متبسم بشر .. تفكر كيفاه الانتقام عمالو عينيه .. عمالو عينيه و مخلاهش يشوف انو حتا جابر تقتلت اختو فنفس النهار .. اختو لي سماوها عاه** سعيد قبل ما تظهر الحقيقة ..
هيثم : اه يا جابر واش درتلك و واش درتلي .. اه يا القدر لي خلانا نوصلو هنا .. سامحني ...
#ليلوشة
—————————————————
اوبالاتي 💜
فرايكم خلاص راح يتسامحوا ولا مزال .. و حسناء زعما راح تفيق تمتم ولا طول غيبوبتها .. و حيزية راح تطلق ولا تنجح زهرة ترجعها للدار ..
حطوولي توقعاتكم و اسرعواا للحلقة لي موراها ..
#ليلوشة