👑 حسناء الآغا 👑

|| الحلقة 125 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 125 Il
دخلت للشومبرة .. غلقت الباب و خزرت فيه بطرف عين و هدرت ..
حسناء : وين نجي وين ..
هيثم : هنا ..
و اشارلها بيدو لبلاصتها و هو متبسم ابتسامة عريضة متبشرش بالخير ..
حسناء : هيه دوك نجي ..
دخلت للدوش .. مشطت شعرها .. لبست بيجامة بلو سيال جاتها تهبل .. دارت ريحة خفيفة ريحتها روعة باش تهبلو ...
و خرحت ليه .. كان نظرو متركز على باب الدوش يسنا فيها تخرج بلا حشمة بلا والو ..
تفتح الباب و تفتحو معا عينيه .. خرجت تهبل رغم بساطتها ..
ريحتها لحقاتو قبل ما تخرج مالدوش حتا .. بلع ريقو و هو يتبع فيها بعينيه حتا دخلت للفراش بجنبو ..
هيثم : علاه درتي ريحة ..
حسناء : علاه انا اول وحدة ندير ريحة .. عادي مالفة نديرها ..
هيثم : اممم ..
حسناء : وشنو اممم ..
هيثم : والو ..
و قرب ليها اكثر و عنقها و هي تشوف فيه مصدومة .. حط راسو فرقبتها و يديه محاوطين خصرها و غمض عينيه ..
حسناء : ايي ايي واش راك دير ..
هدر و نفسو يضرب فرقبتها خلى الرعشة تسري فبدنها ..
هيثم : راني معنق مرتي ..
حسناء : و سقسيتها الا تعنقها ..
هيثم : علاه نسقسيها حلالي و حقي و عندي حق اكبر من هاكا تحبي نقولهولك ..
تفتحو عينها على وسعهم و هدرت بسرعة ..
حسناء : لالا متقوليش ..
هيثم : مالا اركحي عنقيني و ارقدي احسن ما نولو فحاجة وحدوخرا ..
سكتت مازادت حتا كلمة و بقات فبلاصتها هكاك لاكثر من ساعة .. هو رقد تمتم عندها و هي مرقدتش ..
وقت لي حساتو رقد .. بعدت عليه شوية و دارت مقابلاتو وجها لوجه ..
قدمت و باستو من راسو .. خزرت فيه متبسمة و عنقاتو .. و حتا هو زاد عنقها ليه و رقدو معا بعض بامان .. ( رقدة ولا فالاحلام راحة نفسية حسيت بيها بلا منجربها ههههه ) ...
تعدا الليل .. و لحق نهار جديد .. كانت راقدة فحضنو .. راسها فوق صدرو معنقاتو بيدها و رجل وحدة من رجلها فوق رجليه ..
حس حاجة ثقيلة عليه .. تبسم وقت لي تفكر وجودها .. وقت ادلي ريحتها فكراتو بوجودها .. فتح عينيه قابلاتو حسناؤ بين يديه راقدة كالملاك ..
تبسم و بقا يخزر فيها منحاش عينو منها .. تشها شواربها اما وعد نفسو انو ميعمل شي الا برضايتها هي ..
بعد مدة و هو هكاك .. بدات تتململ و تفطن .. فتحت عينها بلعقل .. طاحت عينها فعينو و هو متبسم .. هدر ديراكت ..
هيثم : سبحان الخالق عينيك نعشقهم ..
تبسمت و هدرت تحاول تغير الهدرة خاطرش حشمت ..
حسناء : و تقعد هاكا تخزر فيا ..
هيثم : اجمل مهنة ممكن نديرها فحياتي هي نخزر فيك ..
حسناء : نوض نوض و طبعاتو و دخلت للدوش ..
بقا متبسم فبلاصتو .. بعدها خرجت هي دخل هو و هدر مالدوش ..
هيثم : جهزي روحك نخرجو شوية ليوم ..
حسناء : وين ..
هيثم : اومبعد تعرفي ...
بقات هي تجهز روحها .. لبست روب تحت الركبة يديها تخواكاغ ( معرفتهاش بالعربية ههه ) .. و باسكات بيضة .. خرج هو لبس سروال باش و تريكو كحل حط بارفانو .. و خرجو كيفكيف اليد فاليد تحت مغازلتو ليها ...
#ليلوشة
—————————————————
اوبالاتي 👑
صبراا صبرااا تحملو مبقاش قد لي فاتت .. الجميل قادم ههههه
جمجمووو نروح نكتب لي موراها و نجي
#ليلوشة