👑 حسناء الآغا 👑

|| الحلقة 25 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 25 Il
طبيب : آغا مش عارف كيفاه نقولهالك .. اما يمكن انو عندها ورم فالرحم .. لحد الآن مراناش متأكدين بنسبة 100% لازم تعمللها فحوصات ..
يسمع فيه و الهدرة تتعاود فوذنو .. مش مصدق .. مصايب الدنيا كااامل طاحو فوق راسو على ضربة ..
جابر : ك كيفاه ورم ..
طبيب : هدي روحك آغا ..
حكمو جابر مالكول تاعو و عيط فوجهو ..
جابر : فهمني كييفاه ورم ..
طبيب : سرطان ..
فشل ضربة وحدة .. رحليه معادوش حاملينو .. يحس فروحو يتخايل .. طلق الكول تاع طبيب .. و رجع بهدوء للور و هو يخزر فالهوا ..
مرتو حبيبتو .. نور عينو مريضة .. و بيمن مريضة بمرض معندوش دوا ..
جابر : وين راهي سمر .. اديني ليها ..
طبيب : راهي فالغرفة هاديك ..
راح يمشي للغرفة هاديك بكل هدوء .. متردد .. خطوة للقدام و عشرة للور .. حاكم روحو بسيف .. حاس بالقنطة ..
فتح لباب .. قابلاتو فوق سرير راقدة .. مربوط فيدها سيروم ..
وقت شافها هكاك عينيه تغرغرو بدموع كأنو طفل صغير و شاف يماه ..
تقدم ليها بلعقل و بدون حس باش ميفيقهاش .. قعد فالكرسي لي جنب السرير .. رما يدو ليدها و شدها بكل هدوء .. و هدر بصوت حنين غالبة عليه بحتة لبكا ..
جابر : سمر فيقي يا روحي .. فيقي نشوفك و نشبع منك ..
و معا كلمتو الاخيرة نزلو دموعو .. حط جبهتو على يدها و قعد يبكي كيف الطفل الصغير .. مقدرش يتحمل الخبر لي سمعو .. الغضب لي تجمع داخلو فهاد الفترة كلو خرج معا هاد البكية ..
قعد هكاك حاط راسو لمدة طويلة .. يسنا فيها تفيق ..
نرجعو لعند حسناء لي كانت على حصانها طاير بيها .. و موراها هيثم .. اما كان حصانها سريع اكتر من لحصان لي كان راكب فوقو ..
هيثم : ر** اجري راح تضيع مني ..
قد ما حاول يجري كانت ديما تفوتو بمسافة معتبرة .. مبقالوش حل غير انو يجبد سلاحو ..
جبد سلاحو و هو على لحصان يجري بيه .. وجهو لسما و عيط على قد ما يقدر بأسمها ..
هيثم : حسنااااااااء ... و قوص فسما ..
كانت راكبة على حصانها يجري بيها و هي مستمتعة بنسمة لهوا لباردة لي قاعدة تضرب فوجها .. و تخلي شعرها يطير ..
قاعدة تشم فريحة الحرية .. اما كل هادا تلاشى وقت سمعت صوت مش غريب عليها يعيط باسمها و مور العيطة سواسوا سمعة صوت رصاص ..
رعشة سرات فبدنها .. وجها راح الوان و جا الوان .. نبضات قلبها تسارعوا .. انفاسها تزايدو .. وقفت لحصان .. و دارت بيه بلعقل و هي مغمضة عينها خايفة تحلهم و تشوف لي عيط بصوت ..
وقت شافها حبست استغل الفرصة و طار يجري بيه يحاول يقلص المسافة لي بيناتهم..
فتحت عينها بلعقل و شافتو كيفاش جاي يجري بحصانو .. شافتو من بعيد .. و تكرر فذهنها مشهد معاد وقت جا بالحصان ..
قلبها تحس فيه راح يتوقف .. بلا متحس رجعت دارت بالحصان و طاارت بيه .. هربت بلا متحس .. خافت يتكرر نفس السيناريو و خاصة انها بعيدة على دارهم .. تغرغرو دموع فعينها و نزلت دمعة .. و زوج و ثلاثة .. حتا رجعو دمووع ..
يجري موراها و يهدر و هو معصب ..
هيثم : حسناء حبسي ..
مرجعتلوش و كملت فطريقها.. خايفة و مرتعبة منو ..
زاد سرعتو على قد ما يقدر و مبقاش بيناتهم بزاف .. حتا رجعو فنفس الصف .. خزر فيها بنظرة حادة و هدر بصوت عالي ..
هيثم : حسناء آخر مرة نهدر حبسي ..
خزرت فيه و هي تبكي .. كانت تشوف فيها معاد ماشي هيثم .. خوفها سيطر عليها ..
حسناء : معااد خليني تعيش .. خليني ..
هيثم : حسناء انا هيثم ماشي معاد .. اخزري فيا شوفيني ..
محبتش تخزر فيه و بقات تبكي و مكملمة فطريقها ..
مخلاتلوش حل آخر غير انو يجبدها ليه .. قرب حصانو ليها .. حط يدو على يدها و جبدها ليه بقوة و فقد توازنو و طاحو مالحصان ..
طاحت قبل و طاح هو فوقها معنفها و حاط يدو مور راسها خايف تخبط راسها فكاش حجرة ..
بقات مغمضة عينها .. و هو بقا يخزر فيها .. دار فبالو ان٧ا فقدت وعيها .. اما تمتم فتحت عينها و طاحت عين الآغا فعين حسناء ....
#ليلوشة
—————————————————
اوبالاتي 🔥
درتلكم القليل من الرومنسية الغاملة ههههه .. فرايكم وااش راح يصرا بيناتهم حاااليا ..
و حابر مسكين قسملي قلبي .. انا اسفة بصح روحي شريرة غلبت ههه ..
زعما سمورتنا تبرا ولا نن .. ولا ممكن يكون ماشي سرطان ..
خلووولي توقعاتكم طوال عراااض .. راني ميتة بالنعاس ان شاء الله تكون الحلقة فالمستوى بسك كتبتها عين مغمضة و عين مفتوحة هههه
خلو تعليق كي نزيد نحط غدوة نجمجملكم و صحااا عيدكم تعيدوو بالصحة و لهنا ان شاء الله
#ليلوشة