👑 حسناء الآغا 👑

|| الحلقة 114 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 114 Il
هيثم يزير بيدو على التيليفون معصب علخر .. هدر و هو لاز على سنيه ..
هيثم : حفرت قبرك بيد .. مراحش نرحمك يا ن**
محمد : نظن مراكش فموضع يسمحلك تهدد .. راك تعلب على النار ..
هيثم : نضمنلك بلي راح نسترجع قصري ..
هز سلاحو و قوص على واحد من القناصين لي كانو فوق السطح .. سمع محمد صوت الرصاص و شاف مالتاقة الراجل كي طاح للتحت .. ضحك على جنب و هدر ..
محمد : فرايك هاداك لي قتلتو مهم ليا هههه كاين الالاف كيفو ..
هيثم : لالا وريتلك كيفاه راح تكون موتك و كيفاه راح تخسر عليك رصاصة وحدة ..
محمد : حسناء و قصرك انساهم .. وقت لي ترجعلي الارض باسمي .. و تعطيني نص اراضيك نرجعهملك ..
ضحك هيثم بالصوت و هدر ..
هيثم : مستعد نواجهك اما يااا وليك و تنقص شعرة وحدة من حسناء .. ندفنك فارضك ..
قص عليه محمد الاتصال .. و بقا يراقب فيه مالتاقة .. شافو كيفاش خبط رجليه على اللرض بعصب ..
مكان عندو حتا حل كيفاه راح يرجعو .. عصام عيط لرجالو و رجعو تلمو تما .. كان راح يشن هجوم اما خاف على يماه و حسناء لي راهم داخل ..
فهاداك الوقت وصل جابر .. شاف سيارات من بعيد هدر و هو يسوق ..
جابر : واش كاين ..
سمر : خير ان شاء الله ..
تبادر لذهنو انو حسناء ماتت .. زاد فسرعتو اكتر .. وصل و حبسها بقوة و حبط .. حبطت موراه سمر و هدية يجرو ..
وصل جابر عند هيثم و وقف مقابلو يسنا تفسير من عندو .. هيثم ملقاش كيفاه يبداهالو .. حتا خاطعو عصام و هدر ..
عصام ؛ آغا جابر .. خطفو القصر و حسناء راهي داخل ..
تبدلت نظرتو لنظرة صدمة و هدر بصوت عالي ..
جابر : كيفااه .. و نتوما وين كنتو ..
هيثم : حطولنا فخ على اساس انو صرا هجوم فمنطقة وحدوخرا .. حتا خطفو القصر ..
جابر : و شكون هادا ..
تفكر هيثم انو جابر معلابالوش بلي صرا .. معلابالوش بحقيقة لي صرا معا اختو ..
خذاه هيثم على جنب باش يحكيلو لي صرا ..
فهاداك الوقت زهرة كانت فالغرفة خايفة علخر .. لقات تيليفون حسناء .. هزاتو و بلا تخمام و مالرهبة عيطت للبوليس ..
بعد ما خبرتهم بلي صرا خبروها انو مسافة ربع ساعة و يوصلو عندها .. قصت الاتصال و بقات رايحة جاية فالغرفة .. حتا لمحت يد حسناء كي تحركت ..
تبسمت تبسيمة كبيرة وسط خوفها و رهبتها .. بقات تحرك فحسناء تحاول تفيقها ..
كانت غارقة فوسط مظلم .. تحس روحها مخنوووقة و طيح فالهوا اما مكاش ارتطام .. مكاش ارض بقات طيح و برك ..
تسمع فصوت هيثم بعييييد يناديها .. حاولت تهدر حاولت ترجعلو اما مقدرتش .. تهدر اما صوتها ميخرجش ..
و هي طايحة هكاك .. دورت وجها حتا لمحت الارض .. الارض لي راح طيح عليها و تموت .. رجع قلبها يدق بالقاوي .. رجعت تعيط اما صوت عياطها مكاش محبووس .. استسلمت .. غمضت عينها .. فتحت يدها و تقبلت قدرها ..
هي قرييب توصل للارض .. بقاو بيناتهم امتار قلييييلة .. تفتحو عينها و تنفست نفس كانها غرقت و خرجت مالما .....
#ليلوشة
—————————————————
اوبالاتي 💜
حطووولي تشوو توقعااتكم واش راح يصرا بين جابر و هيثم .. و حسناااء فميزكم فطنت ولا نن و واش راح ديير هي .. و محمد واش راح يعمل و حيزية مانسااوهاااش ..
نتلاقاو غدوة نحطلكم قبل الماتش تماااام .. تصبحو بخيير
#ليلوشة