👑 حسناء الآغا 👑

|| الحلقة 96 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 96 Il
ناض هيثم من بلاصتو ندمان علخر .. و دخل لسبيطار راجع عند حسناء عارف انو كي يشوفها ينسى همومو ..
فتح باب الغرفة على امل انو يلقاها فاتحة عينها .. على امل انو يشوف نظرتها البريئة .. اما قابلاتو مغمضة عينها و فنفس الوضعية لي خلاها فيها ..
رجع قعد فكرسيه .. تبدلت نظرتو ليه و رجعت نظرة شوق .. نظرت حب .. نظرة عشق ( الراعي الرسمي للكرونيك عشق ) ..
هز يدها بين يديه و هدر بصوت خااافت فيه بحة ..
هيثم : عارفة يا حسناء ليوم عرفت بلي ظلمت خوك .. ليوم عرفت بلي انا شخص سئء لدرجة كبيرة .. ظلمتك و ظلمتو .. تسرعت كي حكمت عليه بلا منتأكد و تسرعت كس حكمت عليك بلا منتأكد .. و حتا حكاية معاد نقسملك برب الكعبة يا حبيبي غير نتأكد من حكاية الاغتصاب هادي .. نوعدك ..
و باسلها يدها بكل حنية و بقا يخزر فيها هكاك .. ( و انا علاه شديت يدي شغل باسني انا ..) ..
نروحو عند حيزية و زهرة لي فاقو بكري .. ناضت حيزية متحسنة شوية من رجلها بعد ما دارولها دوا لانو متكسرتش تفعصت برك .. حبطت للكوزينة .. غير شافوها الخدامات دخلت خلعو .. وقفت فوسطهم و هدرت ..
حيزية : ليوم انا ندير لفطور روحو عاونو ماما زهرة فالميناج تاع الظار و منحوس نلقا حتا غلطة مفهوم ..
الخدامات مع بعض : مفهوم ..
خرجو كامل و بقات وحدة فيهم تخزر بخوف .. نفسها لي فتحتلها الباب لبارح .. خزرت فيها حيزية و هدرت باستغراب ..
حيزية : وشبيك نتي علاه راكي تخزري فيا هكاك ..
الدم جمد فيها و نفس تقطعلها .. للحظة دارت فبالها انو فاقتلها .. اما تمتم هدرت و رطبت الجو ..
الخدامة : شي مدام كنت حابة نسقسيك الا رتحتي من رجلك برك ..
حيزية : ايه رتحت و دوك ماشي وقت الاسئلة روحو تخدمو خدمتكم ..
خرجت الخدامة و حيزية شمرت على يدها و حطت يدها على وسطها و هدرت و هي متبسمة بكل ثقة ..
حيزية : ليوم نرجعك دياالي يا آغا هيثم .. ( لالا صاحبي متتحمسش ) ..
و بدات طيب على امل انو ديرلو الماكلة لي يحبها و بعد ما يفتخلهم الامام و ترجع مرتو للمرة ثانية دير مجهوداتها باش تحمل ..
نروحو عند جابر لي بعد ما رجع مالسبيكار طلع لغرلتو .. كانو مزال مناضوش .. دخل بلعقل لقا سمر هاداك وسن بدات تفطن .. راح ليها حضنها ..
عندها يحس روحو طفل .. حطت يدها على شعرو و هدرت ..
سمر : جابر وين كنت ..
جابر : كنت عند هيثم ..
فتحت عينها على وسعهم و تقعدت .. خزرت فيه بحماس دارت فبالها انو تصالحو ..
سمر : و واش صرا ..
جابر : خبرتو الحقيقة و اعتذرت منو ..
سمر : و هو اعتذر على لي دارو .. خلاص تسامحتو ..
جابر : لالا .. طردني .. يمكن مقدرش يتقبلها و عندو الحق لوكان راني فبلاصتو منحملش اني كنت عايش داخلة كذبة كبيرة مدة 12 سنة .. و سمر تعيشي اغلقي الموضوع راني عيياااان ..
عنقاتو و عدات يدها على ظهرو و هدرت ..
سمر : خلاص حبيبي على راحتك غير تحس روحك مليح احكيلي ياك راك عارف نسمعلك فاي وقت ..
جابر : عارف يا عمري .. ( و انا علاه معنديش لي يقولي هاكا .. ) ..
جابر : و ولادي وشراااهم ..
خزرت فيه خزرة الصفرة على جنب و هدرت ..
سمر : شكون قالك دراري .. حاسة راح يكونو بنات ..
جابر : لالا دراري .. ياك راهي كاين ياسمين ..
سمر : جابر ..
جابر : عيونو ..
سمر : تشهيت تراب علابالك ..
خزر فيها يحاول يستوعب لي قاعد تقول فيه .. و هدر ..
جابر : قصدك تراب لي نغرسو فيه ..
رجعو عينيها قلوبة و هدرت بحماس ..
سمر : ايه هو ..
جابر : هبلتي ..
سمر : يا داندو نشمو مناكلوش ههههه ..
قرب ليها يبوس فيها و يعنق و يهدر ..
جابر : هاايليك ريحتي انا واش خصها ..
رجعت تضحك و هو تان و انقطع البث ( متتحمسوش مهم صرا لي فبالكم هههه الحرمة الحرمة .. ) ..
#ليلوشة
—————————————————
اوبالاتي 💜
هيثم فرايكم راح يقدر يعرف وحدو لي صرا بين معاد و حسناء .. و حيزية راح تنجح خططها !! ولا راح تحط يدها فيد محمد !!
حطووولي توقعاتكم طوااال عرااض .. و اجروو للحلقة لي موراها ليوم راح نقلشكم ببزافات حووولقاات
#ليلوشة