👑 حسناء الآغا 👑

|| الحلقة 55 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 55 Il
ترسمت تبسيمة خفيفة على شفتو و هو يخزر فيها .. كانت هي فمنانو و كي فطن قابلاتو هي .. سكنت روحو .. سكنت عقلو .. و تملكت قلبو بلا ميحس ..من اول لقاء .. من اول مرة تلاقاو عينهم رجع قلبو باسمها .. يمكن هادا هو لي يسموه حب من اول نظرة .. لالا عشق من اول نظرة..
عشقها بيها بتفاصيلها .. بنظرتها .. بضحكتها ببكيتها .. بتقلاقها بهروبها .. و هو يخزر فيها تعدا شريط بين عينو وقت حكمها مالحصان و هي هاربة .. وقت باسها .. و حتا وقت لي اعترفلها بلا ميحس بعشقو لعينيها .. عينيها لي اسروه ..
حاول ينوض و يعدل روحو باش يشوفها مليح اما مقدرش .. توجع .. توجع لدرجة انو صوتو فيقها ..
ناضت مفزوعة .. خزرت فيه بخوف و هدرت ..
حسناء : هيثم وشبيك كاش ما راهو يوجع فيك ..
كانت مزال مفطنتش هدرت تلقائيا .. بعد مدة قصيرة و هي واقفة مقابلاتو و تخزر فيه و هو متبسلملها باش فاقت بلي فطن ..
حسناء : ه هيثم صح فطنت ..
غرغرو عينها بالدموع .. حطت يدها على فمها بلعقل .. تحاول تخبي رعشة شواربها ..
هيثم : مديلي الما ..
دارت تجري فرغتلو كاس ما .. و راحت تمدهولو .. ( بداية الرومنسية شدولي قلبكم راهي حلالو بالاكو تقولولي حرام ههههه ) ..
هيثم : قعديني منقدرش نشرب هاكا ..
بعدت عليه شوية .. وقفت مقابلاتو و قاعدت تخزر فيه و تهدر وحدها ..
حسناء : كيفاه قاتلي ارفديه .. نعوجو هاكا .. و لا هاكا نسيت .. يا ربي نسيت ..
هيثم : تعاونيني ولا نبقا هاكا ..
حسناء : هيه راني جيت ..
تقدمت ليه و شداتو من يدو محبتش تلسق فيه .. حاولت تنوضو .. انا دار روحو راهو يتوجع من هاد الحركة ..
حسناء : وجعتك .. اصبر اصبر ..
لسقت فيه .. و دورت يدها فيزوج على ظهرو .. وجها محطوط فوق كتافو .. و حاولت ترفدو و هي تهدر ..
حسناء : عاوني شوية تقييل بزااف ..
تبسم على جنب .. لي كان يخمم فيه صرا .. كان محتاج شوية طاقة .. و طاقة راح يديها من عندها ( لا ليتني كنت مورصو طاقة ) ..
رفع روحو شوية حتا تقعد .. كانت راح تبعد عليه .. اما بحركة خفيفة دور يديه هو تان على ظهرها و شدها عندها و غمض عينو و غطس راسو فشعرها و استنشق هوا كبييير قد الارض ( يا ربي يا ليتني كنت جزيئة اكسجين ليستنشقني حبيبي ههههه ياودي معليش ثاني اكسيد الكربون نورمال ) ..
حاولت مرة وحدوخرا تبعد عليه مقدرتش .. زاد زير عليها ..
حسناء : هيثم اتلقني نمدلك الما ..
هيثم : 5 دقايق برك .. محتاجها التعنيقة ولله ..
كان يهدر و ماشي جايب خبر .. قلبو كان مسيطر فهاديك اللحظة .. واش شاف فمنامو تحقق .. كانت لابسة ابيض .. تاج تاع ورد بيض فوق راسها .. و هو معنقها و هي زادة بادلاتو التعنيقة ..
حسناء : راك مليح ..
هيثم : جامي كنت مليح كيما دوك .. ( لالا انا راح نذوب خلاص شوفو شكون تكمللكم لكرونيك هههه ) ..
طلع يد وحدة و قعد يعدي فيها على شعرها .. زاد دخل راسو اكثر حتا نيفو قاس رقبتها .. الرعشة سرات فبدنها .. حس عليها .. تبسم ..
هيثم : حسناء ..
رجعت النفس بسيف .. قوات روحها .. حاولت تخفي رجفتها و هدرت ..
حسناء : وي ..
هيثم : ريحتك عشق .. ( حتا انا اسمي عشق هيثم انا عشق حق ربي اعشقني نحرق الراسة تاعك ستميات وحدة راهي تقرا لكرونيك و عجباتك غير حسناء .. )
كانت راح تهدر .. اما بعد عليها بلعقل .. حط يديه على وجها .. و تقابلو عينيهم و بينهم مسافة صغيييييييرة .. انفاسهم يخبطو فوجه بعضاهم .... ( حسيت روحي سوفاجة نحشم نوصف هاكا نحرق راسة تاعكم نتوما وسواس خناس قلتولي ديريلنا رومنسية ) ..
#ليلوشة
—————————————————
اوبالاتي 💙
هل تفكروووونا بما افكر .. فيها وقيييل 😘😘 هههههه حطووولي تشو توقعاتكم قلتلكم نكتب 3 على ضربة و نحطهم بصح مقدرتش نصبر عجبتني الحلقة نحطهالكم و نولي نكتب ههههه اكتبوو توقعات اجروووو
#ليلوشة